Бу ҳафтада Еврокубокларнинг сўнгги гуруҳ баҳслари ўтказилди. Кўплаб клублар плей-офф босқичи учун жон олиб, жон беришди. Кимлардир кейинги босқичга, кимлардир эса Европа лигасига равона бўлди. Яна кимлардир бутунлай Евромайдонни тарк этди.
Биз футбол ҳақида гапирганимизда, кўпинча ҳужумчилар ва уларнинг ҳаракатига урғу берамиз. Аммо унутамизки, майдонда улардан ҳам кўп иш бажарувчи вакиллар бор. Шулардан бири дарвозабонлардир. Айнан дарвоза қўриқчиларининг ҳаракатлари туфайли кўп ҳолларда жамоалар ғалабага эришади. Бугун биз нуфузли турнир бўлмиш, Европа чемпионлар лигасида энг кўп майдонга тушган фантастик дарвозабонлар ҳақида сўз юритамиз.
Виктор Валдес – 106 марта
Испаниялик посбон ушбу мусобақада 100дан ортиқ баҳсда қатнашган олтита кипернинг бири ҳисобланади. У бу борада «Бавария»нинг собиқ сардори Оливер Канни ортда қолдира олган (103 та). «La Masia » академияси тарбияланувчиси бўлган Валдес, «Барселона»даги илк дебютини 2002 йилнинг август ойида нишонлайди. 2003-04 йилги мавсумдан эса жамоанинг асосий дарвозабони сифатида ҳаракат қилишни бошлайди. Шу бўйи у 10 йилдан ортиқ вақт давомида ўз ўрнини ҳеч кимга бермади. Валдес 3 марта ЕЧЛ кубогини боши узра баланд кўтаришга эришган.
Петр Чех – 111 марта
«Челси» афсонаси 2012 йилда ЕЧЛ финалида «Бавария»ни таслим этиб, илк марта чемпионликни нишонлаган эди. Чех ўз терма жамоасида ҳам энг кўп ўйин ўтказган футболчи саналади. Айнан унинг муваффақиятли ҳаракатлари сабаб, «Челси» чемпионликка эришган. Хусусан, у ўшанда собиқ жамоадоши Арьен Роббеннинг пенальтисини бартараф этади. Шу орқали Роберто Ди Маттео билан чемпионлик нишонланади. Чех эса Лондонга қаҳрамон бўлиб қайтади.
Жанлуижи Буффон – 124 марта
Афсонавий италиялик футболчи ЕЧЛни юта олмаганлар рўйхатида қолиб кетадиган бўлди. У ушбу асрда 42та футболчи ичида ушбу совринни қўлга кирита олмаган уч ўйинчидан бири бўлиб қолмоқда. Буффон Сеск Фабрегас ҳамда Златан Ибрагимович каби ЕЧЛ совринидан бебаҳра қолди. Энг алам қиладигани, Жижи 124 марта майдонга тушиб, уч бор бу турнирнинг финалида ўйнаган(2003, 2015, 2017). Аммо ғолиблик насиб қилмаган.
Мануэль Нойер – 124+ марта
«Бавария»нинг сешанба оқшомидаги 2-1 ҳисобида «Динамо» устидан қозонган ғалабаси гуруҳни юз фоизлик натижа билан якунлашга ёрдам берди. Бу ўйин Нойернинг 124-маротаба ЕЧЛ мадҳияси остида майдонга тушиб келиши эди. У 2011 йилда «Шалке 04»дан Мюнхен шаҳрига келганидан бери икки бор чемпионликни нишонлашга муваффақ бўлган. Ким билади, бу мавсум ҳам ушбу соврин яна унинг жамоасига насиб этар...
Икер Касильяс – 177 марта
«Реал Мадрид» афсонаси 1999 йилда ёш йигитча сифатида дебют қилганидан сўнг, 15 йил давомида жамоасининг қалқони бўлиб келди. Касильяс ўша мавсумда ЕЧЛда 18 ёшу 177 кунлигида қатнашиб, турнирнинг энг ёш футболчисига айланган эди. Мавсум якунида эса жамоаси билан «Валенсия»ни мағлубиятга учратиб, турнирни ютган энг ёш дарвозабонга айланиб олади. Шундан кейин, Касильяс ушбу совринни ютиб олишни яна 12 йил кутишига тўғри келди. Карло Анчелотти «қаймоқранглилар»ни 2014 йилги финалда «Атлетико» устидан ғалаба қозонишини таъминлаб берди. Ҳозирда 40 ёшни қарши олган афсонанинг рекорди, яқиндагина Роналду томонидан янгиланди. Шунга қарамай, Икер ЕЧЛ тарихида қуруқ ўйин ўтказиш бўйича ҳалиям етакчи саналади (59 та).
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
