Бразилия терма жамоаси аъзоси "Манчестер Сити"нинг жорий мавсумдаги ҳар бир лига ўйинида иштирок этди. У 30 та учрашувда 39 та гол ўтказиб юборган ва 10 та қуруқ ўйин ўтказган. Шунда Эдерсон Англиядаги энг яхши дарвозабон бўладими? Статистик жиҳатдан, йўқ. Аммо аниқки, у "Арсенал" посбони Арон Рамзейлдан яхшироқ.
Ўнг қанот ҳимоя: Бенжамин Уайт ("Арсенал")
Рўйхатдаги энг қийин танловлардан бири мана шу эди. Кайл Уокер ва Бен Уайтдан бири олиш мураккаб иш. Бу учун сиз Гарет Саутгейт ўрнида бўлишингиз керак. Уайт жорий мавсумда ўз позициясидаги энг яхшиларидан бири бўлиб келаяпти. Микель Артета уни марказдан қанотга кўчирган эди. Салиба ва Эдегор билан Уайт ажойб боғлам ҳосил қилган.
Чап қанот ҳимоя: Олександр Зинченко ("Арсенал")
"Манчестер Сити"дан кетган футболчи, "Арсенал"га келади. Зинченко Лондон жамоасини чемпионлик учун курашда фаворитга айлантирганди. Майдонда украиналик футболчи сиз ўйлагандан кўп нарсани бажаради. Артета уни қанотга қўйгани билан, аслида Зинченко таянчда ва ҳужумнинг ривожланиш фазасида катта ишларни амалга оширади.
Марказий ҳимоячи: Рубен Диаш ("МС")
Диаш "шаҳарликлар" билан яна бир кучли мавсумни ўтказмоқда. Португалия терма жамоаси аъзоси ўзи қатнашган ўйинларда ўртача 87 та узатма ижро этади ва уларнинг 98 фоизи ўз манзилига аниқ етиб боради. Ҳимоядаги ишларда футболчининг аҳамияти беқиёс. Шу сабабдан уни танлаш адолатдан бўлади.
Марказий ҳимоячи: Жон Стоунз ("МС")
"Арсенал" вакили Габриэл АПЛдаги энг яхши марказий ҳимоячилардан бири. Аммо Стоунз ундан устун туради. Негаки, ўтмиш ва соврин ютиш борасида инглиз футболчиси бразилиялик ҳамкасбидан устунроқ. Боз устига, Стоунз ҳам фантастик мавсум ўтказмоқда. Унинг "Лестер" дарвозасига киритган голини кўргандирсиз?
Таянчда: Родри ("МС")
Бу футболчи ўз позициясида энг яхшиси. Бунга шубҳа бўлиши мумкин эмас. Родри тўп билан яхши ҳаракат қилган ҳолда, ўз вазифасини яхши бажаради. Шу сабабдан испаниялик ярим ҳимоячи Томас Партидан устун қўйилди.
Ярим ҳимоячи: Мартин Эдегор ("Арсенал")
"Арсенал" сардори мавсум давомида катта футболчи эканини исботлай олди. У "Реал" томонидан 4 марта ижарага бериб юборилганди. "Қироллик клуби" эса Эдегорни 2015 йилда, 16 ёшида харид қилади. У жорий мавсумда 30 ўйинда 12 та гол ва 8 та ассистга муаллифлик қилди. Айтиш мумкинки, айни дамда норвегиялик "Арсенал"нинг юраги бўлиб турибди.
Ярим ҳимоячи: Кевин Де Брюйне ("МС")
Де Брюйне ҳақида кўп гапиришдан маъно йўқ. У ҳақида олдин ҳаммаси айтиб бўлинган. Бельгиялик деярли 10 йилдан бери дунё футболида пик даражада ҳаракат қилиб келмоқда. У ҳали тўхташ ниятида эмас.
Ўнг қанот ҳужум: Букайо Сака ("Арсенал")
Сакани яхши кўрмайдиган футбол мухлиси бўлмаса керак. У нафақат яхши футболчи, балки инсон ҳамдир. Унинг жамоаси учун муҳимлиги, натижалари ва хусусиятлари, Сакани Фоден, Махрез, Силва ва Алваресдан устунликка олиб чиқади. Букайо бугунги кунга келиб 110 миллион еврога баҳоланмоқда.
Чап қанот ҳужум: Жек Грилиш ("МС")
Грилиш "Арсенал" билан баҳснинг биринчи даврасида гол уришга эришганди. Орадан икки ой ўриб, инглиз ҳужумчиси ҳали ҳам ўз даражасини сақлаб келмоқда. Унинг ҳисобида сўнгги 3 та АПЛ баҳсида 3 та ассист ва 1 та гол бор. Ҳозир аниқ айта оламизки, Грилиш Гвардиола жамоасига тўлиқ мослашиб олди.
Марказий ҳужумчи: Эрлинг Холанд
Бу футболчи дарвоза тўри қаерда эканини яхши билади. Унинг ким, қандай, нималарга қодир эканини айтиб ўтиришга ҳожат йўқ деб ҳисоблаймиз. Билишни истаганлар, шунчаки, қуйидаги видеони кўрсин!
ИСМАТОВ Ж.
Манба: football365.com
Киритилди: 20:11, 26.04.2023. Ўқилди: 2005 марта. Фикрлар: 0 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
