Англия Премьер-лигасининг 30 йиллик юбилейи нишонланишига яқин турибди. Ушбу йиллар давомида АПЛ ҳар мавсумда ўзига хос дизайндаги тўплардан фойдаланиб келди. Бугун эътиборингизга Англиядаги жозибали тўплар билан биргаликда, дунё футболида фойдаланилган энг гўзал 10 та «Official Matchball»ни намойиш этамиз.
1. Adidas Telstar
Дунёнинг исталган инсони 1970 йилдаги Жаҳон чемпионатида фойдаланилган тўпнинг дизайни ҳақида маълумотга эга. Чунки Мексикадаги мундиал ўзига хос эди. «Adidas» томонидан ишланган расмий копток телевизорда равшанроқ кўриниши учун 12 та қора рангдаги бешбурчак билан, 20 та оқ рангдаги олтибурчак билан ясалади. «Telstar» деб номланган ушбу тўп, футбол маданий мероси саналади.
2. Mitre Ultimax
«Mitre» томонидан ишланган тўп, илк бор Англияда фойдаланилади. «Ultimax» деб номланган расмий тўп 1995 йилдан то 2000 йилга қадар, АПЛда «Nike»нинг эраси бошлангунча, 5 йил давомида фойдаланилган.
3. Nike Flight
АПЛнинг янги мавсум тўпи, сизни 90 йиллар бошига олиб кетади. Лиганинг 30 йиллигини нишонлаш баҳонасида 1992 йилги «Mitre»нинг дизайни асосида яратилган тўп, айнан ўша даврдаги рангларни ифода этади. Тўп юзасига катта-катта қилиб, ҳоч рамзи туширилган ва ўнлаб йиллар олдинни эсга солади.
4. Nike Geo Merlin
«Nike» илк бор Премьер-лигага кириб келган даврларда «Geo Merlin» пайдо бўлади. Компания ушбу тўпларни аeродинамикали қилиб тайёрлаган эди. Ушбу тўп АПЛда икки мавсум давомида фойдаланилганди. Икки мавсумдан кейин эса «Geo Merlin II»га ўзгартирилади.
5. Adidas Fevernova
«Adidas Tango» ўн йиллар давомида Жаҳон чемпионатларида фойдаланиб келинади. Аммо 2002 йилда, Жанубий Корея ҳамда Япониядаги мундиалда ҳаммаси ўзгариб кетди. «Adidas» ўз маҳсулотига кескин ўзгартиришлар киритиб, нақш ҳамда безакларни бутунлай ўзгача услубга мослайди.
6. Nike Total 90 Aerow
«Nike» 2000 йилда «Total 90» версиясидаги тўпларни ишлаб чиқаради. 2004 йилда эса АПЛнинг янги мавсумо учун «Total 90 Aerow» тақдим қилинади. Ушбу тўп дизайнининг ўзига хослиги, тўп диаметри бўйлаб иккита чизиқ тортилгани билан ажралиб турарди. Кейинчалик, «Nike» ушбу тўпни тўртта авлодини тақдим этади.
7. Adidas Tango 12
Ҳа, ўзининг оддий ва содда дизайни сабаб «Tango» версиясидаги тўплар узоқ вақт машҳурлик чўққисида турди. 1978 йилда янги авлоди чиққач, 1980 йиллар ҳам улардан фойдаланиб келинди. «Adidas» ўша эски анъанасига содиқ қолган ҳолда Евро-2012 мусобақасига махсус, «Tango 12» тўпини тақдим этади.
8. Adidas +Teamgeist
2006 йилги Жаҳон чемпионати учун махсус ишланган тўп, Германиянинг ўзида кўплаб танқидларга сабаб бўлади. Аммо ўзининг қулай ва инновацион экани билан, ҳаммада кейинчалик ижобий таассурот қолдиради.
9. Adidas Jabulani
2010 йилги Жаҳон чемпионати учун яратилган тўп, олдинги авлодларга қараганда аэродинамикроқ бўлган. Аммо дарвозавонлар учун ноқулайлик туғдирган. Негаки, унинг ҳаводаги ҳаракати анча нотекис эди. Шунга қарамай, ушбу тўп ўзининг дизайни орқали бутун дунёда машҳур бўлди.
10. Adidas Al Rihla
«Adidas» 2022 йилда Қатарда бўлиб ўтадиган Жаҳон чемпионати учун махсус тўпни намойиш этди. Ушбу расмий объект ўзида мезбон давлат миллати рамзини акс эттиради. Араб тилидан таржима қилинганда тўп номи «Саёҳат» деган маънони беради. Тўп дизайни Қатар давлат рамзларини ўзида жамлаган. Тўп ўзининг дизайни, инновацион технологияси ҳамда чиройидан ташқари, савобли томонга ҳам эга – уни савдосидан тушган пулдан 1 фоизи хайрия ишлари учун сарфланади.
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
