Конференциялар лигасининг энг яхши тўпурари ван Персининг шогирди ҳисобланади. «Фейеноорд»нинг бельгиялик футболчиси ўзининг кумири Робинни ҳайратда қолдирмоқда.
Сириль Дессерсни эслаб қолинг.
«Фейеноорд» ҳужумчиси Сириль Дессерс Конференциялар лигасининг нимчорак финалида «Марсель» дарвозасига иккита гол урди – ва биринчи ўйиннинг бош қаҳрамонига айланди: голландлар 3:2 ҳисобида ғалаба қозонишди. Бельгиялик футболчи кетма-кет икки баҳсда дублга эришди: у Праганинг «Славия» клубига қарши чорак финал жавоб учрашувида иккита гол урди. Умуман олганда, Дессерс Конференциялар лигасида аллақачон 10 та гол уришга эришган, у янги ташкил этилган мусобақанинг энг яхши тўпурари ҳисобланади.
Пешқадамлар рўйхатида шунингдек, «Фейеноорд»нинг яна бир ҳужумкор футболчиси – Луис Синистерра ҳам бор, унинг ҳисобида олтита гол мавжуд ва бу борада учинчи ўринни банд этган.
Роттердам жамоаси ўйинининг сири нимада?
Ван Перси клубда ҳужумчиларга жиддий сабоқ беради. У ўз ишини фрилансер сифатида бошлаган ва ҳозирда доимий равишда маслаҳатлар бериб келмоқда. Бош мураббий Арне Слот штабида ҳужумчилар билан ишлашга масъул бўлган Робин ван Персининг клубдаги ўрни катта.
Умуман олганда, «Фейеноорд» тарбияланувчиси бўлган Робин 2020 йилнинг ёзидан буён клубда фаолият юритиб келади. У ўз ишини шундай тасвирлаган:
“Бу расмий позиция эмас. Шунинг учун лавозимимни аниқ бир номлаш мен учун қийин. Масалан, ўзимни форвард мураббийи деб ҳисобламайман. Ўйлайманки, бу иш агар менга ёқса, мен бу ерда ишлашда давом этаман ва ходимлардан ёрдамимни аямайман. Ўтган йил давомида мен фақат ўзим ёқтирган нарсани қилдим. Мен Англияда мутахассис сифатида ишлайман, оилам билан кўп саёҳат қиламан, кўп спорт билан шуғулланаман. Энди айнан мураббийлик соҳаси мен учун тўғри ёки йўқлигини кўрмоқчиман", - дейди Перси.
Ван Перси айни дам мураббийлар штабида тўлиқ ишлашга ўтди, у веб-сайтда ёрдамчи мураббийлардан бири сифатида кўрсатилган ва ҳозирча жамоанинг ҳар бир машғулотида иштирок этмоқда. Бу эса ҳужумчиларга, уларнинг ҳар томонлама ўсишига катта ёрдам бермоқда. Бунинг ёрқин мисолини қуйидаги футболчи орқали ҳам билиб олиш мумкин.
«Ван Персининг бизга катта ёрдами тегмоқда. Биз жуда кичик нарсаларни ҳам четда қолдирмаймиз, барча деталлар устида ишлаяпмиз. Бу ерда ортиқча бурилишлар кўп. Бироқ сиз бу ўзи бизга қачон керак бўлади, деб савол беришингиз мумкин. Ишонинг, мураббий эффекти вақт ўтиб албатта, фойда беради. Бир ҳафтадан кейин икки марта гол урдим, ана фойдаси! Бу ақлдан озган ҳолат», - дейди Дессерс.
Мен ван Персининг «Арсенал», «Манчестер Юнайтед», «Фейеноорд» ва терма жамоасидаги ўйинларини кўриб ўсганман. У билан ишлаш алоҳида ўзгача туйғу. Мен унинг барча сўзларини ўзимга сингдиришга ҳаракат қиламан, мен ҳеч нарсани унутиб юборишга йўл қўймайман. Ван Персининг сўзлари жуда яхши ишламоқда. Эредивизияда фақат «Аякс» ва «ПСВ» «Фейеноорд»дан кўра кўпроқ гол урди, бироқ уларнинг бирортаси ҳам еврокубокларнинг ярим финалига чиқа олмади. Роттердамликлар эса шу ерда. Ва улар финалга чиқишлари мумкин! Бу мен учун ғурур. Бу йўлда Ван Персига раҳмат айтаман», — дейди футболчи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
