Хабарингиз бор, ўтган мавсум Роберт Левандовски 2020/21 йилги мавсум якунига келиб 82 очко билан «Олтин бутса»ни қўлга киритган эди. Польяк ўшанда Германия чемпионатида 41 та гол урган.
2008 йилдан 2019 йилгача Криштиану Роналду ва Лионель Месси жами 10 та «Олтин бутса»ни биринма-кетин бўлишиб олган эдилар. Бу борада португалияликда 4 та, аргентиналикда эса 6 тадан соврин бор. Бироқ бу сафар юқоридаги бу икки футболчилардан ҳар иккиси ҳам «Олтин бутса»сиз қоладиган бўлди. Чиро Иммобиле 2019/20 йилда, Левандовски эса ундан кейинги мавсум ғалаба қозонганини ҳисобга олсак, Роналду ва Месси мухлислари ўз кумирларидан голларни анча соғиниб қолишган. Ҳозирда Криштиану ва Месси «Олтин бутса» учун энг кучли 50 даъвогар ичида ҳам йўқ.
Қуйида эътиборингизга 2021/22 йилги мавсумда 10+ гол урган футболчилар рўйхатини ҳавола этамиз. Бунда урилган голлар сони тенг бўлиб қолган тақдирда голли узатмалар сони ҳисобга олинади. Кейин эса ўйналган баҳслар ва энг сўнггида дақиқалар ҳисобга олинади.
Қуйида ушбу футболчиларнинг кенгайтирилган рўйхатини ҳавола этамиз.
27-ўрин. Диогу Жота («Ливерпуль», Португалия) – 21 ўйинда 10 гол (1 голли узатма)
26-ўрин. Тэмми Абрахам («Рома»; Англия) - 23 ўйинда 10 гол (3 голли узатма)
25-ўрин. Серж Гнабри («Бавария», Германия) - 21 ўйинда 10 гол (3 голли узатма)
24-ўрин. Жоау Педро («Кальяри», Бразилия) - 23 ўйинда 10 гол (4 голли узатма)
23-ўрин. Амин Гуири («Ницца», Франция) - 23 ўйинда 10 гол (7 голли узатма)
22-ўрин. Кристофер Нкунку («РБ Лейпциг», Франция) – 21 ўйинда 10 гол (7 голли узатма)
21-ўрин. Людовик Ажорк (Страсбург, Франция) - 21 ўйинда 10 гол (7 голли узатма).
Тэмми Абрахам хориж лигалари орасида энг кўп гол урган инглиз футболчиси ҳисобланади. Агар Англия Премьер-лигаси ҳақида гапирадиган бўлсак, ўз уй чемпионатида инглизларнинг энг яхши натижасини Жейми Варди қайд этган (9 гол).
Рейтингга назар соладиган бўлсак, уч нафар француз бирданига 10 тадан кўп гол уришга эришган: Ажорк, Нкунку ва Гуири. Нкунку учун бу мавсум фаолиятидаги энг сермаҳсули бўлмоқда: Чемпионлар лигаси ва Германия кубоги ўйинларини ҳисобга олсак, у аллақачон 18 та гол уришга улгурган. Гуири бутун мавсум давомида Лига 1 доирасида 12 та гол урган. Унга ҳозирга келиб топ жамоалар қизиқиш билдирмоқда.
Диогу Жота Премьер-лигада 10 та гол урди. Португалиялик турнирнинг энг яхши тўпурарлари рўйхатида иккинчи ўринни эгаллаб турибди, фақат унинг жамоадоши Муҳаммад Салоҳ португалдан кўпроқ гол уришга эришган.
20-ўрин. Доменико Берарди («Сассуоло», Италия) – 21 ўйинда 10 гол (9 голли узатма)
19-ўрин. Мартин Терье («Ренн»; Франция) – 22 ўйинда 11 гол (0 голли узатма).
18-ўрин. Хоселу («Алавес», Испания) – 23 ўйинда 11 гол (2 голли узатма).
17-ўрин. Лаутаро Мартинес («Интер»; Аргентина) - 21 ўйинда 11 гол (2 голли узатма).
16-ўрин. Юго Аспас («Сельта», Испания) – 22 ўйинда 11 гол (3 голли узатма).
Яго Аспас бу йил ўзининг 35 ёшини нишонлайди, аммо унинг майдондаги қобилиятлари ҳали ҳам жойида. Шу ўринда унинг ватандоши Хоселу «Алавес»нинг лигада қолиши учун асосий қаҳрамон сифатида гавдаланмоқда. Ҳужумчи чемпионатда жамоасининг 17 голидан 11 тасини (65%) киритган.
