Ўта нотекис ва беқарор ўтган мавсум «Арсенал»га ЕЧЛ йўлланмаси учун етарли бўлмади. Аммо тўпчилар ягона жамоага бирлашиб, бир бутунлик ҳосил қила олгани билан ёдимизда қолди. Микель Артетанинг ёш футболчилари АПЛни ёрқин лаҳзаларга тўлдирди. Жамоа тўртинчи ўрин учун қаттиқ курашди, аммо сўнгги қадам омадли келмади. 2021-2022 йилги мавсум якунларига кўра, «Арсенал» Европа лигасида иштирок этадиган бўлди. Қуйида мавсум давомидаги энг яхшилар ҳақида гап боради.
Мавсум ўйинчиси – Букайо Сака
Тез-тез номини тилга оладиганимиз, Букайо Сака АПЛнинг энг кўзга кўринган футболчиларидан биридир. У баъзида ўз жамоасини елкасида кўтариб юришга мажбур бўлди. 20 ёшли ҳужумчи мавсумни 11 та гол ҳамда 7 та ассист билан тугатди. Бу «Арсенал»даги энг яхши натижа саналади. Сака ўз голларини «Челси», «Манчестер Сити» ҳамда «Тоттенхэм» каби топ-жамоалар дарвозасига киритган эди.
Мавсум голи – Ляказетт («Саутгемптон»га қарши)
2021 йилнинг декабрь ойида Микель Артета жамоасидан нима хоҳлаган бўлса, шу нарса юз берди. Клуб жамоавийликнинг ёрқин намунасини намойиш қилди. Голни эса Ляказетт ижро этганди. Дарвозабондан бошланган пасслар комбинацияси «Саутгемптон» босими остида, то рақиб жарима майдончаси ичига қадар давом этди. Саканинг қулай пасини эса Ляказетт совуққонлик билан якунлади.
Мавсум ўйини – «Тоттенхэм» билан
Агар «Арсенал» ҳар мавсумда фақат битта ғалабага эришиши керак бўлса, жамоанинг деярли барча мухлислари бу ғалабани «Тоттенхэм»га қарши баҳсда қўлга киритилишини истайди. Мавсумнинг олтинчи туридан ўрин олган дерби нафақат ғалабали бўлди, балки «Арсенал»ни олдинга, «Тоттенхэм»ни эса ортга суриб юборди. Артетанинг дастлабки учта ўйиндаги мағлубияти, «Норвич» ҳамда «Бёрнли» билан баҳсдаги оғир ғалабасидан кейин «Тоттенхэм»ни мағлуб этиш кўп нарсани англатар эди.
Мавсум трансфери – Мартин Эдегор
«Арсенал»нинг ёзги трансферлар ойнасида бажарган ишлари мавсум аввалида кўплаб танқидларга сабаб бўлганди. Аммо охирида сотиб олинган футболчиларнинг деярли ҳаммаси ўз ишини аъло даражада бажара олди. Шунга қарамай, улар ичида энг яхшиси Эдегор эди. Унинг ижодкорлиги, энергия ва гол сезиш қобилияти «Арсенал»нинг ёрқин мавсумини безаб берди. Норвегия терма жамоаси аъзоси Сака билан тез-тез фантастик реакцияга кириша олди. Ушбу жуфтлик кўпчилик назарида ҳозирдан «Арсенал»нинг келажаги бўлиб кўрина бошлади.
Энг яхши ўсишга эришган футболчи – Гранит Жака
Сиз бу категорияни балки Сакага бериш керак деб ўйларсиз. Аммо шундай қилсак, Жакага нисбатан адолатсизлик бўларди. Негаки, Швейцария терма жамоаси сардори комбэк қила олди. Ўтган ёзда сотилиб кетишига бир баҳя қолган, «Манчестер Сити» билан баҳсда (5-0) аҳмоқона қизил карточка олган футболчи, тезда ўзини тиклаб олди ва ҳақиқий босиқлик ва барқарорлик кўрсата олди. Жака 2021 йилни тиззасидаги жароҳат сабаб ўта оғир ўтказди. Аммо янги йилда ўз даражасини намойиш қилди. Усиз «Арсенал» ўйинида бирдамлик ва мувозанат йўқолади. Микель Артета эса буни жуда яхши билади. Шу сабаб Гранит асосий таркибнинг ажралмас қисми саналади.
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
