Эннер Валенсия - эквадорлик супер қаҳрамон. У жаҳон чемпионатларида терма жамоа сафида сўнгги олтита голни урган: Швейцарияга битта, иккитаси Гондурасга (2014 йилги жаҳон чемпионатида), иккита Қатарга ва Голландияга битта гол.
Эътибор берган бўлсангиз, Валенсиянинг ҳар бир голи жуда таъсирли тарзда нишонланади. Ҳамма айлана бўйлаб тиз чўккан ҳолда, қўлларини осмонга кўтариб голни нишонлайди.
Қатарга қарши биринчи голдан кейин ҳам шундай бўлди.
Ва иккинчи голдан кейин қуйидагича:
Голландияга урилган голдан кейин (1:1):
Қизиқ томони, бу шунчаки ибодат эмас. Эквадор голларини жамоа тўпурарларидан бири - Кристиан Бенитесга бағишлайди.
Чучони (Бенитес тахаллуси) "Бирмингем"да ўйнаганини, Поль Погба услубидаги машҳур соч турмагини эслайсиз - у бошининг тепасида геометрик шакллар орқали яшил дреадлок кийган.
2013 йилда Бенитес Қатарнинг «Ал Жаиш» клубига ўтди, аммо жамоада бор-йўғи уч ҳафта ўйнади ва кубок ўйинида майдонга тушди. Эртаси куни у хуруж қилган қорин оғриғи билан касалхонага ётқизилган ва бир неча соатдан кейин у вафот этди.
Текширув пайтида Бенитесда туғма юрак нуқсони борлиги аниқланди. Шифокорларнинг фикрига кўра, бундай касаллик энг батафсил тадқиқотларда ҳам аниқланмаган бўлиши мумкин ва шифокорлар кеч қолганини тушунтиришди. Ҳатто, бир неча йиллар давомида ҳам Премьер-лигада ҳеч ким ҳеч қандай шубҳали нарсани сезмади.
Бенитеснинг ўлими Эннер Валенсиянинг терма жамоадаги фаолияти бошланишига тўғри келди. Бразилияда бўлиб ўтган 2014 йилги жаҳон чемпионатида Валенсия учта гол урди. Ўшандан бошлаб Эннер Бенитеснинг вориси деб атала бошланди ва буларнинг барчаси мантиқан шундай яхши анъанага айланди - марҳум Кристианга гол бағишлана бошланди.
Энди улар буни Кристиан вафот этган Қатарда қилишида қандайдир рамзийлик бор.
Бенитес 11-рақамда ўйнаганидан хабарингиз бор. Унинг ўлимидан сўнг дарҳол Эквадор футбол федерацияси Чучога ҳурмат маъносида «11»ни муомаладан олиб ташлади.
Фақат бир йил ўтгач, ФИФА қоидаларга аралашди. Чунки ЖЧда жамоалар барча рақамларни кетма-кет ишлатишга мажбур бўлади — 1дан 26-гача. Фелипе Кайседо ЖЧ-2014да 11-рақам остида ўйнади, ҳужумчи Микаэль Эстрада ЖЧ-2022да айнан «11»да ўйнамоқда.
Эквадорликлар одатда кўп ибодат қилишади, дин уларнинг ҳаётининг муҳим қисмидир. Яъни биргаликда ибодат қилиш фақат Бенитеснинг фожиали ҳикояси билан боғлиқ эмас.
«Брайтон» ҳимоячиси Первис Эступиньян шундай тушунтиради:
“Биз ҳар доим ўйиндан олдин ва кейин бирга ибодат қиламиз. Эквадорда одамлар жуда диндор. Аммо шуни тушуниш керакки, бу майдондаги иш учун қўшимча воқелик холос. Бизни Худомиз бу ерга олиб келганини биламиз, бу бизнинг ўша зотга миннатдорчилик билдириш белгимиз ва бизга ёрдам беришини сўрашдир. Жанубий Америкада биз Европадагиларга қараганда кўпроқ диндормиз. Мисол учун, менда Биби Марямнинг татуировкаси бор. Лекин Худо бир нуқтага қадар ёрдам беради. Чеклов бор, ундан кейин сиз фақат ўзингизга ишонишингиз керак. Қанчалик сўрама, майдонга тушиб, қўлингдан келганини қилмасанг, рақиб сендан ўзиб кетаверади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
