Кеча, 17 август куни содир бўлган энг муҳим трансфер хабарлари билан танишинг.
“Интер” жаҳон чемпиони учун курашга қўшилди
Бир неча кун олдин Бенжамин Павар "Манчестер Юнайтед"га ўтадиганга ўхшарди. Жаҳон чемпиони “Бавария”ни тарк этиш истагини билдирди ва “Манчестер Юнайтед” қанот футболчисига даъвогарлар қаторида эди. Кейинчалик инглиз клуби французни Харри Магуайр сотилган тақдирдагина сотиб олиши ҳақида маълумот пайдо бўлди. Энди эса курашга “Интер” қўшилди. Милан клуби Павар учун 25 миллион евро таклиф қилди, аммо бу "Бавария"га ёқмади. Мюнхен клуби хўжайинлари янада каттароқ миқдорга умид қилишмоқда ва бу ҳали ҳам музокараларни сезиларли даражада мураккаблаштирмоқда.
Фолланд ўз ватанига қайтди
"Унион" тарихда илк бор Чемпионлар лигасига йўл олди ва бу мавсум учун таркибни кучайтирди. Немис клуби "Монако"га ҳужумчи Кевин Фолланд учун 4 миллион евро тўлаган, яна 1,5 миллион евро бонуслар сифатида. 31 ёшли футболчи билан 2026 йилнинг ёзига қадар шартнома имзоланган. Шундай қилиб, Фолланд ўз ватанига қайтди, чунки у "Монако"га ўтишдан олдин "Хоффенхайм" ва "Байер"да ўйнаган. Тажрибали футболчи Чемпионлар лигасида ўйнаш учун яна бир имкониятга эга бўлди, "Монако" эса еврокубоклардан четда қолиб кетди.
Малиновский яна А Серияда ўйнайди
Ярим ҳимоячи Руслан Малиновский Италия чемпионатига қайтди. Илгари у "Аталанта"да ўйнаган, у ерда ҳатто бир муддат Алексей Миранчук билан бирга ўйнаган. Ўтган мавсум ўрталарида украиналик футболчи "Марсель"га жўнаб кетганди. Француз клуби футболчини аввалига ижарага олган, кейин эса уни 10 миллион еврога сотиб олган. Энди эса “Марсель” ва “Женоа” ўртасидаги шартномада ҳам худди шундай сумма кўрсатилган. Италия жамоаси Малиновскийни мавсум охиригача сотиб олиш ҳуқуқи билан ижарага олади (Фабрицио Романодан олинган маълумот). Яқин орада футболчи тиббий кўрикдан ўтади ва шундан сўнг у шартнома имзолайди.
Гравенберхга Англиянинг топ-клублари қизиқиш билдирмоқда
"Ливерпуль" ва "Манчестер Юнайтед" "Бавария" футболчиси Райан Гравенберҳ учун курашга қўшилишга тайёр. Нидерландиялик футболчи ўтган мавсумда мюнхенликлар сафида 33 та ўйинда майдонга тушди, лекин асосан захирадан. Англиянинг топ-клублари аллақачон расмий таклифлар билан чиқишган, бироқ “Бавария” ҳали футболчини сотишга қизиқмаяпти. "Ливерпуль" фаол равишда ярим ҳимояга янги футболчи қидирмоқда, бироқ ҳозирча барча уринишлар муваффақиятсиз якунланди. Мойсес Кайседо аллақачон "Челси"га ўтган, Ромео Лавиа ҳам Лондон клубига ўтмоқчи. Гравенберхнинг трансфери борасида келишиб бўладими?
"Монако" А Сериядан янги ҳимоячи олди
Қанот ҳимоячиси Уильфрид Синго “Торино”ни “Монако”га алмаштирди. Француз клуби 22 ёшли футболчининг трансфери учун 10 миллион евро тўлаган. Синго 2019 йилдан бери “Торино”да тўп тепади ва жамоа таркибида юздан ортиқ ўйин ўтказган. "Монако" ўта омадсиз мавсумдан сўнг таркибни кучайтиришда давом этмоқда (жамоа еврокубоклардан четда қолиб кетди). Аввалроқ монегасклар билан дарвозабон Филипп Кох, ҳимоячи Муҳаммад Салису ва ярим ҳимоячи Денис Закария шартнома имзолаганди. "Монако"нинг трансфер кампанияси ҳали якунланмаган бўлиши ҳам мумкин.
Премьер-лиганинг янги жамоаси ЖЧ-2014 бронза медали совриндорини сотиб олди
Дарвозабон Тим Круль "Ньюкасл" ва "Норвич" сафида Премьер-лигада 200 дан ортиқ ўйин ўтказган. Энди 35 ёшли футболчи Англиянинг асосий дивизионида “Лутон Таун” билан лигада жон сақлаб қолиш учун кураш кутмоқда. Элитада ўз ўрнини сақлаб қолиш анча қийин бўлади, аммо жамоа қўлидан келганича таркибни кучайтирмоқда. Крулдан ташқари "Лутон" "Челси"нинг собиқ футболчиси Росс Барклининг трансферини якунлади (бу бир неча кун олдин содир бўлганди).
"Лацио" "Ювентус" футболчисини қайта ижарага олди
"Ювентус" ярим ҳимоячиси Лука Пеллегрини яна "Лацио"да ўйнайди. 2023 йил бошида Рим клуби футболчини мавсум охиригача ижарага олган эди. Энди томонлар янги - икки мавсумга мўлжалланган ижара бўйича келишиб олишди. Шартномада сотиб олиш варианти кўрсатилган, яъни 4 миллион евро. Лука ўтган мавсумнинг биринчи ярмини "Айнтрахт"да ўтказган, иккинчисида эса А Серияда "Лацио"да 7 марта ўйнаган.
Буну фаолиятини Саудия Арабистонида давом эттиради
Яна бир футболчи Саудия Арабистонига жўнаб кетди. Дарвозабон Яссин Буну 16 август куни “Севилья” сафидаги сўнгги ўйинини ўтказди, эртаси куни эса “Ал-Ҳилол” билан шартнома имзолади. Дарвозабоннинг трансфери “Ал-Ҳилол”га 21 миллион еврога тушди ва марокашлик футболчининг ўзи 2026 йилнинг ёзига қадар шартнома имзолади. Аввалроқ “Бавария” дарвозабонга даъвогарлик қилганди, бироқ у Саудия клуби билан рақобатлаша олмади, осиёликлар футболчига юқори маош таклиф қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
