Роналду ЖЧ-2022дан кейин терма жамоадан кетмоқчи эди...
Криштиану Роналду Қатардаги жаҳон чемпионатидан кейин Португалия терма жамоасидаги фаолиятини якунламоқчи бўлганди. Бу ҳақда 38 ёшли футболчининг ўзи маълум қилди.
«Алдамайман. Ҳаётда барча қарорларни тарозуга солиб кўриш керак. Оилам билан ўйлаб кўрдик, лекин қийинчиликларга қарамай, таслим бўлмасликка қарор қилдик. Вазиятга турли нуқталардан қараб кўрдим. Терма жамоа сафида кўп нарса ўргандим ва яна қайтганимдан хурсандман.
Мураббий менга умид қилаётганини айтди. Мен терма жамоада ҳамиша ўйнашни истаганман. Мураббий барча билан, жумладан, мен билан ҳам гаплашди. У менга ҳали Португалияга берадиган нарсаларим борлигини айтди.
Мен буни ҳис этяпман. Мақсадим — Португалияни энг юқори савияга олиб чиқиш. Жамоага керак бўлган пайтимда ҳамиша ўз ҳиссамни қўшаман», – деди Роналду.
Манба: sports.ru
Киритилди: 23:50, 22.03.2023. Ўқилди: 3314 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар