Роналду Фердинандга "махсус" ҳазил қилди
Кеча "Манчестее Юнайтед" сафарда "Саутгемптон" билан тўқнаш келди. Ўша баҳсда Роналду ва унинг собиқ жамоадошлари Пол Скоулз, Рио Фердинанд ҳамда "Ливерпуль" афсонаси Питер Крауч ҳам қатнашаётганди. Бу сафар Роналду яна ўзига хос иш қилди. Яъни у Кроуч билан кўришмади ва олдидаги Фердинанд ҳамда Скоулзга эътибор берди холос. Шунга ўхшаш иш ўтган турда ҳам юз берган. Унда Роналду "МЮ"нинг собиқ футболчилари Невилл ҳамда Кин билан кўришиб, Жейми Каррагернинг қўлини бўш қолдирганди. Бу воқеа ўз навбатида Невилл ҳамда Кинни ноқулай аҳволга солган.
"Саутгемптон"га қарши ўйин олдидан Роналду собиқ жамоадоши Фердинанд билан ҳазиллаша туриб, унинг пояфзалига сув тўкиб юборди. Буни эса Рио тўғри қабул қила туриб: "қиммат оёқкийимни расво қилдингку" дея Роналдуга минғиллаб қўяди.
Аммо Фердинанд бир ҳафта олдин уни анча танқид остига олганди. У Каррагер ва Роналду ўртасида бўлган воқеага нисбатан шундай дейди: "Каррагер Роналдуни яхши биладиган одам сифатида уни жамоада муаммога айланганини таъкидлаган. Ишонинг, Роналду Каррагер ёзган изоҳларни кўрган. Шу сабаб майдонда уни "обрўсизлантириш"га ҳаракат қилган. Криштиану жуда пухта ўйлайдиган йигит. У ташқарида нималар бўлаётганидан яхши хабардор. У ўзига нисбатан қилинган исталган ҳаракатни жавобсиз қолдиришга ўрганмаган. Мен доимо айтиб келганман: Роналду ижтимоий тармоқларни кузатиб боради. Агарда кимдир тармоқда у ҳақида ёмон гапирса, Роналду бундан дарров хабардор бўлади. Бир марта у билан Гари Линекер ҳақида гаплашгандик. Чунки Линекер Мессининг ашаддий мухлиси саналади. Худди шу каби Каррагернинг сўзлари ҳам Роналдуга етиб борган. Ҳа, исталган киши ўз фикрини айтишга ҳақли. Роналду эса Каррагернинг гапларини ўзига олган экан. У жуда ҳам таъсирчан инсон ва бу мени ҳайрон қолдирмайди. Буни оддий қабул қиламан".
Роналду "МЮ"нинг "Саутгемптон"га қарши баҳсини яна захирадан бошлаганди. У ўйиннинг 68 дақиқасида майдонга туширилган. Баҳс тақдирини эда 55 дақиқада киритилган Бруну Фернандешнинг голи ҳал қилди. Айни дамда ҳам Роналдунинг Манчестердаги тақдири номаълумлигича қолмоқда.
ИСМАТОВ Ж.
Манба: thesun.co.uk
Киритилди: 23:09, 28.08.2022. Ўқилди: 5914 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
