Польша терма жамоаси биринчи тур учрашувида беқарор ўйин кўрсатди ва шу тариқа бир очко билан польяклар иккинчи ўринни мексикаликлар билан бўлишиб туришибди. Саудия Арабистони Аргентинани 2:1 ҳисобида мағлуб этиб, 3 очко билан «С» гуруҳида пешқадамга айланди.
Польша
1. Кристян Белик ва Бартош Берешински жароҳат олди
Мексика билан ўйин Польша учун ҳар томонлама омадсиз бўлди: «оқ-қизиллар» нафақат ҳужумда муваффақиятсизликка учради, балки жароҳатлар туфайли асосий таркибнинг икки футболчисини ҳам йўқотди. Польша терма жамоаси бош мураббийи Мексика билан ўйиндан кейин айтишича Бартош Берешински ва Кристян Белик мушакларидан жароҳат олган.
Жароҳати ҳам аҳамиятсиз бўлган Беликнинг йўқлиги жамоага таъсир қилмаса, Берешинскийнинг йўқлиги муаммо. Бартош - «оқ-қизиллар»нинг асосий марказий ҳимоячиси, у «Сампдория»да ажойиб мавсум ўтказди ва бой тажрибага эга. Унинг ўрнини "Астон Вилла" захира ўриндиғида ўтириб формасини йўқотган Ян Беднарек эгаллаши кутилмоқда.
2.Роберт Левандовскининг ҳолати
Польша терма жамоаси тарихидаги энг яхши тўпурари сифатида Робертдан кўп нарса кутилмоқда, аммо ҳозирча ҳужумчи умидларни оқлай олмади. У ҳали ҳам жаҳон чемпионатида голлар ҳисобини очолмаяпти ва Мексика билан қарама-қаршиликда у ёмон ўйин ўтказди: у дарвозага атиги иккита зарба берди, пенальти ишлаб олди, лекин уни голга айлантира олмади.
Саудия Арабистони
1. Саудия Арабистони асосий ҳимоячиси жароҳат олган
Аргентина билан учрашувнинг энг сўнггида Саудия Арабистони посбони жамоадоши Ёсир аш-Шаҳронига тизза билан зарба бериб юборди. Оқибатда Ёсирнинг жағи, юз суяклари синган ва мияси чайқалган, шу сабабли у жаҳон чемпионатида иштирок этмайди. Аш-Шаҳрони Саудия Арабистони терма жамоасининг асосий ўйинчиси бўлиб, у учун 62 та ўйин ўтказган.
2. Эрве Ренар саудияликларга Аргентина устидан қозонилган ғалабадан хурсанд бўлишига йўл қўймайди
Эрве Ренар Замбия ва Кот-дЪИвуар термаларини Африка кубогида ғалабага олиб келган тажрибали мутахассис. Эрве нафақат яхши тактик, балки кучли мотиватор ҳамдир, бу жуда камтарона футболчилар танловига эга Саудия Арабистони учун жуда муҳим.
Аргентина устидан қозонилган ғалабадан сўнг саудияликлар миллий қаҳрамонга айланишди ва ҳукумат уларга энг "ёғли" мукофотлар берди. Бироқ, "чўл бургутлари" эйфорияда қолмайди - Эрве Ренар уларга буни қилишга рухсат бермайди.
Полша терма жамоаси Роберт Левандовски, Аркадиуш Милик ва Пиотр Зелинскиларни майдонга тушириш учун, албатта, 3-5-2 схемасидан чекинади. «Оқ-қизиллар» катта эҳтимол билан 3-4-1-2 ўйнашади. Жароҳат олган Бартош Бересзински ўрнига Ян Беднарек майдонга тушади.
Саудия Арабистони Аргентина билан ўйинда бўлгани каби 4-1-4-1 кўринишида ўйнайди. Аммо таркибда мажбурий ўзгариш бўлади: чап қанотда ҳимояда жароҳат олган Ёсир аш-Шаҳрони ўрнига Муҳаммад ал-Брейк пайдо бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
