Диёр Имомхўжаев: «Сурхон»нинг собиқ раҳбарларини биз спорт принципларини уятсизларча бузган шахслар сифатида эслаб қолганмиз
Лигада елкама-елка хизмат қилаётган дўстларимнинг барчасидан ҳар қандай ҳолатда ҳам қонун-қоидалардан четлашмасликни талаб қиламан. Бош ҳамиша тик туриши учун бу жуда муҳим нарса. Талаб ҳаммага бир хил бўлиши шарт.
«Сурхон» футбол клубининг собиқ раҳбарларини биз спорт принципларини уятсизларча бузган шахслар сифатида эслаб қолганмиз. Вақт шавқатсиз. Бугун ўша инсонлар футболдан буткул узоқда, аммо футбол ўша ишлар оғриғини ҳозир ҳам ўз танасида ҳис қилади. Биз ҳар бирида 12 тадан жамоаси бор икки ажойиб лигага эга бўлишимиз ва ҳозиргидан икки марта яхшироқ Про лига билан янада олдинда бўлишимиз мумкин эди. Аммо тор доирадаги кишилар манфаати кенг кўламли ислоҳотларни барбод қилишга йўналтирилади. Шахсий манфаатлар умумникидан устун бўлмаслиги керак.
Сурхондарё иқтидорларга бой. Элдор Шомуродов бунга яққол мисол. Бу ерда футболнинг ашаддий мухлислари бор. Улар яхши савиядаги клуб, ажойиб стадион, ҳавас қиларли инфраструктура ҳамда кучли футбол академиясига муносиб. Лига «Сурхон»га шуни раво кўраётгани учун ҳам қанча оғир бўлмасин, айрим чекловларни киритиб келмоқда. Ваҳоланки, биз жамоа ўз мухлислари кўз ўнгида тўп суришини шу жамоани сўнгги тўрт йилда бошқарган ҳар бир кишидан уч марта кўпроқ истаймиз.
Маълумот учун, аввалги «Сурхон» клубини тарихдан ўчириб, янгисини Суперлигада ўйнатиш учун ҳар турли кишилар ҳаракат қилиб кўрди. Улар орасида футболимиз юзлари ҳам бор. Бироқ бугунги Лига ҳаммаси ФИФА белгилаб берган аниқ қоидалар ва регламентлар асосида бўлишини талаб қила оладиган кучга эга.
Биз Лига номидан сурхондарёлик минглаб мухлисларга сабрлари учун миннатдорчилик билдирамиз. Ишонамизки, энди ишлар бир қадар тартибга кела бошлайди. «Сурхон» ўз аренасида ўйнаши Лигага эмас, вилоят ҳокимлиги ҳамда унинг бўлажак янги эгаларига боғлиқ эканлигини маълумот учун айтиб кетамиз.
Диёр Имомхўжаев.
Манба: https://t.me/diyorimamkhodjaev
Киритилди: 12:50, 08.01.2023. Ўқилди: 2360 марта. Фикрлар: 14 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
