Xabaringiz bor, o‘tgan mavsum Robert Levandovski 2020/21 yilgi mavsum yakuniga kelib 82 ochko bilan «Oltin butsa»ni qo‘lga kiritgan edi. Polyak o‘shanda Germaniya chempionatida 41 ta gol urgan.
2008 yildan 2019 yilgacha Krishtianu Ronaldu va Lionel Messi jami 10 ta «Oltin butsa»ni birinma-ketin bo‘lishib olgan edilar. Bu borada portugaliyalikda 4 ta, argentinalikda esa 6 tadan sovrin bor. Biroq bu safar yuqoridagi bu ikki futbolchilardan har ikkisi ham «Oltin butsa»siz qoladigan bo‘ldi. Chiro Immobile 2019/20 yilda, Levandovski esa undan keyingi mavsum g‘alaba qozonganini hisobga olsak, Ronaldu va Messi muxlislari o‘z kumirlaridan gollarni ancha sog‘inib qolishgan. Hozirda Krishtianu va Messi «Oltin butsa» uchun eng kuchli 50 da’vogar ichida ham yo‘q.
Quyida e’tiboringizga 2021/22 yilgi mavsumda 10+ gol urgan futbolchilar ro‘yxatini havola etamiz. Bunda urilgan gollar soni teng bo‘lib qolgan taqdirda golli uzatmalar soni hisobga olinadi. Keyin esa o‘ynalgan bahslar va eng so‘nggida daqiqalar hisobga olinadi.
Quyida ushbu futbolchilarning kengaytirilgan ro‘yxatini havola etamiz.
27-o‘rin. Diogu Jota («Liverpul», Portugaliya) – 21 o‘yinda 10 gol (1 golli uzatma)
26-o‘rin. Temmi Abraxam («Roma»; Angliya) - 23 o‘yinda 10 gol (3 golli uzatma)
25-o‘rin. Serj Gnabri («Bavariya», Germaniya) - 21 o‘yinda 10 gol (3 golli uzatma)
24-o‘rin. Joau Pedro («Kalyari», Braziliya) - 23 o‘yinda 10 gol (4 golli uzatma)
23-o‘rin. Amin Guiri («Nissa», Fransiya) - 23 o‘yinda 10 gol (7 golli uzatma)
22-o‘rin. Kristofer Nkunku («RB Leypsig», Fransiya) – 21 o‘yinda 10 gol (7 golli uzatma)
21-o‘rin. Lyudovik Ajork (Strasburg, Fransiya) - 21 o‘yinda 10 gol (7 golli uzatma).
Temmi Abraxam xorij ligalari orasida eng ko‘p gol urgan ingliz futbolchisi hisoblanadi. Agar Angliya Premyer-ligasi haqida gapiradigan bo‘lsak, o‘z uy chempionatida inglizlarning eng yaxshi natijasini Jeymi Vardi qayd etgan (9 gol).
Reytingga nazar soladigan bo‘lsak, uch nafar fransuz birdaniga 10 tadan ko‘p gol urishga erishgan: Ajork, Nkunku va Guiri. Nkunku uchun bu mavsum faoliyatidagi eng sermahsuli bo‘lmoqda: Chempionlar ligasi va Germaniya kubogi o‘yinlarini hisobga olsak, u allaqachon 18 ta gol urishga ulgurgan. Guiri butun mavsum davomida Liga 1 doirasida 12 ta gol urgan. Unga hozirga kelib top jamoalar qiziqish bildirmoqda.
Diogu Jota Premyer-ligada 10 ta gol urdi. Portugaliyalik turnirning eng yaxshi to‘purarlari ro‘yxatida ikkinchi o‘rinni egallab turibdi, faqat uning jamoadoshi Muhammad Saloh portugaldan ko‘proq gol urishga erishgan.
20-o‘rin. Domeniko Berardi («Sassuolo», Italiya) – 21 o‘yinda 10 gol (9 golli uzatma)
19-o‘rin. Martin Terye («Renn»; Fransiya) – 22 o‘yinda 11 gol (0 golli uzatma).
18-o‘rin. Xoselu («Alaves», Ispaniya) – 23 o‘yinda 11 gol (2 golli uzatma).
17-o‘rin. Lautaro Martines («Inter»; Argentina) - 21 o‘yinda 11 gol (2 golli uzatma).
16-o‘rin. Yugo Aspas («Selta», Ispaniya) – 22 o‘yinda 11 gol (3 golli uzatma).
Yago Aspas bu yil o‘zining 35 yoshini nishonlaydi, ammo uning maydondagi qobiliyatlari hali ham joyida. Shu o‘rinda uning vatandoshi Xoselu «Alaves»ning ligada qolishi uchun asosiy qahramon sifatida gavdalanmoqda. Hujumchi chempionatda jamoasining 17 golidan 11 tasini (65%) kiritgan.
