Жиноятчилик урчиган мавзедан чиққан юлдуз – Килиан Мбаппе (2-қисм)
Килианнинг ўйини Англиянинг “Челси” жамоасида қизиқиш уйғотди. У Лондонга кўрик ўйинида иштирок этиш учун борди. Яъни мураббийлар унинг ўйинини ўз кўзлари билан кўрмоқчи эди. Биргина ўйинда “Челси” ўсмирлари йирик ғалабага эришдилар. Мбаппе ҳатто голлардан бирига муаллифлик қилди. Унга исми ёзилган клубнинг 10-рақамли либосини ҳам беришди ва тез орада қўнғироқ қилишларини айтиб Францияга кузатиб қўйишди. Мбаппе кута бошлади. Узоқ кутди. Аммо қўнғироқ бўлмади. Лондонликлар уни рад этишганди.
13 ёшида эса “Реал Мадрид” жамаосидан шундай таклиф бўлди. У энди Испания пойтахтига борди. Таклифнома Зинедин Зидан томонидан берилганди. Айнан Мадридда Килиан ўз кумири Криштиану Роналду билан учрашиб суратга тушишга муваффақ бўлган. Бироқ синов даври якунлангач “Реал”дан шартнома бўйича садо чиқмасди. Килианнинг отаси бу вақтга келиб қарор қабул қилиш кераклигини тушунарди. У Францияга қайтишни танлади.
Бу тўғри қарор бўлиб чиқди оҳир-оқибат. Икки мавсум “Клерфонтен” жамоасида машғулот олиб борган қаҳрамонимиз 2015 йил “Монако”дан профессионал шартнома қабул қилиб олди. Шу йил декабрь ойида эса жамоада дебют қилди. Ҳали 17 ёшга тўлмай туриб илк ўйинда 8 кун ўтиб энди Европа Лигасида “Тоттенҳэм”га қарши ўйирда ҳам майдонга тушди ва ассистни ўз ҳисобига ёзиб қўйди. Мана шу ибтидо нуқтаси эди. Келаси мавсумда Мбаппе Франция чемпионати тўпурари бўлди – 26 та гол. Жамоаси эса мамлакат чемпионига айланди.
2017 йилнинг ёзида “ПСЖ”нинг пул билан муаммо нималигини бимайдиган хўжайинлари Мбаппени ижарага олди. Кейинчалик 180 миллион евро эвазига сотиб олиш шарти билан ижарага олиш эди бу. Яхши биласизки охир-оқибат бу трансфер ҳам амалга ошган. Килиан футбол тарихидаги иккинчи энг қиммат футболчига айланди. Биринчиси ҳам унинг янги жамаосида тўп тепарди. Гап Неймар ҳақида эсанини билиб турибсиз.
2018 йил ёзида Франция терма жамоаси яна Жаҳон чемпионига айланди. 20 йил илгари Зидан ва унинг жамоадошлари финалда Бразилияни мағлуб этиб мундиалда тенгсиз бўлишганда Мбаппе ҳали онасининг қорнида эди. Бу сафар эса у финалда хорватларга қарши ўйин қаҳрамонларидан бири бўлди. Умуман шу жаҳон чемпионатидан сўнг уни Пеле билан қиёслашлар кўпайди. Шу қадар ёш бўлишига қарамай терма жамоада 10-рақам остида ишонч билан ҳаракат қилиши мутахассислар оқилишига сабаб бўларди.
Болалигида Криштиану Роналдуга ҳавас қилган Килиан бугун Лионель Месси билан бир клубда тўп тепмоқда ва дунёнинг энг кўп маош олувчи футболчиларидан бири бўлиб турибди. Унинг йиллик даромади 43 миллион евро. Бу Мбаппенинг “ПСЖ”дан оладиган пулллари. Реклама ва бошқа тижорий ҳамкорликларсиз ҳисобланганда шундай.
Унинг автомобилларга қизиқиш юқори. 2021 йил ҳолатига кўра Мбаппенинг гаражида “Мерседес”, “Феррари”, BMW ва “Ауди” автомобил брендларининг турли моделлари мавжуд.
Ориф Толипов.
Манба: https://t.me/tolipovuz
Киритилди: 15:10, 27.12.2021. Ўқилди: 2670 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
