"Арсенал" жорий мавсумда АПЛни бошқариб турибди. Жамоа футболчиларининг нархлари 2022-23 йилда анча қимматлашди. Бунга Микель Артета ғоялари ижобий таъсир кўрсатди дейиш мумкин. "Арсенал" олдида чемпионликка қадар атиги 10 та ўйин қолди холос. Тўпчилар АПЛдаги энг ёш жамоа саналади. Шунга қарамай, уларнинг қайд этаётган натижалари ҳайратланарли.
Сўнгги йилларда Лондон клуби ёш футболчилар учун сармоялар киритди. Бугун ўша ҳаражатларнинг фойдаси келиши керак. Масалан, катта трансферлар бўлмаган Мартинелли, Сака ва Салибалар жамоанинг асосига айланди. Шундай экан, Букайо Саканинг қарийб 97 миллион фунтга баҳолангани ҳеч кимни ажаблантирмайди. У нафақат "Арсенал"да, балки Англияда ҳам энг яхшиларидан биридир. Бу ҳақида жамоанинг афсонавий футболчиларидан бири Пол Мерсон шундай деганди:
"Сака – муҳим вазиятлар футболчиси. У катта баҳсларда, керакли пайтда ўзини кўрсата олади. Букайо аутсайдер жамоаларга қарши хет-трик қайд этмайди. У 7-0 ҳисобида еттинчи голни урмайди. "Арсенал"да унинг вазифаси бу эмас. Сака ҳисобни очувчи, тенглаштирувчи ёки ғалаба голини киритишга ўрганган. Керакли вақтда эса голли узатмалар бера олади. У каби футболчиларни топиш осон эмас. Ҳа, иқтидорли футболчилар жуда ҳам кўп. Аммо улар Сака қилган ишни бажара олмайди. Кўп гапириш мумкин. Лекин унинг ўйинларини кузатган, гапиргандан кўра завқлироқдир"
"Арсенал" таркибида Сакадан бошқа ҳам юқори нархланган футболчилар бор. Масалан, Мартин Эдегор ва Габриэль Жезус 65 миллион фунтдан баҳоланган. Айниқса, Эдегор Лондон жамоасида жуда ҳам ажойиб ҳаракат қилмоқда.
Европадаги энг яхши ҳимояга эга бўлган жамоалар ичида "Арсенал" ҳам бор. Шунга яраша, клуб ҳимоячилари бўлмиш Вильям Салиба Бэн Уайт ва Габриэл Магаляншларнинг ҳар бири 40 миллион фунтдан баланд туради.
Қуйида Transfermakrt портали берган маълумотлардан фойдаланган ҳолда 2023 йилда "Арсенал" таркиби қандай нархга эга эканини келтирамиз.
1. Букайо Сака – 96.82 миллион фунт
2. Мартин Эдегор – 70.41 миллион фунт
3. Габриэль Жезус – 66.01 миллион фунт
4. Габриэл Мартинелли – 61.61 миллион фунт
5. Вильям Салиба – 48.41 миллион фунт
6. Бэн Уайт – 44.01 миллион фунт
7. Габриэл – 44.01 миллион фунт
8. Олександр Зинченко – 35.21 миллион фунт
9. Томас Парти – 33.45 миллион фунт
10. Эмиль Смит-Роу – 33.45 миллион фунт
11. Аарон Рамздейл – 33.45 миллион фунт
12. Жоржиньо – 30.81 миллион фунт
13. Леандро Троссард – 26.40 миллион фунт
14. Гранит Жака – 24.64 миллион фунт
15. Фабиу Виейра – 23.76 миллион фунт
16. Киран Тирни – 22.00 миллион фунт
17. Такехиро Томиясу – 22.00 миллион фунт
18. Эдди Нкетиа – 22.00 миллион фунт
19. Якуб Кивиор – 17.60 миллион фунт
20. Роб Холдинг – 8.80 миллион фунт
21. Муҳаммад Эльнени – 7.92 миллион фунт
22. Рейс Нелсон – 6.16 миллион фунт
23. Метт Тёрнер – 4.40 миллион фунт
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
