Бутун бошли футбол тарихида Жозе Моуриньочалик трансферлар учун кўп пул сарфлаган мураббийни топа олмайсиз. У фаолияти давомида 2 миллиард еврони айнан футболчи сотиб олишга ишлатган. Қуйида унинг "Челси", "МЮ", "Реал", "Интер" ва "Порту" каби жамоаларидаги энг йирик харидларига эътибор қаратамиз.
"Порту" – Бенни Маккарти
Моуриньо икки йилни "Порту"да ўтказиб, иккита мамлакат чемпионлиги, ЕЧЛ ва Европа лигаси кубогини қўлга киритади. Ўша даврда унинг қилган йирик трансфери "Сельта"дан сотиб олинган Бенни Маккарти эди. 3.5 миллион еврога олинган футболчи ўзидан кутилган натижани бермайди. Шу сабаб у бир мавсумдан кейин "Блэкберн Роверс"га арзимаган нархга бериб юборилганди.
"Челси" – Андрей Шевченко
Абрамовичнинг сахийлиги остида Моуриньо Лондон клуби билан кўплаб харидлар қилган. Уларнинг ичида муваффақиятли деб Дидье Дрогба, Майкл Эссьен, Арьен Роббен ва Петр Чехларни келтира оламиз. Аммо Португалиялик мутахассиснинг жамоадаги энг катта трансфери омадсизликка юз тутади: Шевченко! У "Челси"га келганида, аллақачон "Олтин тўп" ва ЕЧЛни қўлга киритган эди. 30 миллион еврога олиб келинган ҳужумчи 53 та ўйинда 15 тагина гол уришга эришган холос.
"Интер" – Диего Милито
У 2009 йилда "Женоа" сафидан олиб келинади. Ўшанда аргентиналик ҳужумчи учун миланликлар нақ 28 миллион евро тўлаб берганди. Катта пул сарфланганига қарамасдан, Милито буни оқлайди. У ўзининг дебют мавсумида Моуриньо жамоасининг требл соврини учун катта ёрдам беради. Мавсум давомида 30 та гол урган ҳужумчи, Италия чемпиони, Италия кубоги ва ЕЧЛда зафар қучганди.
"Реал" – Лука Модрич
Флоринтино Перес Моуриньони 2010 йилда оммага таништириб, "бу йилнинг энг катта муваффақияти" деб атаганди. Ўша даврда "Реал" тарихидаги муҳим трансферларни амалга оширган. "Қироллик клуби" Моуриньо тавсияси билан Модрични "Тоттенхэм"дан сотиб олади. 35 миллион еврога олиб келинган ярим ҳимоячи, Моуриньо давридаги энг йирик харид эди. Биринчи мавсум совринларсиз якунланганидан кейин, Модрич жамоадаги энг ёмон футболчига айланганди. Аммо шундан бери кўп нарсалар ўзгарди. Шундай эмасми?
"МЮ" – Поль Погба
Моуриньо фаолияти давомида қилган энг катта, айни пайтда энг муваффақиятсиз трансфери "Манчестер Юнайтед"да юз беради. Погба "Ювентус"дан айнан Моурнинг даврида 100 миллион евродан ортиққа олиб келинганди. Ҳаммаси ёмон тугади. Тўғри, 2017 йилда Погба "МЮ" билан лига кубоги ва ЕЛ чемпионига айланган. Аммо шундан кейин унинг номи катта саҳналарда деярли кўриниш бермади. Охир-оқибатда 2022 йили Погба жамоани текинга тарк этишга мажбур бўлди.
"Тоттенхэм" – Жованни Ло Чельсо
Ло Чельсо ва Моуриньонинг "Тоттенхэм"да экани, ўта ғалати, пандемия даврига тўғри келди. Аммо ҳеч ким на футболчининг, на мураббийнинг ижобий таъсирини ҳис қилди. Ваҳолангки, Ло Чельсо 2019 йилда 55 миллион фунт эвазига харид қилинганди.
"Рома" – Темми Абрахам
"Челси" академиясидан чиққан ҳужумчи ҳеч қачон Лондонда Моуриньо билан бирга ишламаган. Аммо улар "Рома"да бирлашди. Римликлар Абрахамни 40 миллион еврога сотиб олади. Шундан бери 23 ёшли марказий ҳужумчи 107 та ўйинда "бўрилар" учун 36 та гол ва 12 та ассист қайд этди. Шундай бўлсада, бу натижалар Абрахам учун Англия терма жамоасига кириш учун етарли бўлмаяпти. Бир кун келиб, у АПЛга яна қайтади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
