Мухлисларнинг эътиборидан четда қолган Марио Балотелли терма жамоага қайта чақирув олди. У Туркия чемпионатида Манчинини ҳайратда қолдирмоқда. Бунга унинг ўйинларда муносиб иштирок этаётгани ва муҳим голларни киритаётгани сабаб бўлмоқда.
Марио клуб миқёсида балки «Ньюкасл»га ўтиши ҳам мумкин. 2021/22 йилги мавсумни у юқорида таъкидланганидек, Туркияда ўтказяпти. У ёзда у Италиянинг «Монза» клубидан «Адана Демирспор»га трансфер бўлди. Ҳозир ҳаммаси жуда яхши кетмоқда: 21 учрашувда 9 гол ва 5 голли узатма. Ҳатто Роберто Манчини ҳам унинг бу ўйинидан ҳайратда қолган.
Марио Италия билан январдаги йиғинда қатнашиши мумкин. Манчини ҳамон унга ишонмоқда.
Инсайдер Фабрицио Романо Балотелли 2018 йилнинг сентябридан бери илк бор миллий терма жамоага чақирилганини малум қилди. Ҳужумчи жамоа билан январь ойидаги йиғинга боради, у ерда итальянлар Шимолий Македонияга (24 март) қарши ўйинга тайёргарлик кўришади. Манчини 2021 йилнинг сентябрида Мариога умид қилаётганини айтган эди: «Мен Балотеллини ёшлигидан яхши биламан. У ажойиб техникага эга футболчи бўлган ва ҳозир ҳам шундай. Унинг 31 ёшда эканлиги ҳеч қандай аҳамиятга эга эмас, шунинг учун у ўзининг энг юқори чўққисида бўлишини кутяпман. Албатта, Марио охирги 5-6 йил давомида ўзини тўлиқ кўрсата олмагани уни таниган ҳар бир кишини хафа қилади.
Марионинг терма жамоадаги хизматларини қисқача эслайлик: 36 ўйинда у 14 та гол урди, улардан иккитаси айниқса ажойиб кўринишда. Бу, албатта, немисларга қарши Евро-2012 яримфиналидаги дубль. Тўғри, улар барибир кубокни қўлга кирита олишмади: финалда италияликлар Испаниядан мағлуб бўлишган (0:4).
Туркияда Балотелли хейтерларидан қасос олмоқда ва бундан завқланяпти. У шу орқали «Ньюкасл»ни ўзига тортмоқда. Бу мавсум Марио нафақат муносиб голлар урмоқда, балки кулгили ҳикояларга ҳам аралашиб қоляпти. Хусусан, 2021 йилнинг сентябрь ойида Балотелли «Бешиктош» билан тўқнаш келди: у учрашувда гол урди ва ўша пайтдаги рақиб мураббийи Серген Ялчиндан ўч олишга қарор қилди. Гап шундаки, 10 йил олдин бу инсон Мариони «ақлсиз» деб атаганди. Балотелли «Бешиктош» захира ўриндиғига югурди ва Ялчинга кутилмаганда имо-ишоралар қилишни бошлаб юборди.
Декабрь ойида Марио голни нишонлаётган жамоадошининг бошига зарба берди. 21 ёшли Юнус Агюн дубл қайд этган баҳсда у «Галатасарой» устидан ғалаба келтирувчи голга муаллифлик қилган. Ўйиндан сўнг италиялик футболчи Инстаграмида Агюнни мақтаб: «Браво, болам» деб пост қолдирди ва бу кўплаб мунозараларга сабаб бўлди.
Ҳозирда Балотеллини нафақат терма жамоага, балки АПЛга ҳам қайтиши мумкинлиги ҳақида хабарлар тарқалмоқда. Инсайдер Николо Скиранинг фикрича, 31 ёшли ҳужумчига «Ньюкасл» қизиқиш билдирган. Томонлар аллақачон эҳтимолий трансфер бўйича алоқада бўлиб турибди. Бу ақлбовар қилмас харид бўлиб чиқиши мумкин. Воқеалар ривожини эса кузатишда давом этамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
