Пеп Гвардиола Чемпионлар лигасида ғалаба қозониш учун Холанд атрофида жамоа қуришга қарор қилди.
“Шаҳарликлар”нинг янги ҳужум чизиғи бор
Сўнгги йилларда “Ман Сити” учун Чемпионлар лигаси плей-офф босқичида голлар етарли бўлмади. Шу сабабдан Холланд бошқа харидорлардан “тортиб олинди”. “Шаҳарликлар” норвегиялик футболчининг трансфери учун “Боруссия”га 60 миллион евро тўлайди, бироқ Эрлингнинг оиласи ва Райола агентлигига деярли бир хил маблағ тўланган. Шартнома мустаҳкам, норвегиялик ўзи учун идеал шароитларни енгиб чиқди, чунки 2024 йилда 150 миллион еврога сотиб олиш опцияси ишга туширилади. “Реал” президенти Флорентино Перес Мбаппе трансфери амалга ошмагач, аллақачон пул ғамлашни бошлаган.
17 миллион еврога шартнома имзолаган Хулиан Альварес (“Ривер Плейт”) жамоа ўйинига мослашиши керак. Шунинг учун Гвардиола Габриэль Жезусни таркибда сақлаб қолишга уринмади. Бразилиялик футболчи “Арсенал”га ўтади, унинг трансфери 45 миллион евро ва қўшимча бонуслар олиб келади. Ферран Торрес учун клуб ғазнасига 55 миллион евро қўшилишини ҳам ҳисобга олиш керак. “Сити” Холандни олиб келиш учун 60 миллион евро сарфлаган бўлса-да, унинг атрофидагилар ва Райола империясининг меросхўрларига 49 миллион евро тўлаб берилди, аммо Жанубий Америкалик ёш ҳужумчи ва Европанинг энг яхши ёш марказий ҳужумчисини таркибга жалб қила олди.
Жамоа трансферлар учун умумий ҳисобда 126 миллион евро сарфлаб, футболчилар сотувидан 107 миллион ишлаб олди. Альварес ва Холандда Торрес ва Жезусдан кўра кўпроқ имкониятлар бор. Яна шуни тушуниш керакки, Эрлинг атрофидагиларга тўловлар йил бўйича тақсимланади, худди Торрес трансфери учун “Барселона” тўлагани каби. Ҳеч қайси жамоа бегона ҳисоб рақамига бундай “ёввойи” суммаларни ўтказмайди, чунки UEFA қоидалари ва солиқлари мавжуд.
Келгуси Чемпионлар лигасининг фаворити ва АПЛнинг амалдаги чемпиони ҳисобланган “Манчестер Сити”нинг мақоми бундай битимларни амалга ошириш имконини беради. Маҳрез, Фоден ва Грилиш жамоада қолди, энг муҳими, Де Брюйне жамоа Холандни қўлга киритганидан хурсанд, чунки у анчадан бери классик ҳужумчи билан ўйнашни орзу қилган эди. Бу масалада Кевин доимо Гвардиола билан суҳбатлашган.
Родригога ўринбосар топилди
Фернандиньо кўпроқ ўйин амалиётига эга бўлиш учун бошқа клуб излаб кетди. Жамоа янги сардорга эга бўлади, марказий ярим ҳимояда эса Родригога ўринбосар керак. Испания терма жамоаси футболчиси Қатарда бўлиб ўтадиган Жаҳон чемпионати олдидан ўзини эҳтиёт қилиши керак. Акс ҳолда ЖЧ олдидан ҳар бир учрашувда майдонга тушиш оғир жароҳатларга сабаб бўлиши мумкин.
Гвардиола ротациянинг ашаддий “мухлиси” эмаски, марказий учликда пайдо бўлганларнинг майдондаги ҳаракатларидан тўлалигича қониқиш ҳосил қилган. Айниқса, иккита ўрин бандлигини ҳисобга олсак – Де Брюйне ва Родриго учун асосий таркиб кафолатланган. Уларга ўринбосар керак ва у “Лидс” футболчиси Калвин Филлипс ҳисобланади. “Манчестер Сити” уни бонуслар билан бирга 52 миллион еврога сотиб олиши мумкин. Филлипс Англия терма жамоасига ҳам чақирув олган ва юлдузлар ичида ҳам ўзини йўқотиб қўймади.
