"Ливерпуль" келаётган ёзда қайта қуришга муҳтож бўлиб турибди. Юрген Клоппнинг жамоага келадиган ва кетадиганлар борасида яхшилаб ўйлаб кўриши талаб этилади. Жамоани тарк этиш борасида бир нечта номлар борки, улар яқин йиллар давомида мерсисайдликлар сафида асосий фигура бўлиб келган. Қуйида шу ҳақида сўз боради. Эслатма: қуйида фақатгина доимий шартномага эга футболчилар номи келтирилган. Ижарадаги Артур Мело шундоқ ҳам кетади.
Адриан
Айни дамга қадар Аллисон Бекер ортида мустаҳкам равишда Келлехер жойлашиб олди. Шу сабаб учинчи дарвозабон бўлишга ҳожат йўқ. Адриан эса буни яхши тушунади. 36 ёшли испаниялик посбон жорий мавсумда Юрген Клопп томонидан деярли фойдаланилмади. Шунинг учун энди унинг "Ливерпул"да қолишидан маъно йўқ. Биз Адрианни мерсисайдликлар сафида 2019 йилги УЕФА Суперкубогида кўрсатган фантастик ўйини билан эслаб қоламиз.
Роберто Фирмино
Фирмино 2015 йилдан бери клуб учун фойдали футболчи бўлиб келмоқда. У "Ливерпуль" либосида 100 дан ортиқ голларга муаллифлик қилди. Ҳеч қайси футболчи ҳали Клопп билан Фирминочалик кўп ишламаган. Жорий мавсумга қадар бразилиялик ҳужумчи энг яхшилардан бири сифатида эътироф этилиб келинаётган эди. 31 ёшида жароҳатлар гирдобида қолган ҳужумчи, майдонда ўз ўрнини бошқа футболчиларга бериб қўйди. Албатта шу ҳолида ёш ва тезкор бўлган Гакпо, Диас, Нуньес ва Жота каби ҳужумчилардан устун бўлиш қийин масала. Фирмино ҳали ҳам жамоаси учун фойдали эканини "Арсенал"га қарши кечган ўйинда исботлаганди. Юрген Клопп яқиндагина унинг кетишини тасдиқлади.
Наби Кейта
Ярим ҳимоячи клубдаги беш йили давомида яхши даврларни бошдан ўтказди. Аммо Клопп жамоаси учун Кейта асосий футболчига айлана олмади. Футболчи 52 миллион фунтга харид қилинганди. Аммо у ўзидан кутилган натижани бера олмади. Гвинея терма жамоаси аъзоси "Ливерпуль" билан янги битим тузмайди. Эндигина 28 ёш бўлишига қарамай, Кейта учун Ливерпулдаги саргузаштлар тугаган. У ўз омадини бошқа жойдан қидириб кўриши керак.
Жеймс Милнер
Айни дамда фахрий футболчини жамоада олиб қолиш ёки унинг ўрнини янги ва ёш номлар билан тўлдириш кун масаласи бўлиб турибди. 37 ёшли ярим ҳимоячи Клопп даврида 300 дан ортиқ ўйинларда иштирок этди ва мумкин бўлган барча совринларга эга чиқди. Милнер 2015 йилда "Манчестер Сити"дан олиб келинган эди. Хабарларга кўра Милнер билан шартномани янгилаш борасида ҳали ҳеч қандай янгилик мавжуд эмас. Балки инглиз футболчиси ўзининг тарбиячи клуби бўлган "Лидс"га қайтишни истар? Яна ким билади дейсиз...
Алекс Окслейд-Чеймберлен
Кўп пайтлар бу футболчининг номи унутиб қўйилади. Негаки, унинг клубдаги даври жароҳатлар ичида кечди. Бир пайтлар Окслейд-Чейберлен Клопп қураётган лойиҳани асоси сифатида бўй кўрсатганди. Бунинг исботи сифатида 2017-2018 йилги ЕЧЛ финалигача бўлган йўлни эслаш кифоя. Аммо бу етарли эмас. Собиқ Англия терма жамоаси аъзоси "Ливерпул"да ўзини кўрсатишга қийналмоқда. Алекс ҳали 30 га кирмаган. Шу сабаб ўзга клублардан бахтини излаб кўрса бўлади. Ҳархолда, 30 ёшидан кейин катта ютуқларга эришаётган футболчилар кам эмас.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
