«Навбаҳор» Ўруновга қизиқиш билдирмоқда, Остон кам маошга рози бўлмоқчи эмас
"Спартак" ярим ҳимоячиси Остон Ўруновга «Навбаҳор» клуби қизиқиш билдирмоқда. Бу ҳақда Metaratings хабар тарқатди.
Манбага кўра, ўзбекистонлик футболчи кам маошга рози бўлмоқчи эмас. Шу боис, томонлар ўртасидаги музокара осон кечмайди. Боз устига, "Спартак" Ўруновни ижарага бериш ҳақида эмас, уни тўлақонли сотиб юбориш ҳақида ўйламоқда.
Эслатиб ўтамиз, Остон 2018-2019 йилларда «Навбаҳор» сафида тўп тепган.
Аввалроқ Россия премьер-лигасининг "Химки" клуби Ўрунов масаласида "Спартак" билан музокара олиб борганди. Аммо футболчининг маоши туфайли томонлар келишувга эриша олмаганди. "Химки" футболчини ижарага олиб, унинг маошининг бир қисмини тўлашни, қолганини "Спартак"нинг ўзи тўлашни таклиф қилди. Бу эса москваликларни қаноатлантирмади.
Маълумот ўрнида. Остон Ўруновнинг "Спартак" билан шартномаси 2025 йилнинг ёзига қадар тузилган.
Манба: stadion.uz
Киритилди: 15:49, 18.07.2022. Ўқилди: 2289 марта. Фикрлар: 9 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар