"Setanta Sport" канали Испания чемпионатини қуйидаги давлатларга сўнгги уч мавсумда телетрансляция қилиш бўйича эксклюзив ҳуқуқни харид қилганини тасдиқлади: Арманистон, Озарбойжон, Беларусь, Грузия, Қозоғистон, Қирғизистон, Молдова, Тожикистон, Туркманистон ва Ўзбекистон.
Битим 2012/13 мавсум бошида кучга киради ва 2015/16 мавсум сўнгига қадар амалда бўлади. Шартномага кўра, Setanta компанияси ҳар бир мавсум мобайнида камида 60 та учрашувни тўғридан-тўғри трансляция қилиш, шуниндек, қолган ўйинларни ва ҳар бир тур шарҳини ёзиб олинган ҳолда эфирга узатиш ҳуқуқини беради.
"Setanta Sport" ижрочи директори Дуйар МакКоли шундай деди: "Биз Испания чемпионати трансляциясининг эксклюзив ҳуқуқини қўлга киритганимиздан жуда хурсандмиз. Бу бизнинг тез ривожланаётган каналимиз учун ажойиб харид ва энг юқори сифатли воқеаларни трансляция қилиш истагимизнинг яққол тасдиғидир. Айниқса, 100 фоиз экслюзивликни қўлга киритганимиздан жуда хурсандмиз. Бу жаҳоннинг энг ёрқин чемпионатларидан бирининг ўйинларини фақат "Setanta Sports" каналида томоша қилиш мумкинлигини англатади".
"Испания чемпионатида жаҳоннинг энг яхши икки футболчиси Лионель Месси ва Криштиану Роналду тўп суради ва улар жаҳон элитаси ҳисобланувчи клубларни мужассамлаштиради. Биз бундай яемпионат ўйинларини ҳамкорларимизга тақдим этишдан хурсанлмиз ва каналимизни имкон қадар кўпроқ давлатда кўрсатишлари учун янги алоқалар қидирамиз".
Испания чемпионати трансляцияси ҳуқуқидан аввал Англия Премьер-Лигаси, Англия Кубоги, Италия Чемпионати, MLS ва NHL ўйинлари трансляцияси борасида муҳим шартномалар имзоланган эди. Айни вақтда "Setanta Sport" ҳафтасига 30-40 воқеани жонли эфирда узатмоқда. Бу сон Испания чемпионати ўйинларини кўрсатиш эвазига август ойидан янада ортади. Барча трансляциялар рус тилида шарҳлаб борилади.
"Setanta Sport" канали ҳақида
"Setanta Sport" — яқинда очилган спорт канали бўлиб, Грузия, Қозоғистон, Қирғизистон ва Молдовада эфирга чиққан, шунингдек Арманистон, Озарбойжон, Беларусь, Тожикистон, Туркманистон ва Ўзбекистонда эфирга узатилиши кутилмоқда. Канал суткасига 24 соат, ҳафтасига 7 кун эфирга эга ва Setanta Sports компаниялар гуруҳи таркибига кирувчи Eurasian Broadcasting Enterprise Limited томонидан амалга оширилади.
"Setanta Sport" Евроосиё минтақасидаги кўплаб ҳамкорлар билан шартномалар имзолашга тайёр. Батафсил маълумотлар учун www.setantasport.com вебсайтига ўтишингиз, eurasia@setanta.com электрон почтасига хат ёзишингиз ёки +353-1-474-80-00 рақмига қўнгироқ қилишингиз мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
