Сунъий онгнинг чиқарган хулосаларига кўра, "Манчестер Юнайтед" таркибни яхшилаш учун еттита футболчисидан воз кечиши керак. Ушбу ёз клуб учун олди-сотди борасида қизғин кечиши кутилмоқда. Айниқса, "қизил иблислар"нинг янги эгалар қўлига ўтиши, буни янада тезлаштириши айтилган. Эрик тен Хаг ўз жамоасини шакллантиришга ҳаракат қилмоқда. Бунда сотиб олиш билан бирга, сотув ишлари ҳам керак бўлади. Қуйида жамоани кимлар тарк этиши кераклиги, сунъий онг талқини асосида қайд этилади.
Давид Де Хеа
Дарвозабоннинг яна бир йиллик шартномага имзо чекиши ҳақида хабарлар мавжуд. Аммо бу иш амалга ошганича йўқ. Қолаверса, "МЮ" аллақачон янги посбон қидиришга тушган. Бу шуни англатадики, Де Хеа жамоадан кетади. Қолган тақдирда ҳам, испанияликни маош пасайиши кутади. Шунингдек, у ортиқ асосий таркибда бўлмайди.
Харри Магуайр
"Манчестер Юнайтед" сардори борасида аллақачон кўплаб хабарлар чиқмоқда. Унинг клубни тарк этиши шундоқ ҳам ҳақиқатга яқин эди. Магуайр учун "Астон Вилла" ва "Ньюкасл" қизиқиш билдирган. Шунингдек, Магуайр "Челси" ярим ҳимоячиси Мейсон Маунтни олиб келиш учун ҳам қурбон қилиниши мумкин.
Люк Шоу
Шоу ушбу рўйхатдаги кутилмаган номдир. У ўтган мавсумда тен Хаг жамоаси учун муҳим фигура бўлиб хизмат қилганди. Шоу қанот ва марказий ҳимояда қанчалик кераклигини кўрсатиб қўя олди. 27 ёшли футболчи "МЮ"га "агент"лик қилиб ҳам фойда қилмоқда. У Англия терма жамоасидаги шериклари бўлмиш Харри Кейн ва Деклан Райсни ўз жамоасига чорлагани айтилади. Афсуски, шундай футболчи суперкомпьютернинг кетиш рўйхатига тушиб қолди.
Дин Хендерсон
Дарвозабон мавсумни "Ноттингем Форест"да ижара асосида ўтказганди. Уни Лондон клуби 30 миллион фунтга харид қилиши ҳақида хабарлар мавжуд. "МЮ" янги мавсум учун бошқа посбон сотиб оладиган бўлса, Хендерсонга бу жамоада ортиқ иш қолмайди. Шу сабаб унинг кетгани ҳар икки томон учун фойдалироқ бўлади.
Антони Марсьяль
"Манчестер Юнайтед" "Аталанта" ҳужумчиси Расмус Хёйлунни кўзлаган. Инглиз гиганти даниялик эвазига пулдан ташқари Марсьялни ҳам беришга тайёр. Француз ҳужумчиси 2022 йилни "Севилья"да ижара асосида ўтказди. Аммо узоқ чўзилган жароҳат Марсьялга ўзини кўрсатиш учун тўсиқ бўлганди.
Скотт Мактоминей
Суперкомпьютерга кўра, "МЮ" ярим ҳимоячисини 30 миллион фунт учун сотишга тайёр бўлади. Шотландия терма жамоаси аъзоси "Ньюкасл" томонидан жиддий кузатилмоқда. Аммо Мактоминейга тен Хаг жавоб бермаса керак. Қолаверса, у учун сўралаётган 50 миллионлик талаб исталган клубга кўплик қилади.
Шола Шортайр
Шортайр ўтган мавсумни "Болтон" сафида ўтказган эди. У Чемпионшип клубида таркибнинг муҳим фигурасига айлана олди. Юқори баҳоланган ёш ҳимоячи "Барселона" ва "Ювентус" радарига тушиб улгурган. Агарда Шола янги мавсум "МЮ"ни тарк этса, бу кетиш яна ижара асосида бўлади. Ҳархолда, сунъий онг шундай ҳисобламоқда.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
