Бугун 3 апрель, 2025 йил, пайшанба.

Турнир жадвали

Жамоа Ў О
1 Ливерпуль 30 73
2 Арсенал 30 61
3 Ноттингем Форест 30 57
4 Манчестер Сити 30 51
5 Ньюкасл 29 50
6 Челси 29 49
7 Астон Вилла 30 48
8 Брайтон 30 47
9 Фулхэм 30 45
10 Борнмут 30 44
11 Брентфорд 30 41
12 Кристал Пэлас 29 40
13 Ман. Юнайтед 30 37
14 Тоттенхэм 29 34
15 Эвертон 30 34
16 Вест Хэм 30 34
17 Вулверхэмптон 30 29
18 Ипсвич 30 20
19 Лестер 30 17
20 Саутгемптон 30 10

Ўтган ўйинлар. 30-тур

30-тур Вулверхэмптон 1-0 Вест Хэм
30-тур Арсенал 2-1 Фулхэм
30-тур Ноттингем Форест 1-0 Ман. Юнайтед
30-тур Брайтон 0-3 Астон Вилла
30-тур Саутгемптон 1-1 Кристал Пэлас
30-тур Манчестер Сити 2-0 Лестер
30-тур Ньюкасл 2-1 Брентфорд
30-тур Борнмут 1-2 Ипсвич
30-тур Ливерпуль 1-0 Эвертон

Навбатдаги ўйинлар. 29-тур

16/04 23:30 Ньюкасл - Кристал Пэлас

Сўровнома

  • Ўзбекистоннинг қаеридансиз?

  • Натижалар | Жами овоз: 20170 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

«Реал» ўз стадионини ултразамонавий кўринишга келтирмоқда

Баҳо:
+1 | -
ЕВРОПА / Стадионлар / Машҳур стадионлар
Рукн: Янгиликлар
A A A

2023 йилда Мадриднинг «Реал» клубига тегишли «Сантьяго Бернабеу» стадиони навбатдаги реконструкциядан чиқади. Янгиланган арена йилнинг 365 кунида фаол бўлади ва ўйингоҳнинг ўзи футболга алоқадор бўлмаган соҳалар орқали йилига 150 миллион евро ишлаб топади.

2019 йилда «Реал» стадионнинг янги лойиҳаси тақдимотини ўтказди. Бунинг учун 525 миллион евро ажратиладиган бўлди ва клуб бу пулни 30 йиллик кредит олиш орқали топди. Қурилиш ишлари 2020 йилнинг ёзида бошланиши режа қилинганди. Бироқ коронавирус пандемияси сабаб баҳордаёқ мусобақалар тўхтаб қолди. Фурсатдан фойдаланган «Реал» қурилишни эрта бошлаб юборди.

Лойиҳага кўра, асосий ўзгаришлар қуйидагилардан иборат эди:

— Стадион ёнидаги савдо марказини бузиш орқали 6 минг квадрат метрни бўшатиш белгиланди. У ерда парк ва дам олиш масканлари барпо этилади;

— Янгиланган «Сантьяго Бернабеу»нинг баландлиги аввалгисидан (45 метр) 12 метрга баланд бўлади. Ўйингоҳ томини очиб-ёпишга хизмат қиладиган конструкция сабаб баландлик ўзгарган. Томни ёпиш ёки очиш учун 15 дақиқа вақт кетади;

— Стадионнинг ташқи томони тўлиқ яримшаффоф панел ва плёнка билан беркитилади. Бу кундуз куни табиий ёруғликни таъминлаш ва кечки вақтда аренанинг турли тусга киришини таъминлайди;

— Томошабин сиғими сезиларли даражада ортмайди. Сабаби стадионнинг ички қисми 360 даражали медиаэкран билан қопланади.

Бундан ташқари, стадион хизмат кўрсатиш соҳасида ҳам катта даромадни кўзлаган. Стадиондаги овқатланиш масканлари ўйин вақти ва ундан кейин ҳам фаолият юритади. Томошабинлар ўз ўрнидан қўзғалмаган ҳолда махсус илова орқали таом буюртма қилиши мумкин бўлади. Ўйингоҳда бешта ресторан ҳар куни фаолият юритади ва уларда Европанинг машҳур ошпазлари хизмат кўрсатади. Улардан майдон кўриниб туради.

«Реал» матбуот хизмати стадиондаги майдон турли спорт ўйинлари ва оммавий тадбирлар учун қандай мослашиши ҳақида видео эълон қилди.

Майдон чими бўлакларга бўлинган ҳолда стадион тагида жойлашган омборга юборилади. У ерда махсус фиточироқ ва суғориш тизими орқали чим парвариш қилинади.

Майдон қопламасини алмаштириш тизими орқали «Реал» катта режаларни кўзлаган. Майдон концерт, бизнес-конференция, киберспорт мусобақалари, баскетбол, теннис, америкача футбол ва бошқа спорт учрашувларини ўзида қабул қила олади.



Тахминий ҳисоб-китобларга кўра, бу орқали стадион йилига 150 миллион евро қўшимча даромад келтиради. «Реал»нинг ўйинлари клубга йилига 170 миллион даромад олиб келади. «Сантьяго Бернабеу»да йилнинг 300 кунида юқорида санаб ўтилган спорт ўйинлари ва маданий тадбирлар ўтказилади. Хизмат кўрсатиш ва умумий овқатланиш масканлари орқали бу рақам йилига 365 кунга етади.

Ушбу лойиҳани амалга оширишда «Реал» президенти Флорентино Переснинг ўрни беқиёс. Функционер учун қурилиш соҳаси бегона эмас. У қурувчилик соҳасида инженер ҳисобланиб, айланмаси деярли 40 миллиард долларга тенг АCС қурилиш компаниясига эгалик қилади. Қизиғи, унга тегишли компания «Сантьяго Бернабеу»нинг таъмирланиш жараёнига умуман алоқадор эмас. Перес манфаатлар тўқнашуви юз бермаслиги учун ўз компаниясига тендерда иштирок этишни тақиқлаган.

Манба: daryo.uz
Киритилди: 20:28, 10.11.2021. Ўқилди: 7538 марта. Фикрлар: 16 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Бўлимга тегишли қизиқарли хабарлар

Биласизми, “Порту” клуби сўнгги 9 йилда жами 188 миллион еврога футболчилар сотиб олиб, 550 миллион еврога уларни пуллаган.

Тўпурарлар жадвали

Футболчи Гол
1 Ливерпуль Муҳаммад Салоҳ 27
2 Манчестер Сити Эрлинг Холанд 21
3 Ньюкасл Александер Исак 20
4 Ноттингем Форест Крис Вуд 18
5 Брентфорд Бриан Мбемо 16
6 Брентфорд Йоан Висса 14
7 Челси Коул Палмер 14
8 Вулверхэмптон Матеус Кунья 13
9 Астон Вилла Олли Уоткинс 13
10 Кристал Пэлас Жан-Филипп Матета 12

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.