Бугун Тошкент вақти билан 17:30да Британия пойтахтидаги “Лондон Стэдиум“да “Вест Хэм“ – “Челси“ клублари ўртасидаги Лондон дербисига старт берилади. Бир қарашда меҳмонларнинг осон ғалабасини тахмин қилиш мумкин. Ном ва футболчилар сифати борасида “кўклар“ рақибидан бир бош баланд, шубҳасиз. Бироқ бу АПЛ эканлиги ва унда ҳамма нарса бўлиши мумкин эканлигини инобатга олсак, мезбонларда ҳам ғалаба учун етарли имкон бор. Stadion.uz ҳозир шу баҳс ҳақида батафсил тўхталиб ўтишга қарор қилди.
“Вест Хэм“
Лондоннинг ушбу клуби мавсумни кўтаринки руҳда бошлади. Ҳозирда жамоа турнир жадвалининг тўртинчи поғонасини банд этиб турибди. Жамоавий ўйини билан ном қозонган “Вест Хэм“ Премьер-Лиганинг 14 ўйинида 24 очко тўплашга муваффақ бўлди. Еврокубокда ҳам 5 ўйиндан сўнг, 13 очко жамғарган ҳолда кейинги босқич масаласини муддатидан олдин ҳал этди. Қизиғи, бу жамоалар ўртасидаги сўнгги 4 баҳсда икки клуб ҳам 2тадан ғалабани қўлга киритган. Жорий учрашув интригага бой эканлиги билан бошқаларидан ажралиб туради. Агар Дэвид Мойес шогирдлари бугун мағлуб бўлса, бирйўла олтинчи ўринга равона бўлишлари мумкин. Зотан, ортдан келаётган рақиблар бошқаларнинг қоқилишини интизорлик билан кутиб туришибди.
“Челси“
“Аристократлар“ юқори чўққига чиқиб олишган десак хато қилмаймиз. Пастдан улар томон отилаётган тошларга улар қандай ва қанча муддат туриб бера олишаркан? Мана шуниси ҳамма учун қизиқ. Ҳозирча клуб рақибларнинг ҳужумларига мардонавор туриб бера олмоқда. Охирги марта “Челси“ 30 сентабр куни “Ювентус“га қарши ЧЛ ўйинида мағлуб бўлганди. Шундан кейин турли мусобақалар доирасида ўтказилган 12 учрашувда 9 ғалаба ва 3 дуранг қайд этилди. Шу баҳсларда жамоа атиги 5та гол ўтказиб юборди, 32 гол уришга муваффақ бўлди. Даҳшатли статистика, шундай эмасми? Бироқ ҳали мавсумнинг ярми ҳам тугагани йўқ. Шундай экан, хулоса чиқаришга ҳали вақт бор. Аммо шуниси аниқки, “Вест Хэм“ни олдинда ўта жиддий синов кутиб турибди.
“Вест Хэм“га оид янгиликлар
“Болғалар“да йўқотишлар жиддий эмас. Лекин ўйинни ўтказиб юборувчилар асосий таркиб футболчилари экани ҳам эътиборга молик. Шундай қилиб, бугунги ўйинни ҳимоячи Анхело Огбонна ва Аарон Крессуэлл майдон ташқарисидан кузатишлари мумкин.
“Челси“га оид янгиликлар
Тухель жамоасида эса йўқотишлар жиддий. Бен Чилвелл, Трево Чалоба, Матео Ковачич ва Н'голо Канте каби футболчилар бугунги баҳсни ўтказиб юборишади. Бундай ўйинчиларнинг таркибдан тушиб қолиши ҳар қандай клуб учун катта йўқотиш. Шунга қарамай, меҳмонлар захирасининг қудратли экани мана шунақа вазиятда мураббийга қўл келади.
Тахминий таркиблар
“Вест Хэм“
Фабиански; Цоуфал, Доусон, Зума, Жонсон; Соучек, Райс, Боуэн, Бенрахма, Форнальс; Антонио.
“Челси“
Менди; Рюдигер, Сильва, Кристенсен; Алонсо, Жоржиньо, Лофтус-Чик, Жеймс; Маунт, Зиеш, Лукаку.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
