Muxlislarning e’tiboridan chetda qolgan Mario Balotelli terma jamoaga qayta chaqiruv oldi. U Turkiya chempionatida Manchinini hayratda qoldirmoqda. Bunga uning o‘yinlarda munosib ishtirok etayotgani va muhim gollarni kiritayotgani sabab bo‘lmoqda.
Mario klub miqyosida balki «Nyukasl»ga o‘tishi ham mumkin. 2021/22 yilgi mavsumni u yuqorida ta’kidlanganidek, Turkiyada o‘tkazyapti. U yozda u Italiyaning «Monza» klubidan «Adana Demirspor»ga transfer bo‘ldi. Hozir hammasi juda yaxshi ketmoqda: 21 uchrashuvda 9 gol va 5 golli uzatma. Hatto Roberto Manchini ham uning bu o‘yinidan hayratda qolgan.
Mario Italiya bilan yanvardagi yig‘inda qatnashishi mumkin. Manchini hamon unga ishonmoqda.
Insayder Fabrisio Romano Balotelli 2018 yilning sentyabridan beri ilk bor milliy terma jamoaga chaqirilganini malum qildi. Hujumchi jamoa bilan yanvar oyidagi yig‘inga boradi, u yerda italyanlar Shimoliy Makedoniyaga (24 mart) qarshi o‘yinga tayyorgarlik ko‘rishadi. Manchini 2021 yilning sentyabrida Marioga umid qilayotganini aytgan edi: «Men Balotellini yoshligidan yaxshi bilaman. U ajoyib texnikaga ega futbolchi bo‘lgan va hozir ham shunday. Uning 31 yoshda ekanligi hech qanday ahamiyatga ega emas, shuning uchun u o‘zining eng yuqori cho‘qqisida bo‘lishini kutyapman. Albatta, Mario oxirgi 5-6 yil davomida o‘zini to‘liq ko‘rsata olmagani uni tanigan har bir kishini xafa qiladi.
Marioning terma jamoadagi xizmatlarini qisqacha eslaylik: 36 o‘yinda u 14 ta gol urdi, ulardan ikkitasi ayniqsa ajoyib ko‘rinishda. Bu, albatta, nemislarga qarshi Yevro-2012 yarimfinalidagi dubl. To‘g‘ri, ular baribir kubokni qo‘lga kirita olishmadi: finalda italiyaliklar Ispaniyadan mag‘lub bo‘lishgan (0:4).
Turkiyada Balotelli xeyterlaridan qasos olmoqda va bundan zavqlanyapti. U shu orqali «Nyukasl»ni o‘ziga tortmoqda. Bu mavsum Mario nafaqat munosib gollar urmoqda, balki kulgili hikoyalarga ham aralashib qolyapti. Xususan, 2021 yilning sentyabr oyida Balotelli «Beshiktosh» bilan to‘qnash keldi: u uchrashuvda gol urdi va o‘sha paytdagi raqib murabbiyi Sergen Yalchindan o‘ch olishga qaror qildi. Gap shundaki, 10 yil oldin bu inson Marioni «aqlsiz» deb atagandi. Balotelli «Beshiktosh» zaxira o‘rindig‘iga yugurdi va Yalchinga kutilmaganda imo-ishoralar qilishni boshlab yubordi.
Dekabr oyida Mario golni nishonlayotgan jamoadoshining boshiga zarba berdi. 21 yoshli Yunus Agyun dubl qayd etgan bahsda u «Galatasaroy» ustidan g‘alaba keltiruvchi golga mualliflik qilgan. O‘yindan so‘ng italiyalik futbolchi Instagramida Agyunni maqtab: «Bravo, bolam» deb post qoldirdi va bu ko‘plab munozaralarga sabab bo‘ldi.
Hozirda Balotellini nafaqat terma jamoaga, balki APLga ham qaytishi mumkinligi haqida xabarlar tarqalmoqda. Insayder Nikolo Skiraning fikricha, 31 yoshli hujumchiga «Nyukasl» qiziqish bildirgan. Tomonlar allaqachon ehtimoliy transfer bo‘yicha aloqada bo‘lib turibdi. Bu aqlbovar qilmas xarid bo‘lib chiqishi mumkin. Voqealar rivojini esa kuzatishda davom etamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
