Англия Премьер-лигасидаги энг ашаддий тўқнашувлардан бири шубҳасиз «Арсенал» ҳамда «Тоттенхэм» курашидир. Ҳар икки жамоа бу мавсумда анча қийинчиликларга дуч келди. Шунга қарамай, АПЛнинг тўртинчи ўрини, у орқали эса ЕЧЛ йўлланмасини қўлга киритиш айнан мана шу жуфтлик ўртасида ҳал бўлади. Улар сўнгги турда ғалабалар қайд этди ва бу орқали ўз имкониятларини сақлав қолди. Хусусан, «шпорлар» «Лестер» устидан 3-1 ҳисобида ғалаба қозонган бўлса (Кейндан гол ва Сондан дубл), «Арсенал» меҳмонда «Вест Хэм»ни таслим этиб қайтди (1-2). Бу натижа ҳаммаси 12 май куни, шимолий Лондон дербисида ҳал бўлишини англатади.
Ҳар икки томоннинг жорий таркибига қарайдиган бўлсак, бу рақиблар бир-бирига қанчалик мос тушишини англаб олишимиз мумкин бўлади. Масалан, жамоалар футболчиларидан рамзий терма жамоа тузилгудек бўлса, хатто дарвозабонлар чизиғида ҳам ўзига хос рақобат юзага келади. Бунга Аарон Рамздэйлнинг ўз дебют мавсумидаёқ порлаши, Юго Льорис эса катта массага эга футболчи бўлишига қарамай, мавсум давомидаги қўпол хатоларга йўл қўйгани сабаб бўлади. Микель Артета ўтган мавсум бошида қанот ҳимояси учун Такехиро Томиясуни олиб келди. Япониялик эса яхши спорт формасида эканида, кучли ўйин кўрсата олди. Унинг Букайо Сака билан боғланиши тез ва самарали кечди. Қолаверса, Гранит Жака ўзининг эски ҳолига қайтди ва Мартин Эдегор билан майдон марказини мувозанатли равишда ушлаб туришга ёрдам бермоқда.
«Тоттенхэм» таркибини нисбатан юлдузлироқ деб атасак хато қилмасак керак. Ҳақиқатдан ҳам унда дунё яхшироқ танийдиган номлар кўп. Қолаверса, «шпорлар» қишда Кулушевски ҳамда Бентанкурни олиб келиб, улардан унумли фойдаланиб келмоқда. Олд чизиққа ҳеч бир шубҳасиз Ҳарри Кейн, Сон ҳамда Букайо Сака триоси мос келган бўларди. Хусусан, Сон ва Сака жорий мавсумда энг яхши натижага эришаётган ҳужумчилардир. Кейн эса одатдагидек голлар урмаётган бўлсада, барибир жаҳон даражасидаги футболчи бўлиб қолаверади. «Арсенал» сафида эса унга тенг келадиган ном ҳали мавжуд эмас. Кейн Англия терма жамоаси сардоридир. У бу мавсумда ўзининг плеймейкерлик маҳоратини ҳам намойиш эта олди (8 та ассист).
«Арсенал» ва «Тоттенхэм»ни икки очко ажратиб турибди. Улар ўзаро тўқнашувга қадар яна бир турда иштирок этишлари керак. Унда тўпчилар «Лидс»ни меҳмон қилса, «Тоттенхэм» «Ливерпуль» майдонига сафар қилади. Ушбу ўйинлар натижаси ҳам ўта муҳим ва дербидаги вазиятни ўзгартириб юбориши мумкин. Айни дамда эса 34 та ўйиндан кейин «Тоттенхэм»да 61 очко мавжуд. «Арсенал» эса 63 очкога эга...
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
