"PSJ" uchun 2022/23 yilgi Chempionlar ligasining ilk safar uchrashuvi juda kutilmagan tarzda boshlandi. Jamoa "Makkabi"ga tashrif buyurdi va 24-daqiqadayoq gol o‘tkazib yubordi. To‘g‘ri, mezbonlarning bayrami uzoqqa cho‘zilmadi. Goldan atigi 13 daqiqa o‘tib Lionel Messi hisobni tenglashtirdi.
Messi uchun bu rekord gol, u Chempionlar ligasida 39 ta turli klublar darvozasini ishg‘ol qildi. Va bu yerda u Krishtianu Ronalduning yutug‘ini ortda qoldirdi. Messi Chempionlar Ligasidagi rekordlarni yaxshi ko‘radi. Ayni paytda u quyidagi rekordlarga ega:
• Chempionlar ligasining ketma-ket 18 mavsumida gol urdi. Bu yerda “Makkabi” darvozasiga kiritilgan gol ham yordam berdi.
• Messi Chempionlar ligasi guruh bosqichida 77 ta gol urgan bu ham rekord hisoblanadi.
• Messi bitta klub uchun musobaqada eng ko‘p gol urgan. "Barselona" tarkibida u 120 ta gol urgan. U UYEFA musobaqalarida bitta klub uchun eng ko‘p gol urish bo‘yicha rekordchi ham hisoblanadi: "Barsa" uchun 123ta (UYEFA Superkubogida +3 gol).
• Messi Chempionlar Ligasi tarixidagi eng ko‘p xet-trik qayd etgan - 8 ta.
• Chempionlar ligasining 1/8 finalida urgan gollari borasida tarixda hech bir futbolchi Lionel Messiga yaqinlasha olmagan. Unda 29 ta gol bor.
• Bundan tashqari, unchalik muhim bo‘lmagan rekordlar ham bor: bir uchrashuvdagi driblinglar soni (16) va ramziy jamoaga kirishlar soni (7).
Messi Chempionlar Ligasidagi rekordlarini ko‘rib chiqdik. Endi uning oldida turgan natijalarga qaraymiz:
O‘yinlar soni bo‘yicha. Ronalduda 141, Leoda 128. Bunday tafovutni yo‘qotish qiyin, lekin Krishtianu bu mavsumda Chempionlar ligasida o‘ynamayotganini ham hisobga olish kerak;
Assistlar soni bo‘yicha. Ronaldu - 42, Messi - 37;
Penaltidan urilgan gollar soni bo‘yicha. Ronalduda 19, Messida 18 ta gol;
To‘g‘ri, "PSJ"da penaltilarni kim tepishi haqida bahslar doimo davom etadi. Bugungi kunda Kilian Mbappedan boshqa hech kimga to‘pning yoniga yaqinlashish mumkin emasdek, go‘yo.
O‘tgan mavsumda, transferdan so‘ng fransuz jurnalistlari Messidan Chempionlar ligasida gollar soni bo‘yicha Ronaldu bilan poyga haqida so‘rashgandi (Krishtianu hamon peshqadam – 141:126).
“Bilasizmi, men hech qachon rekordlarga e’tibor qilmaganman. Jurnalistlar yangi rekordlarni qo‘yganimni tez-tez aytishadi. Bu yoqimli. Lekin men har doim shaxsiy manfaat haqida emas, jamoa foydasi haqida o‘ylayman. Krishtianu bilan poygami? Bu uzoq davom esin", degan edi Lionel Messi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
