Konferensiyalar ligasining eng yaxshi to‘purari van Persining shogirdi hisoblanadi. «Feyenoord»ning belgiyalik futbolchisi o‘zining kumiri Robinni hayratda qoldirmoqda.
Siril Dessersni eslab qoling.
«Feyenoord» hujumchisi Siril Dessers Konferensiyalar ligasining nimchorak finalida «Marsel» darvozasiga ikkita gol urdi – va birinchi o‘yinning bosh qahramoniga aylandi: gollandlar 3:2 hisobida g‘alaba qozonishdi. Belgiyalik futbolchi ketma-ket ikki bahsda dublga erishdi: u Praganing «Slaviya» klubiga qarshi chorak final javob uchrashuvida ikkita gol urdi. Umuman olganda, Dessers Konferensiyalar ligasida allaqachon 10 ta gol urishga erishgan, u yangi tashkil etilgan musobaqaning eng yaxshi to‘purari hisoblanadi.
Peshqadamlar ro‘yxatida shuningdek, «Feyenoord»ning yana bir hujumkor futbolchisi – Luis Sinisterra ham bor, uning hisobida oltita gol mavjud va bu borada uchinchi o‘rinni band etgan.
Rotterdam jamoasi o‘yinining siri nimada?
Van Persi klubda hujumchilarga jiddiy saboq beradi. U o‘z ishini frilanser sifatida boshlagan va hozirda doimiy ravishda maslahatlar berib kelmoqda. Bosh murabbiy Arne Slot shtabida hujumchilar bilan ishlashga mas’ul bo‘lgan Robin van Persining klubdagi o‘rni katta.
Umuman olganda, «Feyenoord» tarbiyalanuvchisi bo‘lgan Robin 2020 yilning yozidan buyon klubda faoliyat yuritib keladi. U o‘z ishini shunday tasvirlagan:
“Bu rasmiy pozisiya emas. Shuning uchun lavozimimni aniq bir nomlash men uchun qiyin. Masalan, o‘zimni forvard murabbiyi deb hisoblamayman. O‘ylaymanki, bu ish agar menga yoqsa, men bu yerda ishlashda davom etaman va xodimlardan yordamimni ayamayman. O‘tgan yil davomida men faqat o‘zim yoqtirgan narsani qildim. Men Angliyada mutaxassis sifatida ishlayman, oilam bilan ko‘p sayohat qilaman, ko‘p sport bilan shug‘ullanaman. Endi aynan murabbiylik sohasi men uchun to‘g‘ri yoki yo‘qligini ko‘rmoqchiman", - deydi Persi.
Van Persi ayni dam murabbiylar shtabida to‘liq ishlashga o‘tdi, u veb-saytda yordamchi murabbiylardan biri sifatida ko‘rsatilgan va hozircha jamoaning har bir mashg‘ulotida ishtirok etmoqda. Bu esa hujumchilarga, ularning har tomonlama o‘sishiga katta yordam bermoqda. Buning yorqin misolini quyidagi futbolchi orqali ham bilib olish mumkin.
«Van Persining bizga katta yordami tegmoqda. Biz juda kichik narsalarni ham chetda qoldirmaymiz, barcha detallar ustida ishlayapmiz. Bu yerda ortiqcha burilishlar ko‘p. Biroq siz bu o‘zi bizga qachon kerak bo‘ladi, deb savol berishingiz mumkin. Ishoning, murabbiy effekti vaqt o‘tib albatta, foyda beradi. Bir haftadan keyin ikki marta gol urdim, ana foydasi! Bu aqldan ozgan holat», - deydi Dessers.
Men van Persining «Arsenal», «Manchester Yunayted», «Feyenoord» va terma jamoasidagi o‘yinlarini ko‘rib o‘sganman. U bilan ishlash alohida o‘zgacha tuyg‘u. Men uning barcha so‘zlarini o‘zimga singdirishga harakat qilaman, men hech narsani unutib yuborishga yo‘l qo‘ymayman. Van Persining so‘zlari juda yaxshi ishlamoqda. Erediviziyada faqat «Ayaks» va «PSV» «Feyenoord»dan ko‘ra ko‘proq gol urdi, biroq ularning birortasi ham yevrokuboklarning yarim finaliga chiqa olmadi. Rotterdamliklar esa shu yerda. Va ular finalga chiqishlari mumkin! Bu men uchun g‘urur. Bu yo‘lda Van Persiga rahmat aytaman», — deydi futbolchi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
