"Челси" футбол клуби янги мавсумга қадар катта ўзгаришларга юз тутади. Бу ўзгаришлар таркибда ўз аксини топади. Маурисио Почеттино ўзи истаган жамоани қуриш учун, аввало, керакмас футболчилардан қутилиши керак. Айни дамда аргентиналик мутахассис ихтиёрида 30 дан ортиқ асосий таркиб футболчилари йиғилиб қолган. Бунга сабаб Тодд Боэлининг бир йилда 600 миллион фунтни трансферлар учун сарфлаб юбориши эди. Грэм Поттернинг жамоадан кетиши эса кийиниш хонасида бир тўда кераксиз футболчилар йиғилиб қолганини кўрсатди.
"Аристократлар" сафидаги тозалаш ишлари аллақачон бошланиб кетди. Бунга Саудия Арабистони клублари ёрдам бериб юборди. Жараён ўзининг авж палласига яқинлашмоқда. "Челси" афсонасига айланган Н'Голо Канте "Ал-Иттиҳод"га йўл олгани ортидан, яна бир қатор харидлар масаласи пайдо бўлди. Хусусан, "Челси"нинг ўзидан Калиду Кулибали, Хаким Зиеш ва Эдуар Мендилар ҳам Ўрта Шарққа қараб кетиш арафасида турибди. Араблар бу юлдузларга катта маош таклиф этиб, ўз томонига оғдира олди. Шунингдек, жамоа сардори Сесар Аспиликуэта ҳам кетишга чоғланган. Унинг битими кейинги ёзда тугаши керак эди. Аммо ҳимоячи бир йил кутмоқчи эмас. У "Интер"дан келган таклифни қабул қилган. ЕЧЛ финалчилар Сесар билан бирга "Челси" тарбияланувчиси Трево Чалобани ҳам олиб кетиши айтилган.
"Челси"нинг навбатдаги йўқотиши ярим ҳимояда рўй беради. "Манчестер Сити" Матео Ковачич харидини 30 миллион фунт эвазига аллақачон ҳал қилган. Хорватияликнинг кетиши, Кантеники билан қўшилиб, катта жой бўшатилишига олиб келади. Январь ойида яна бир "Челси" юлдузи Жоржиньо ҳам "Арсенал"га йўл олганди. Бу шундан дарак берадики, Почеттино майдон марказини Энцо Фернандес асосида қайта шакллантириши керак.
Ҳужумкор чизиқдаги йўқотишлардан энг каттаси Мейсон Маунт бўлиши мумкин. 24 ёшли футболчи "Манчестер Юнайтед"га ўтишни истайди. Аммо Англия терма жамоаси аъзоси учун билдирилган "МЮ"нинг 3 та таклифи рад этилган эди. Лондон клуби ўз тарбияланувчиси учун 58 миллион фунт ва бонуслар таклифини қабул қилишига ишора қилди.
Ҳужум чизиғидаги ўзгаришлар ҳам кескин бўлиши кутилмоқда. Хусусан, америкалик юлдуз Кристиан Пулишич "Милан"га ўтиши кутилмоқда. У ўтган мавсумда 8 тагина лига баҳсларида кўриниш берганди. Унга қўшимча равишда ҳужумчи Кай Хаверц ҳам кетади. У Лондоннинг бошқа бир жамоаси бўлмиш "Арсенал" сафига ўтадиган бўлди. Германия терма жамоаси аъзоси 65 миллион фунтга сотилмоқда. Унинг тақдимоти тез орада бўлиб ўтади.
Марказий ҳужумчи Ромелу Лукаку ҳам Лондонга қайтмайдиган кўринади. Унга Саудия Арабистонидан таклифлар бор. Аммо футболчининг ўзи "Интер"да қолмоқчи. У 2021 йилда 97 миллион фунт эвазига айнан миланликлардан харид қилинган эди. Бельгия терма жамоаси аъзосига "Милан" ҳам қизиқиш билдираётгани айтилади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
