Европа клублари футболчилар бирин-кетин шартнома тузмоқда ва баъзи трансферлар ҳақиқатдан ҳам ҳайратланарли. Мисол тариқасида Сеск Фабрегасни олиш мумкин. Агар сиз сўнгги трансфер янгиликларини ўтказиб юборган бўлсангиз, улар билан танишишингиз мумкин.
Шарль де Кетеларе: "Брюгге" → "Милан" (32 миллион евро)
21 ёшли футболчининг айтишича, у "Милан"нинг қизиқишини билиб, ҳайратда қолган. Шарл А сериянинг топ-клубига ўтишдан олдин Бельгия чемпионатининг энг қиммат футболчилари рўйхатини бошқарган эди. Де Кетеларе ўтган мавсумда барча турнирларда 48 та ўйинда майдонга тушиб, 18 та гол урди ва 10 та голли узатмани амалга оширди. Энди у Италия чемпиони раҳбарларининг ишончини оқлаши керак.
Ренату Саншеш: “Лилль” → “ПСЖ” (15 млн евро)
Португалиялик иқтидор яна бир бор клубни ўзгартирди. Бир неча ҳафта олдин “Лилль” президенти Оливье Летанг футболчи учун икки топ-клуб “ПСЖ” ва “Милан” даъвогарлик қилаётганини маълум қилганди. 24 ёшли футболчи Франция чемпиони фойдасига танлов қилди. Шартномани имзолагандан сўнг, Ренату Лига 1нинг таниқли муҳитида қолиш унинг учун муҳимлигини таъкидлади. Аввалроқ португалиялик ўзини топ-клубда ("Бавария") синаб кўрганди, аммо бу омадсиз чиқди. Бу сафар қандай бўлади?
Карни Чуквуэмека: “Астон Вилла” → “Челси” (17,9 млн евро)
"Челси" Премьер-лигада бор-йўғи 14та ўйин ўтказган (312 дақиқа) 18 ёшли бола учун катта пул тўлади. Австрияда нигериялик оилада туғилган Карни Англиянинг 21 ёшгача бўлган терма жамоасида ўйнайди. Болалигида у “Нортгемптон Таун” академиясидан кейин “Астон Вилла” тизимига кирган. 2021 йилда у ёшлар жамоалари ўртасидаги Англия кубогини қўлга киритди - финалда унинг жамоаси "Ливерпул"ни мағлуб этди. Бундан ташқари, Чуквуэмека “Астон Вилла” ёшлар жамоасининг энг яхши футболчиси сифатида этироф этилди. Энди у фаолиятини "Челси"да давом эттиради, шартнома олти йилга мўлжалланган.
Габриэль Слонина: “Чикаго Файр” → “Челси” (9,09 млн евро)
/cdn.vox-cdn.com/uploads/chorus_image/image/71200904/1240974183.0.jpg)
"Челси" билан шартнома имзолаган яна бир 18 ёшли футболчи. Бироқ, дарвозабон ҳозирча АҚШда қолади. Ижара шартларига кўра, Слонина 2022 йил охиригача Чикагода қолади. Дарвозабон АҚШдаги энг истиқболли истеъдодлардан бири ҳисобланади. Слонина Чикаго билан биринчи профессионал шартномасини 14 ёшида имзолаган. Уч йилдан сўнг у Шимолий Америка лигасида дебют қилди ва энди Европанинг топ-клуби
сафига қўшилди.
Бернд Лено: Арсенал → Фулхэм” (3,6 млн евро)
Лено Рамсдейлнинг жамоага келишидан сўнг "Арсенал"нинг биринчи дарвозабони сифатидаги ўрнини йўқотди. Немис футболчиси ўтган мавсумда Премьер-лигада бор йўғи тўртта ўйин ўтказди. Бернд ўринбосар ролини ташлаб, ўзига янги жамоа топгани мантиқан тўғри. Айтганча, жуда қулай ўтиш, чунки дарвозабон ҳатто яшаш жойини ҳам ўзгартириши шарт эмас, чунки “Фулхэм” ҳам Лондонда жойлашган. Лено эндигина 30 ёшда, дарвозабон учун бу универсал ёш ҳисобланади. У элитага қайтган жамоага жиддий ёрдам бера олиши шубҳасиз.
Каспер Шмейхел: “Лестер” → “Ницца” (1 млн евро)
Шмейхелни бошқа клуб либосида кўриш жуда ноодатий ҳолат. Сўнгги 11 йил давомида у "Лестер"да ўйнади (470 дан ортиқ ўйин) ва бутун профессионал фаолиятини Буюк Британияда ўтказди. 35 ёшли дарвозабон инглиз клубини тарк этиш қарори у учун жуда қийин бўлганини тан олди. Дарвоқе, “Ницца”да Шмейхелнинг ҳамюрти бўлган форвард Долберг ўйнамоқда. Франция клуби Конференсиялар лигаси саралашида ўйнайди, "Лестер" эса еврокубокларсиз қолди. Шмейхел янги жамоаси билан 3 йиллик
шартнома имзолади.
Аарон Рэмзи: "Ювентус" → "Ницца" (эркин агент)
Франсузлар келаси мавсум учун таркибни жиддий равишда кучайтиради. Шмейхелни қандай кўндиргани номаълум, аммо Рэмзининг трансферига ҳам худди шундай. июль ойи охирида уелслик футболчи “Ювентус” билан шартномани бекор қилган, бир неча кундан кейин эса француз клуби билан шартнома имзолаганди. Ўтган мавсумда у А Серияда бор йўғи 3 та ўйинда майдонга тушди, шундан сўнг жароҳати сабаб таркибга киритилмади. У мавсумнинг иккинчи ярмини “Рейнжерс”да ижара асосида ўтказди.
Сеск Фабрегас: “Монако” → “Комо” (эркин агент)
Фабрегас ҳаммани ҳайратда қолдирди. Ҳа, испаниялик аллақачон 35 ёшда, аммо унинг Италия иккинчи дивизиони жамоасига кетишини ҳеч ким ўйламаганди. Сескнинг резюмесида бир нечта топ-клублар бор (“Арсенал”, “Барселона”, “Челси”) ва энди уни бутунлай янги тажриба кутмоқда. Фабрегас икки йиллик шартнома имзолаганидан сўнг “Комо”ни футболдаги энг ёрқин ва улуғвор лойиҳалардан бири деб атади. Балки бир йилдан сўнг биз бу жамоани А Серияда кўрармиз, лекин Сеск ва жамоа бунинг учун жуда кўп меҳнат қилиши керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
