Ҳужумчи Демба Бани эслайсизми? Сентябрь ойида 36 ёшли сенегаллик фаолиятини якунлаган эди. Айни дам Демба футболдан узоқда бўлмаган ҳолда ўзида янги юмушларни синаб кўрмоқда. У телевидениеда мутахассис сифатида ишлаяпти. Ба биринчи эшиттиришидаёқ томошабинларни ҳайратда қолдира олди. Тўғри, ноёб таҳлиллари билан эмас, балки янги соч турмаги билан.
Фаолияти давомида Ба шундай кўринишда бўлганини ҳисобга олсак, бу ғайриоддий кўриниши мумкин.
Аммо Банинг совуққонлигини эслаш учун яхши сабаблар етарли. 2010 йилларнинг бошида сенегаллик футболчилар Премьер-лигада анча ёрқин порлашди ва умуман олганда, Банинг йўли ҳам жуда қизиқарли бўлиб чиқди. Англия ва Германиядаги мавсумларни барча жуда яхши хотиралар билан эсласа керак. Фаолияти тугаганидан кейин унга Москванинг «Локомотив» клубидан таклиф келиб тушган.
2007 йилда «Хоффенхайм» бош мураббийи Ральф Рангник сенегалликнинг ўйинини ёқтириб қолди, ўшанда Демба бўшаб қолган позицияда лидерликни ўз қўлига олганди. Тўрт йилдан сўнг ҳужумчи Англияга йўл олди. 2011 йилнинг январида Ба «Вест Хэм» сафига келиб қўшилди ва атиги олти ойдан сўнг лондонликлар қуйи лигага тушиб кетгани сабабли «Ньюкасл»га кўчиб ўтди. У ерда ўз маҳоратини янада ошириб борди. Банинг Паписс Сиссе билан вужудга келтирган супер тандеми жамоа мухлислари ёдида абадий қолади.
Ба голлар уришда давом этди ва 2013 йилнинг январида «Челси»га ўтди: у ерда сенегаллик у қадар кўп марта асосий таркибдан ўрин олавермади. Аммо барибир клуб тарихида афсонавий из қолдирди. Барча мухлислар Стивен Жеррарднинг майдонда сирпаниб кетгандаги хатосидан кейин Демба Банинг «Ливерпуль» дарвозасига тарихий голни урганини албатта эслашса керак.
Қизиғи шундаки, Банинг ўзи дастлаб урган голини анча паст баҳолаган. У буни шундай эслайди: «Мен бу голнинг қадр-қимматини бир неча йилдан, одамлар бу ҳақда гапиришда давом этганидан кейин англадим ва улар ҳали ҳам бу ҳақда гапиришмоқда. Бу мени хурсанд қилади», - дейди Ба.
«Челси»дан кейин Ба бор эътиборини пул ишлашга қаратди десак тўғри бўлади. У аввалига Туркияга, кейинчалик эса Хитойга йўл олди. Сўнгги уч йил у Истанбулда ўйнади ва ҳатто ирқчилик билан боғлиқ можароларга ҳам дуч келди. Лекин Ба барчасига нисбатан жиддий ва сокин темпда муносабат билдирди. Шундан сўнг Швециянинг «Лугано» клубига ўтди ва уч ўйиндан кейин профессионал футбол билан хайрлашди.
«Барчага миннатдорчилик билдирган ҳолда ўз футболчилик фаолиятимни якунлаганимни эълон қиламан. Қандай ажойиб саёҳат! Кўп қийинчиликларни бошдан кечирганимга қарамай, футбол менга жуда кўп ажойиб туйғуларни ҳадя этди. Мухлисларнинг иштиёқи ва ҳар бир голдан кейин трибунадаги шовқин-сурондан тортиб, майдон ва унинг ташқарисидаги инсонлар билан мулоқотгача. Барчаси менинг қалбимда абадий қолади», - дейди Ба.
2021 йилнинг сентябрь ойида Рангник Демба Бани «Локомотив»га спорт директори лавозимига чақираётгани ҳақида хабарлар тарқатди. Аммо кейинчалик булар шунчаки миш-миш бўлиб қолди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
