O‘ta notekis va beqaror o‘tgan mavsum «Arsenal»ga YECHL yo‘llanmasi uchun yetarli bo‘lmadi. Ammo to‘pchilar yagona jamoaga birlashib, bir butunlik hosil qila olgani bilan yodimizda qoldi. Mikel Artetaning yosh futbolchilari APLni yorqin lahzalarga to‘ldirdi. Jamoa to‘rtinchi o‘rin uchun qattiq kurashdi, ammo so‘nggi qadam omadli kelmadi. 2021-2022 yilgi mavsum yakunlariga ko‘ra, «Arsenal» Yevropa ligasida ishtirok etadigan bo‘ldi. Quyida mavsum davomidagi eng yaxshilar haqida gap boradi.
Mavsum o‘yinchisi – Bukayo Saka
Tez-tez nomini tilga oladiganimiz, Bukayo Saka APLning eng ko‘zga ko‘ringan futbolchilaridan biridir. U ba’zida o‘z jamoasini yelkasida ko‘tarib yurishga majbur bo‘ldi. 20 yoshli hujumchi mavsumni 11 ta gol hamda 7 ta assist bilan tugatdi. Bu «Arsenal»dagi eng yaxshi natija sanaladi. Saka o‘z gollarini «Chelsi», «Manchester Siti» hamda «Tottenxem» kabi top-jamoalar darvozasiga kiritgan edi.
Mavsum goli – Lyakazett («Sautgempton»ga qarshi)
2021 yilning dekabr oyida Mikel Arteta jamoasidan nima xohlagan bo‘lsa, shu narsa yuz berdi. Klub jamoaviylikning yorqin namunasini namoyish qildi. Golni esa Lyakazett ijro etgandi. Darvozabondan boshlangan passlar kombinasiyasi «Sautgempton» bosimi ostida, to raqib jarima maydonchasi ichiga qadar davom etdi. Sakaning qulay pasini esa Lyakazett sovuqqonlik bilan yakunladi.
Mavsum o‘yini – «Tottenxem» bilan
Agar «Arsenal» har mavsumda faqat bitta g‘alabaga erishishi kerak bo‘lsa, jamoaning deyarli barcha muxlislari bu g‘alabani «Tottenxem»ga qarshi bahsda qo‘lga kiritilishini istaydi. Mavsumning oltinchi turidan o‘rin olgan derbi nafaqat g‘alabali bo‘ldi, balki «Arsenal»ni oldinga, «Tottenxem»ni esa ortga surib yubordi. Artetaning dastlabki uchta o‘yindagi mag‘lubiyati, «Norvich» hamda «Byornli» bilan bahsdagi og‘ir g‘alabasidan keyin «Tottenxem»ni mag‘lub etish ko‘p narsani anglatar edi.
Mavsum transferi – Martin Edegor
«Arsenal»ning yozgi transferlar oynasida bajargan ishlari mavsum avvalida ko‘plab tanqidlarga sabab bo‘lgandi. Ammo oxirida sotib olingan futbolchilarning deyarli hammasi o‘z ishini a’lo darajada bajara oldi. Shunga qaramay, ular ichida eng yaxshisi Edegor edi. Uning ijodkorligi, energiya va gol sezish qobiliyati «Arsenal»ning yorqin mavsumini bezab berdi. Norvegiya terma jamoasi a’zosi Saka bilan tez-tez fantastik reaksiyaga kirisha oldi. Ushbu juftlik ko‘pchilik nazarida hozirdan «Arsenal»ning kelajagi bo‘lib ko‘rina boshladi.
Eng yaxshi o‘sishga erishgan futbolchi – Granit Jaka
Siz bu kategoriyani balki Sakaga berish kerak deb o‘ylarsiz. Ammo shunday qilsak, Jakaga nisbatan adolatsizlik bo‘lardi. Negaki, Shveysariya terma jamoasi sardori kombek qila oldi. O‘tgan yozda sotilib ketishiga bir bahya qolgan, «Manchester Siti» bilan bahsda (5-0) ahmoqona qizil kartochka olgan futbolchi, tezda o‘zini tiklab oldi va haqiqiy bosiqlik va barqarorlik ko‘rsata oldi. Jaka 2021 yilni tizzasidagi jarohat sabab o‘ta og‘ir o‘tkazdi. Ammo yangi yilda o‘z darajasini namoyish qildi. Usiz «Arsenal» o‘yinida birdamlik va muvozanat yo‘qoladi. Mikel Arteta esa buni juda yaxshi biladi. Shu sabab Granit asosiy tarkibning ajralmas qismi sanaladi.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
