Суҳбатда МОҚ раиси мамлакатимизда соғлом турмуш тарзи тарғиботини кучайтиришга қаратилаётган эътибор хусусида тўхталиб ўтди.
Ўз ўрнида Равшан Ирматов ҳам компаниянинг Ўзбекистон футбол ассоциацияси, хусусан, Профессионал футбол лигаси билан 3 йилдан бери ҳамкорликда фаолият олиб бораётганини алоҳида таъкидлади.
“Ушбу ҳамкорлик ЎФА ва “Coca Cola Uzbekistan” учун икки томонлама ривожланиш имкониятини берди. Суперлига, Пролига, Ўзбекистон кубоги, болалар футболи, оммавий футбол ва бошқа қатор йўналишларда лойиҳалар амалга оширилди. “Coca Cola” билан бирга ушбу мусобақалар янги босқичга чиқди. Келажакда ҳам компания билан кўплаб футбол мусобақалари ва тадбирлари ўтказиш, бу орқали юртимизда футбол оммавийлигини оширишга эришишни ният қилганмиз. Ушбу ҳамкорликни давом эттиришдан мамнунмиз”, деди Равшан Эрматов.
Шунингдек, ЎФА биринчи вице-президенти Эзел Агаоглуни 4 декабр куни Самарқанд шаҳрида ўтадиган Ўзбекистон кубогининг финал учрашувига таклиф этиб қолди.
Эзел Агаоглу самимий қабул учун миннатдорчилик изҳор қилиб, келгусида ҳамкорлик лойиҳаларини кўриб чиқиш, футбол ва Олимпизм тарғиботи билан биргаликда ишлаш компаниянинг истиқболли режаларидан бири эканини таъкидлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).