Бу ҳафта турли ўйинларга бой бўлди: УЕФА ёшлар лигаси финаллари, чемпионатларнинг навбатдаги турлари. Мавсум ўз ниҳоясига етмоқда, ёшлар ўзларини кўрсатиш имкониятига эга бўлмоқда. Қуйида ҳафта ёшлари ҳақида гаплашамиз.
Мекс Мердинк УЕФА Ёшлар Лигаси финалининг қаҳрамони
«АЗ» Ёшлар лигасини эгаллади! Финалда улар «Хайдук»га қарши майдонга тушди – 5:0. 19 ёшли ҳужумчи Мекс Мердинк иккинчи бўлим бошида майдонга тушди ва 2+1 натижа қайд этди. Голландиялик футболчи тўққизта гол билан турнир тўпурари бўлди
Хулио Энсисо «Вулверхэмптон»ни мағлуб этишда муҳим роль ўйнади
Апрель - парагвайликнинг ойи. «Челси» ва «Борнмут» билан ўйинларда «Брайтон» футболчиси чемпионатдаги илк голларини киритди ва шу ҳафтада «бўрилар»ни мағлуб этишда иккита голли узатма билан иштирок этди. 19 ёшу 96 кунлик ёшида Хулио бир ўйинда иккита голли узатмани амалга оширган Премьер-лига тарихидаги энг ёш жанубий америкалик футболчига айланди.
Арда Гюлер Туркия чемпионатида порлади
«Фенербахче» ҳафта бошида «Истанбулспор» билан дуранг ўйнади – 3:3. 18 ёшли Арда ўшанда дубл қайд этди. Иқтидорли ярим ҳимоячи жорий мавсумда 6 та гол урди ва 4 та голли узатмани амалга оширди. Кўплаб топ-клублар Гюлерни кузатиб бормоқда. Tuttomercatoweb хабарига кўра, «ПСЖ» бу йўлда энг фаол бўлиб турибди. Французлар туркни ёзда ўз сафига қўшиб олмоқчи.
Хави Герра «Валенсия»га муҳим ғалаба келтирди
«Валенсия» Ла Лигадаги ўрнини сақлаб қолиш учун фаол кураш олиб бормоқда. Пайшанба куни жамоа ўз уйида «Вальядолид» меҳмони бўлди, уларга ғалаба жуда зарур эди. Сўнгги дақиқаларда дуранг қайд этилаётган бўлсада, майдонга 19 ёшли Хави Герра чиқди. Қўшиб берилган вақтда у фаолиятидаги илк голини киритиб, «кўршапалаклар»га муҳим ғалабани келтирди.
Жереми Доку яна иккита гол урди
Бир неча ҳафта олдин Доку «Ренн» сафида биринчи дублини қайд этган бўлса, «Анже» билан ўйинда иккинчисига навбат келди. 2:2 ҳисоби таблода акс этиб турган бир пайтда бельгиялик икки бор рақиб дарвозасини ишғол қилиб, жамоасига уч очко келтирди.
Николас Жексон «Вильярреал»ни Европа мусобақаларида муносиб ҳимоя қилади
«Вильярреал» «Сельта»ни 21 ёшли Николас Жексоннинг дубли билан мағлуб этди. Сенегаллик футболчи сўнгги бешта ўйинда тўртта гол урди. Қишда у «Борнмут»га бориши мумкин эди, аммо тиббий кўрикдан ўта олмади ва Кике Сетьен жамоасини еврокубокларгача элтиб бориш йўлида қолди.
Ламин Ямал «Барселона» сафида дебют қилди
Ламин Ямал уч марта «Барселона»нинг чемпионлик ўйинлари учун аризасига кирди ва учинчи уринишда дебют қилди: Хави «Бетис» билан ўйиннинг сўнгги 10 дақиқасида унга имкон берди. 15 ёшу 290 кунлигида вингер Ла Лига тарихидаги энг ёш дебютантга айланди. Испания матбуоти хабарига кўра, Ламин мавсумнинг қолган қисмини асосий таркибда ўтказади, ёзда эса мавсумолди тайёргарликда иштирок этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
