"Манчестер Юнайтед" бу мавсумнинг ўзида кучли тўртликдан тушиб қолмаслик учун барча чораларни кўришга интилмоқда. 70 миллион фунтга Каземиро, 84 миллионга эса Антони сотиб олингани шундан далолат беради. Бугун жамоанинг янги ҳужумчисига озгина тўхталиб ўтишни лозим топдик.
100 миллион еврога 22 ёшли футболчини сотиб олиш, бу катта таваккал деганидир. Нидерландия футболи тарихида энг катта харидга айланган бразилиялик футболчи Антони, тез ривожланди. У 2020 йилда Европага йўл олганди. Антони учун "Манчестер Сити" ҳамда "Эвертон" ўша пайтда кучли қизиқиш билдирган. Аммо у "Аякс"ни танлайди. Бугун эса у ўз устози Эрик тен Хаг ҳамда жамоадоши Лисандро Мартинеснинг олдига йўл олди. Умуман олганда, бу ёздаги трансфер "Аякс" учун ажойиб кечди. Клуб бир нечта футболчисини жами 193 миллион фунтга сотди. Биргина "МЮ"нинг ўзи уларга Мартинес ҳамда Антони учун 140 миллион фунт тўлаб берди.
Антонининг тўлиқ исми Антони Матеуш Дос Сантосдир. У ёш пайтидаёқ футбол клуби академиясига олиб келинади. Ёш футболчи "Сан-Паулу" клуби академиясининг маҳсули саналади. У жамоада дебют қилар экан, бу билан уни "Тоттенхэм" ҳужумчиси Лукас Моура табриклайди ва ёш вингерга "ўз устида қаттиқ ишлаш"ни маслаҳат беради. Шундан кейин, Антони Моура билан яқин дўст тутинади. У ёш бўла туриб, ўз жамоасига Японияда J League'ни ютишга ёрдам берган. Шу сабаб 18 ёшидаёқ илк профессионал шартномага имзо чекади.
Орадан 12 ой ўтгач, Антони ўғил фарзандли бўлади ва Бразилия ёшлар термасида дебют қилади. Футболчи яхши ёзувчи ҳамдир. Ҳужумчи ҳозирда "Ньюкасл" футболчиси бўлган Бруну Гимарайнш билан бу жамоани янги марралар сари бошлайди. Унга тез орада АПЛ клубларидан таклиф келади. Аммо 2020 йилда "Аякс"га йўл олди. Футболчининг у ердаги маоши ҳафтасига 12 минг фунтни ташкил этарди. Антони 2022 йилга қадар "Аякс" сафида икки бор Нидерландия чемпионига айланди. Ҳужумчи янги мавсумни ҳам зўр бошлади ва илк икки ўйинда битта гол урди. Яна икки ассистга муаллифлик қилди. Антони бундан 10 ой олдин Венесуэлага қарши баҳсда Бразилия миллий терма жамоасида дебют қилган. Ҳозир эса 100 миллион евро эвазига "Манчестер Юнайтед"га йўл олди. Унга бундан кейинги фаолиятида ҳам омад тилаймиз.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
