"Аякс" етакчиси Душан Тадич раҳбарият билан конфликт сабаб жамоани тарк этиши кутиляпти. Журналист Марк Вервейнинг ёзишича, томонлар шартномани бекор қилган ва 34 ёшли серб Туркиянинг "Бешиктош" жамоасига ўтади. 5 йил олдин у "Саутгемптон"дан Эредивизияга келганди, у 241 та тўлиқ ўйин ўтказган бўлиб, бирор марта ҳам жароҳат туфайли шерикларидан ажраб қолмаган.
Хўш, Тадич нима учун кетмоқда? У трансфер сиёсатидан чарчаган, клуб етакчиларини осонлик билан қўйиб юборишларидан норози
De Telegraaf газетаси тафсилотлар билан ўртоқлашди: "Аякс" чемпионлик учун барча имкониятларни бой берганида, футболчилар раҳбариятдан муносабат кутишган. Амстердамликлар 2009 йилдан бери биринчи марта кучли 2 таликдан тушиб қолганларида ҳам бунга амал қилинмади. Аммо мавсум якунида раҳбарият мураббий Жонни Хайтинга билан шартномани узайтирилмасликни, унинг ўрнига Морис Штайн келишини маълум қилди.
Янги мураббий қўл остида раҳбарият "Тулуза"дан 27 ёшли Бранко ван ден Боменни, шунингдек, "Рома"дан ёш Бенжамин Таҳировични олиб келишди. Ҳаммаси яхшидек туюлди, лекин техник директор Свен Мислинтат Душаннинг – жамоа сардорининг маошини қисқартиришга қарор қилди. Унинг йилига оладиган 6,5 миллион евро маоши жуда катта бўлиб туюлди. Душан ғазабланди ва у кейинроқ Юрриен Тимбер "Арсенал" билан шартнома бўйича келишиб олганини билди, бир неча кундан сўнг Эдсон Алварес деярли клубни тарк этганидан хабар топди. Муҳаммад Кудуснинг ҳам кетиш эҳтимоли бор - Фабрицио Романонинг сўзларига кўра, уни "Брайтон" ўз сафига қўшиб олмоқчи. Шунингдек, клубни 30 ёшли Дэйви Классен билан хайрлашиш эҳтимоли йўқ эмас.
Серб эса бундай ҳаракатларни тушунмади – ҳалокатли мавсумдан сўнг “Аякс” шунчаки барча етакчиларни сотган ҳолда сардордан маошини қисқартиришни сўради. Бундан ғазабланган Тадич жамоанинг биринчи йиғинига ҳам келмади. Тадич олти ой олдин кетмоқчи бўлган, аммо "Рома"га ўтиш муваффақиятсиз тугади: "Corriere dello Sport"нинг хабар беришича, шартнома аллақачон серб билан келишиб олинганди, бироқ Николо Дзаньоло "Борнмут"га ўтишдан бош тортгани сабабли трансферлар рўйхати учун бўш жой очилмади. Вервейнинг қўшимча қилишича, "Аякс" раҳбарияти деярли бутун таркибни ўзгартириш вақти келди, деб ҳисобламоқда. Тадич клубдан кетиши керак бўлганлар рўйхатида биринчилардан эди, шунинг учун у маошни сезиларли даражада камайтиришга рози бўлса ҳам, шартнома узайтирилмади.
Тадич Тен Хагнинг сўнгги юлдузи эди
Эрик тен Хагнинг гўзал “Аякс”и Чемпионлар лигасининг 1/8 финалида “Сантьяго Бернабеу”да “Реал”ни мағлуб этгани (4:1) кўпчиликнинг эсида, кейинчалик Криштиану Роналдунинг “Юве”си йўлдан чиқариб юборилди, “Ливерпуль” билан финалга бир неча дақиқа қолганди. "Тоттенхэм"дан ўтказиб юборилган аламли гол финалдан амстердамликларни мосуво қилди.
Орадан тўрт йил ўтди - Душан "юлдузли эра"нинг охирги вакили бўлиб клубдан кетади, унинг собиқ жамоадошларининг тақдири қандай кечди?
• Андре Онана "Интер" билан Чемпионлар лигаси финалига чиқди, аммо у "МЮ" билан шартнома имзолаш арафасида. Инсайдер Жанлука Ди Марционинг ёзишича, камерунлик футболчини 50 миллион евро ва бонуслар эвазига олиб кетишмоқда.
• Маттейс де Лигт "Ювентус"да бир неча йил ишончли ўйнади ва энди "Бавария" ҳимоясини мустаҳкамламоқда, у ерда Нусайр Мазрауи ҳам бор. Қишда Дейли Блинд улар сафига келиб қўшилди, чемпионликни қўлга киритди, ёзда эса "Жирона"га кўчиб ўтди. Николас Тальяфико "Лион" билан ўртача мавсумни ўтказди, аммо 2022 йилги жаҳон чемпионатида яхши қатнашди.
• Френки де Йонг "Барселона"га жойлашди, Донни ван де Бек эса "Манчестер Юнайтед"да захира ўриндиғида қолиб кетди. Лассе Шёне аллақачон 37 ёшда, у 11 йил олдин ўзи ўйнаган "НEК" жамоасининг сардорига айланган.
• Ҳаким Зиеш ҳозирда "Челси"ни тарк этиш ҳақида ўйлаяпти. Давид Нерес "Бенфика"да ўйнайди.
Эрик тен Хаг ҳақида сиз аллақачон биласиз - голландиялик мураббий иккинчи мавсумини "Манчестер Юнайтед"да бошлашга яқин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
