Ампутантларимиз Англияни ҳам ютишди ва ярим финалга чиқишди
Ўзбекистон ампутантлар терма жамоаси Жаҳон чемпионати гуруҳ босқичининг тўртинчи ўйинида ҳам ғалаба қозонди. Вакилларимизга бу сафар Буюк Британия терма жамоаси рақиблик қилди ва унда Умархўжаев шогирдлари 4:2 ҳисобида ғалаба қозонишди.
Англия ампутантлар терма жамоаси расмий Твиттерининг ёзишича, британияликларнинг голларига Вестбрук ва Твид муаллифлик қилишган.
Ушбу ғалабадан кейин Ўзбекистон ярим финал масаласини ҳал қилиб бўлди. Ҳаттоки уларнинг гуруҳда 1-ўринни олиши ҳам аниқ бўлиб улгурди.
Эртага терма жамоамиз Украина билан гуруҳнинг сўнгги учрашувини ўтказади.
Шундан сўнг 12 октябрь куни мусобақада дам олиш куни. 13 октябрь куни ярим финал учрашувлари ўтказилса, 14 октябрь куни медалларучун баҳслар бўлиб ўтади.
Киритилди: 16:47, 10.10.2012. Ўқилди: 6027 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).