“Бунёдкор” – “Бухоро” учрашувидан кейинги матбуот анжуманининг иккинчи қисмида “қалдирғочлар” устози иштирок этди.
- Ўйин майдоннинг бир томонида бўлди. Бир жамоа ҳужумда, иккинчиси эса тўлиқ ҳимояда ўйнади. Ўз дарвозаси дахлсизлигини ўйлаб майдонга чиқадиган жамоаларга қарши ўйнаш ва уларга гол уриш қийин. Яқинда бу ҳақда Эдгар Яковлевич ҳам гапириб ўтганди. Иккинчи бўлимда Шораҳмедов муҳим голга муаллифлик қилди ва ўз ҳисобимизга уч очко ёзиб қўйдик. Натижадан қониқдим аммо ўйинимиз борасида қаноатланганим йўқ. Бу ўтган ҳафтада “Аделаида Юнайтед”га қарши кечган оғир ўйин ва олис сафарга турли йўналишлар орқали бориб келишдаги толиқишлар билан боғлиқ, - деди Миржалол Қосимов.
- Кейинги ҳафтада “Аделаида Юнайтед”га қарши ОФК Чемпионлар лигаси чорак финали жавоб учрашувини ўтказасизлар. Меҳмонда қўлга киритилган ижобий натижа ҳамда рақибнинг асосий ҳимоячиси Найжел Бугарднинг Тошкентдаги баҳсда майдонга туша олмаслиги Сизларни хотиржамликка ундамаяптими?
- Асло йўқ. Австралиядаги ўйиндан кейинги матбуот анжуманида ҳам айтиб ўтгандим, “Аделаида” билан жавоб ўйинигача бизнинг бошқа режаларимиз бор деб. Бугун “Бухоро” билан ўйинимиз ўтди, энди Бекободда “Металлург”га қарши майдонга чиқамиз. Шундан сўнг футболимизнинг 100 йиллик байрам шодиёналарини юқори савияда ўтказиб олишимиз даркор. Кейингина “Аделаида Юнайтед” билан жавоб баҳси ҳақида бош қотирамиз. Аслида ҳозирга кунда австралияликларга қарши ўйинда қўлланиладиган режаларимизни мураббий сифатида ўйлаб юрибман. Бироқ футболчиларнинг бор эътиборлари “Металлург” билан баҳсга қаратилган.
Бугунги кунга келиб чемпионатимизда олтин медаллар учун 3-4та жамоа кураш олиб боряпти. Бор эътиборни Чемпионлар лигасига қаратиб, миллий чемпионатни унутиб қўймоқчи эмасмиз.
- Клубдаги молиявий қийинчиликларга қарамасдан жамоангиз ёмон натижалар қайд этмаяпти. Чемпионлар лигасининг Шарқий минтақасидаги гигант жамоалар ортда қолдирилди. Чорак финалнинг биринчи ўйинида “Аделаида Юнайтед” майдонидан яхши натижа билан қайтилди. “Бунёдкор”нинг чемпионатда ва кубок баҳсларида ғолиб чиқиши учун яхшигина имконияти бор. Айтингчи, жамоангиз нимани ҳисобига бундай натижалар қайд этяпти?
- Тўғри таъкидлаб ўтдингиз, бу мавсум бизга осон бўлмаяпти. Узоқ сафарларга бўлаётган парвозлар ва учта фронта олиб борилаётган жиддий кураш ўйинчиларнинг кучли толиқтиради. Шунга қарамасдан, қўл остимда тўп тепаётган футболчилар мавсум аввалида қўйилган вазифа сари дадил одимлашмоқда. Ойлик маошларимизни вақтида оляпмиз. “Бунёдкор” футболчиларида кучли характер бор. Улар бу ҳислатни намойиш эта олишяпти. Бундан жуда хурсандман.
- Характер ҳақида гапириб ўтдингиз. Футболчиларда бундай ҳислатни уйғотадиган ким: мураббийми ёки футболчилар ичида қандайдир ташвиқотчи бўлиши лозимми?
- Айтишадику, чўпонсиз қолган подани бўри ейди деб! Ўзингиз хулоса чиқариб олаверинг.
- Терма жамоа хусусида сўрамоқчи эдим. Маълумотларга қараганда, 12 октябрь кунги Ироқ билан ўйин бекор бўлган. Ироқ термаси Бразилия билан ўйнашни маъқул топибди. Бу ҳақда Сизга маълумот етказишдими?
- Ха, Асқар Толибжонов телефон орқали хабар қилди. Ироқликлар билан келишув қоғозда расман амалга ошганми ёки оғзаки бўлганми билмадим. Менга етказишларича, ҳозирги кунда Саудия Арабистони терма жамоаси билан музокара олиб бориляпти.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