Якунига етган мавсумда Марсело Бьелса ва Жесси Марш мураббийлик қилган жамоа АПЛда ўз ўрнини сақлаб қолиш учун курашди. Филлипс декабрь ойида тиззасидан жароҳат олиб, уч ой майдонга тушмади. Калвиннинг хизматларига “МЮ” ҳам қизиқмш бмлдмрган эди, бироқ у Гвардиола билан келишувни қабул қилди. Очиғи, ҳозир унинг асосий таркиб футболчиси бўлиш имконияти паст. Аммо Хосеп 27 ёшли футболчини таянч зонасида синаб кўриши мумкин. Ушбу қарори орқали футболчи гарчи Англия терма жамоасидаги ўрнини хавф остига қўяётганини билиб турган бўлса-да, шу йўлни танлашни маъқул кўрмоқда.
Аммо Гюндоган ва Бернарду Силванинг тақдири сирлигича қолмоқда. Илкайни “Ньюкасл”га таклиф қилишмоқда, аммо немис футболчиси у ерга боришни истамаса керак. Бернарду Силва эса Испанияга ўтиши мумкин эди, бироқ “Барселона” португалияликнинг трансферини кўтара олмайди, чунки 80 миллион евро молиявий муаммолари мавжуд клуб учун жуда улкан миқдор. Аммо Силва музокаралардан қочмайди. Агар Гюндоган клубдан кетса, Фоден ортга қайтиши, ёки Филлипс кучли учликдан жой олиши мумкин. Шунингдек, Гвардиолада захира варианти ҳам бор –Зинченкони марказий ярим ҳимоячи сифатида синаб кўриш ва жамоада олиб қолиш.
Қанот ҳимоясини мустаҳкамлаш
“Манчестер Сити” Зинченконинг ўйинга муносабатидан қониқиш ҳосил қилади ва одатда уни ўрнак қилиб кўрсатишади. Уокер шундай деб ёзган эди: “Александрни жамоада ушлаб қолинг, у тўп билан муомала қилишга таъсир кўрсатади ва ўринбосарлар билан ўйинни яхшилайди”.
Бундан ташқари украиналик ҳимоячи майда узатмаларни ҳам маромига етказиб ижро қилади. Ҳимоя марказида Диаш ва Стоунз асосий футболчилар, Аке бошқа клубга ўтишга тайёр, аммо голландиялик футболчи Ляпорт билан биргаликда бу мавсум яшил майдонда нисбатан кўпроқ кўриниш бериши мумкин.
Канселу ва Уокер қанотларни бўлишиб олган. Аммо Гвардиола узоқ вақтдан бери таниш бўлган бир футболчига қизиқмоқда – Марк Кукурелья. 23 ёшли ҳимоячи “Барселона” тарбияланувчиси. Ўзи тарбияланган клубида унга ишонишмади, Марк Альба билан рақобатда мағлуб бўлди. Лекин чап қанот ҳимоячиси камтарона клубларда ўйнаш устаси бўлиб чиқди. “Хетафе”да ўйнаб юрган кезлари “Брайтон” скаутлари эътиборини қозонди ва АПЛга мослашганидан сўнг, топ-клублар унга қизиқиб қолди.
“Спортинг” Педро Порро учун клубга 8,5 миллион евро тўлади, Зинченко эса “Вест Хэм” ва “Арсенал”ни қизиқтирган бўлса, Гвардиола таҳлилчилари Кукурельянинг ўйин услубини ўрганди. Футболчини Чемпионлар лигасининг ярим финали ёки финали даражасига олиб чиқиш керак, аммо жингалак сочли Марк ҳимоя ва ҳужумда анча сермаҳсул ҳаракат қилади. У ҳимоявий “Хетафе”да ўзини кўрсата олди, атиги 23 ёшда бўлса-да, барқарор ўйин кўрсатди. Филлипс сингари, у ўрта даражадан юксалди ва бундай имкониятга лойиқ.
Гвардиоланинг режаси сир эмас, у мукаммал жамоа тузиш ҳақида қайғуради. Шунинг учун Стерлинг кетиши ҳақида ҳам гап-сўзлар анча кўпайиб қолди. Канселу ўзи учун қулай ўнг қанотда ҳаракат қилиши учун чап қанотда мукаммал ўйин кўрсатиши керак.
Мураббийнинг асосий муаммоси Холанд жароҳат олмаслиги учун нимадир ўйлаб топиш ва кўп функцияли Альваресни жамоага мослаштиришдан иборат. “Манчестер Сити” ҳам “Ливерпуль” сингари ўзи қатнашаётган ҳар бир мусобақада фаворит бўлиб қолади ва Чемпионлар лигасида ғалаб қозониш учун мукаммал таркибни тўплашга бир қадам қолди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Нефтчи
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
