Ўзбекистон ярим финалда Аргентина билан ўйнайди
Россиянинг Калининград шаҳрида давом этаётган ампутант футболчилар ўртасидаги жаҳон чемпионатида гуруҳ босқичи ўйинлари якунига етди.
Мавзурхўжа Умархўжаев қўл остидаги Ўзбекистон ампутантлар терма жамоаси гуруҳ босқичининг сўнгги турида Украина терма жамоасига қарши майдонга чиқди. Ўйин 4:0 ҳисобида ўзбекистонлик футболчилар фойдасига ҳал бўлди. Шундай қилиб, гуруҳнинг барча ўйинларида ғалаба қозонишга муваффақ бўлган Ўзбекистон терма жамоаси «В» гуруҳида 1-ўринни қўлга киритиб, ярим финалга йўл олди. Умархўжаев жамоаси бунгача Туркия (6:1), Япония (7:0), Либерия (8:2) ва Англия (4:2) терма жамоаларини мағлубиятга учратганди.
Ярим финал босқичида Ўзбекистон ампутантлар терма жамоаси Аргентинага қарши майдонга тушади. Иккинчи финал йўлланмаси учун эса Россия ҳамда Туркия терма жамоалари ўзаро баҳс олиб боришади. Ярим финал ўйинлари 13 октябрь, шанба куни бўлиб ўтади.
Ўзбекистон ампутантлар терма жамоаси 2010 йили Аргентинада бўлиб ўтган жаҳон чемпионати финалида ушбу терма жамоа билан тўқнаш келган ва 3:1 ҳисобида ғалаба қозонганди.
Ампутантлар ўртасидаги Жаҳон чемпионати-2012
«В» гуруҳи, 5-тур учрашуви
11 октябрь, пайшанба
ЎЗБЕКИСТОН – УКРАИНА 4:0
Ярим финал учрашувлари
13 октябрь, шанба
ЎЗБЕКИСТОН - АРГЕНТИНА
РОССИЯ - ТУРКИЯ
Манба: www.the-uff.com
Киритилди: 21:31, 11.10.2012. Ўқилди: 5783 марта. Фикрлар: 20 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).