Бугун 23-тур ўринбосарлар учрашувларига старт берилди. Жумладан, Қарши шаҳридаги “Насаф” (Меҳнат) стадионида турнинг марказий учрашуви мақомини олган “Насаф”-“Пахтакор” клублари ўринбосарлари ўртасидаги учрашув ҳозиргина ўз ниҳоясига етди. Учрашув голларга бой бўлди.
Учрашувнинг илк дақиқаларидан Рўзиқул Бердиев шогирдлари ўз дарвозаларидан тўп олиб чиқишга мажбур бўлишди. Учрашувнинг 4-дақиқасида “Пахтакор” аъзоси Аббосбек Махсталиев гол муаллифи бўлди-0:1.
Учрашувнинг 41-дақиқасида Аббосбек Махсталиев иккинчи марта ҳакам томонидан огоҳлантирилиб, майдондан четлатилди ва меҳмонлар майдонда 10 киши бўлиб қолишди. Учрашув биринчи бўлими ана шу ҳисобда якунланди.
Иккинчи бўлимнинг бошида яъни 51-дақиқада “Пахтакор” аъзоси ўз дарвозасини ишғол қилиб қўйди -1:1. Ниҳоят учрашувнинг 65-дақиқасига келиб, “Насаф” ўринбосарлари ҳисобда олдинга чиқиб олишди, “Пахтакор” ёшлари дарвозасига иккинчи голни Улуғбек Дадабоев киритди-2:1. Орадан бир дақиқа ўтиб, учрашув 60-дақиқасида майдонга тушган “Пахтакор” ўринбосарлари аъзоси Жамшид Искандаров ҳисобни тенглаштирди – 2:2. Учрашувнинг 87-дақиқасига келиб, Рўзиқул Бердиев шогирдлари яна ҳисобда олдинга чиқиб олишди, “Пахтакор” дарвозасини яна Улуғбек Дадабоев ишғол қилиб, дубл муаллифига айланди-3:2. Учрашув асосий вақтига учрашув бош ҳаками томонидан 4 дақиқа қўшимча вақт қўшиб берилди. Аммо бу қўшимча вақтда бошқа ҳисоб ўзгармади. Шундай қилиб, Рўзиқул Бердиев шогирдлари ушбу учрашувда муҳим ғалабани қўлга киритишди. Ғалаба муборак!
Ёшлар лигаси, 23-тур. Қарши ш. “Насаф” стадиони
“Насаф” – “Пахтакор” 3:2 (0:1)
Голлар: Аббосбек Махсталиев 4-0:1,Автогол-“Пахтакор” аъзоси 51-1:1, Улуғбек Дадабоев 65-2:1, Жамшид Искандаров 66-2:2, Улуғбек Дадабоев 87-3:2
“Насаф”: 25.Алибек Туробов, 2.Мирзамурод Жўрабоев, 5.Одил Ҳамробеков, 7.Нодир Санақулов, 10.Азизбек Маликов (Элдор Бойматов 72), 11.Санжар баратов, 15.Тоҳир Абдураззақов (с), 17,Фаррух Сайфиев, 19.Миржалол Мўминов (Дониёр Нарзуллаев 86), 20.Улуғбек Дадабоев (Аслиддин Лутфуллаев 93), 22.Нажмиддин Нормуродов (Обид Мамотов 50)
“Пахтакор”: 50.Акмал Турсунбоев (Алибек Омонов 71), 13. Жалолиддин Саидов (Жамшид Искандаров 60), 14.Фомин Максимиллян (Муҳсин Убайдуллаев 55), 2.Азамат Абдуллаев, 25.Тоҳир Шамсутдинов (Фаррух Шотурсунов 78), 21. Аббосбек Махсталиев, 7. Арен Бабаян, 20. Абдуллоҳ Олимов (Абдулазиз Юсупов 80), 17.Игорь Сергеев, 28.Анвар Рахимов (Рекун Сергеев 51), 29. Алишер Азизов (Тимур Ҳакимов 64)
Ҳакамлар: С.Ивлиев, Ф.Норсафаров, О.Ҳамдамов, С.Саттаров
Назоратчи: И.Нехочин
Огоҳлантириш: А.Махсталиев 26 ва 41, А.Олимов 38, Элдор Бойматов 73, Нодир Санақулов 75, Игорь Сергеев 79,
Четлатиш: Аббосбек Махсталиев 41.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