Martinesga to‘xtaladigan bo‘lsak, u o‘tgan mavsum A Seriyada «Inter» safida 17 ta gol urgandi. Argentinalik futbolchining o‘z shaxsiy rekordini yangilashi uchun hali imkoniyati mavjud.
15-o‘rin. Kilian Mbappe («PSJ», Fransiya) – 21 o‘yinda 11 gol (9 golli uzatma)
14-o‘rin. Jonatan Devid («Lill», Kanada) - 23 o‘yinda 12 gol (0 golli uzatma)
13-o‘rin. Xuanmi («Betis», Ispaniya) - 20 o‘yinda 12 gol (1 golli uzatma).
12-o‘rin. Raul De Tomas («Espanyol», Ispaniya) – 21 o‘yinda 12 gol (2 golli uzatma)
11-o‘rin. Jovanni Simeone («Verona», Argentina) - 21 o‘yinda 12 gol (3 golli uzatma).
- Mavsum boshlanishidan oldin «PSJ»ning ajoyib hujum chizig‘i Liga 1dagi raqiblarini parchalab tashlashini kutgan bo‘lsangiz kerak, lekin bu yerda faqat Kilian Mbappegina yaxshi natija qayd etmoqda. U gol-pas tizimida 20 ochko to‘plashga erishdi. Neymar 3 ta, Messi esa 2 ta gol urgan xolos.
- Bu yerda alohida to‘xtalib o‘tadigan futbolchi mavjud. Diyego Simeonening o‘g‘li Jovanni Simeone joriy mavsum Yevropaning top-ligalaridagi goleadorlar orasida kuchli o‘ntalikka kirish uchun kurashmoqda. U A Seriyada to‘purarlar reytingida uchinchi o‘rinni egallab turibdi — Immobile va Vlaxovichdan keyin ikkinchi o‘rinda.
10-o‘rin. Vinisius Junior («Real Madrid», Braziliya) - 21 o‘yinda 12 gol (5 golli uzatma)
9-o‘rin. Antoni Modest («Kyoln», Fransiya) – 21 o‘yinda 14 gol (0 golli uzatma)
8-o‘rin. Vissam Ben Yedder («Betis», Ispaniya) – 22 o‘yinda 14 gol (4 golli uzatma)
7-o‘rin. Erling Xoland («Borussiya D»; Norvegiya) – 14 o‘yinda 16 gol (5 golli uzatma)
6-o‘rin. Muhammad Saloh («Liverpul», Misr) – 20 o‘yinda 16 gol (9 golli uzatma).
- Muhammad Saloh ayni dam Angliya premyer-ligasining eng yaxshi to‘purari hisoblanadi. Afrika Millatlar Kubogidagi ishtiroki tufayli misrlik bir nechta uchrashuvlarni o‘tkazib yuborishga majbur bo‘ldi, biroq uning poygadagi raqiblari bu imkoniyatdan foydalana olishmadi va Saloh katta farq bilan peshqadamlik qilishda davom etadi.
- Erling Xoland Bundesliganing 14 o‘yinida 16 ta gol urgan, norvegiyalik futbolchi har bir o‘yinda o‘rtacha 1,14 tadan to‘p kiritmoqda. Afsuski, u jarohatlar tufayli ko‘p o‘yinlarni o‘tkazib yubordi. Aks holda u allaqachon 20talik dovonga yetgan bo‘lardi.
5-o‘rin. Karim Benzema («Real Madrid»; Fransiya) – 21 o‘yinda 17 gol (7 golli uzatma).
4-o‘rin. Patrik Shik («Bayer», Chexiya) - 18 ta o‘yinda 18 ta gol (1 ta golli uzatma)
3-o‘rin. Dushan Vlaxovich («Fiorentina»/«Yuventus»; Serbiya) - 22 o‘yinda 18 gol (2 golli uzatma)
2-o‘rin. Chiro Immobile («Lasio»; Italiya) - 20 o‘yinda 18 gol (2 golli uzatma)
1-o‘rin. Robert Levandovski («Bavariya», Polsha) - 21 o‘yinda 24 gol (1 golli uzatma)
- Yevropaning top-ligalaridagi eng yaxshi to‘purarlar reytingini so‘nggi ikki davomida «Oltin butsa»ni qo‘lga kiritgan Immobile va Levandovskilar egallab turibdi, Robert o‘ninchi o‘rindagi Vinisiusdan ikki barobar ko‘p gol urgan. Polyakning Bundesligadagi o‘rtacha ko‘rsatkichi Erling Xoland kabi har bir o‘yinga 1,14 ta goldan to‘g‘ri keladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