Мартинесга тўхталадиган бўлсак, у ўтган мавсум А Серияда «Интер» сафида 17 та гол урганди. Аргентиналик футболчининг ўз шахсий рекордини янгилаши учун ҳали имконияти мавжуд.
15-ўрин. Килиан Мбаппе («ПСЖ», Франция) – 21 ўйинда 11 гол (9 голли узатма)
14-ўрин. Жонатан Дэвид («Лилль», Канада) - 23 ўйинда 12 гол (0 голли узатма)
13-ўрин. Хуанми («Бетис», Испания) - 20 ўйинда 12 гол (1 голли узатма).
12-ўрин. Раул Де Томас («Эспаньол», Испания) – 21 ўйинда 12 гол (2 голли узатма)
11-ўрин. Жованни Симеоне («Верона», Аргентина) - 21 ўйинда 12 гол (3 голли узатма).
- Мавсум бошланишидан олдин «ПСЖ»нинг ажойиб ҳужум чизиғи Лига 1даги рақибларини парчалаб ташлашини кутган бўлсангиз керак, лекин бу ерда фақат Килиан Мбаппегина яхши натижа қайд этмоқда. У гол-пас тизимида 20 очко тўплашга эришди. Неймар 3 та, Месси эса 2 та гол урган холос.
- Бу ерда алоҳида тўхталиб ўтадиган футболчи мавжуд. Диего Симеоненинг ўғли Жованни Симеоне жорий мавсум Европанинг топ-лигаларидаги голеадорлар орасида кучли ўнталикка кириш учун курашмоқда. У А Серияда тўпурарлар рейтингида учинчи ўринни эгаллаб турибди — Иммобиле ва Влаховичдан кейин иккинчи ўринда.
10-ўрин. Винисиус Жуниор («Реал Мадрид», Бразилия) - 21 ўйинда 12 гол (5 голли узатма)
9-ўрин. Антони Модест («Кёльн», Франция) – 21 ўйинда 14 гол (0 голли узатма)
8-ўрин. Виссам Бен Йеддер («Бетис», Испания) – 22 ўйинда 14 гол (4 голли узатма)
7-ўрин. Эрлинг Холанд («Боруссия Д»; Норвегия) – 14 ўйинда 16 гол (5 голли узатма)
6-ўрин. Муҳаммад Салоҳ («Ливерпуль», Миср) – 20 ўйинда 16 гол (9 голли узатма).
- Муҳаммад Салоҳ айни дам Англия премьер-лигасининг энг яхши тўпурари ҳисобланади. Африка Миллатлар Кубогидаги иштироки туфайли мисрлик бир нечта учрашувларни ўтказиб юборишга мажбур бўлди, бироқ унинг пойгадаги рақиблари бу имкониятдан фойдалана олишмади ва Салоҳ катта фарқ билан пешқадамлик қилишда давом этади.
- Эрлинг Холанд Бундеслиганинг 14 ўйинида 16 та гол урган, норвегиялик футболчи ҳар бир ўйинда ўртача 1,14 тадан тўп киритмоқда. Афсуски, у жароҳатлар туфайли кўп ўйинларни ўтказиб юборди. Акс ҳолда у аллақачон 20талик довонга етган бўларди.
5-ўрин. Карим Бензема («Реал Мадрид»; Франция) – 21 ўйинда 17 гол (7 голли узатма).
4-ўрин. Патрик Шик («Байер», Чехия) - 18 та ўйинда 18 та гол (1 та голли узатма)
3-ўрин. Душан Влахович («Фиорентина»/«Ювентус»; Сербия) - 22 ўйинда 18 гол (2 голли узатма)
2-ўрин. Чиро Иммобиле («Лацио»; Италия) - 20 ўйинда 18 гол (2 голли узатма)
1-ўрин. Роберт Левандовски («Бавария», Польша) - 21 ўйинда 24 гол (1 голли узатма)
- Европанинг топ-лигаларидаги энг яхши тўпурарлар рейтингини сўнгги икки давомида «Олтин бутса»ни қўлга киритган Иммобиле ва Левандовскилар эгаллаб турибди, Роберт ўнинчи ўриндаги Винисиусдан икки баробар кўп гол урган. Польякнинг Бундеслигадаги ўртача кўрсаткичи Эрлинг Холанд каби ҳар бир ўйинга 1,14 та голдан тўғри келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
