"ПСЖ" учун 2022/23 йилги Чемпионлар лигасининг илк сафар учрашуви жуда кутилмаган тарзда бошланди. Жамоа "Маккаби"га ташриф буюрди ва 24-дақиқадаёқ гол ўтказиб юборди. Тўғри, мезбонларнинг байрами узоққа чўзилмади. Голдан атиги 13 дақиқа ўтиб Лионель Месси ҳисобни тенглаштирди.
Месси учун бу рекорд гол, у Чемпионлар лигасида 39 та турли клублар дарвозасини ишғол қилди. Ва бу ерда у Криштиану Роналдунинг ютуғини ортда қолдирди. Месси Чемпионлар Лигасидаги рекордларни яхши кўради. Айни пайтда у қуйидаги рекордларга эга:
• Чемпионлар лигасининг кетма-кет 18 мавсумида гол урди. Бу ерда “Маккаби” дарвозасига киритилган гол ҳам ёрдам берди.
• Месси Чемпионлар лигаси гуруҳ босқичида 77 та гол урган бу ҳам рекорд ҳисобланади.
• Месси битта клуб учун мусобақада энг кўп гол урган. "Барселона" таркибида у 120 та гол урган. У УЕФА мусобақаларида битта клуб учун энг кўп гол уриш бўйича рекордчи ҳам ҳисобланади: "Барса" учун 123та (УЕФА Суперкубогида +3 гол).
• Месси Чемпионлар Лигаси тарихидаги энг кўп хет-трик қайд этган - 8 та.
• Чемпионлар лигасининг 1/8 финалида урган голлари борасида тарихда ҳеч бир футболчи Лионел Мессига яқинлаша олмаган. Унда 29 та гол бор.
• Бундан ташқари, унчалик муҳим бўлмаган рекордлар ҳам бор: бир учрашувдаги дриблинглар сони (16) ва рамзий жамоага киришлар сони (7).
Месси Чемпионлар Лигасидаги рекордларини кўриб чиқдик. Энди унинг олдида турган натижаларга қараймиз:
Ўйинлар сони бўйича. Роналдуда 141, Леода 128. Бундай тафовутни йўқотиш қийин, лекин Криштиану бу мавсумда Чемпионлар лигасида ўйнамайотганини ҳам ҳисобга олиш керак;
Ассистлар сони бўйича. Роналду - 42, Месси - 37;
Пенальтидан урилган голлар сони бўйича. Роналдуда 19, Мессида 18 та гол;
Тўғри, "ПСЖ"да пенальтиларни ким тепиши ҳақида баҳслар доимо давом этади. Бугунги кунда Килиан Мбаппедан бошқа ҳеч кимга тўпнинг ёнига яқинлашиш мумкин эмасдек, гўё.
Ўтган мавсумда, трансфердан сўнг француз журналистлари Мессидан Чемпионлар лигасида голлар сони бўйича Роналду билан пойга ҳақида сўрашганди (Криштиану ҳамон пешқадам – 141:126).
“Биласизми, мен ҳеч қачон рекордларга эътибор қилмаганман. Журналистлар янги рекордларни қўйганимни тез-тез айтишади. Бу ёқимли. Лекин мен ҳар доим шахсий манфаат ҳақида эмас, жамоа фойдаси ҳақида ўйлайман. Криштиану билан пойгами? Бу узоқ давом эцин", деган эди Лионель Месси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
