Kecha, 17 avgust kuni sodir bo‘lgan eng muhim transfer xabarlari bilan tanishing.
“Inter” jahon chempioni uchun kurashga qo‘shildi
Bir necha kun oldin Benjamin Pavar "Manchester Yunayted"ga o‘tadiganga o‘xshardi. Jahon chempioni “Bavariya”ni tark etish istagini bildirdi va “Manchester Yunayted” qanot futbolchisiga da’vogarlar qatorida edi. Keyinchalik ingliz klubi fransuzni Xarri Maguayr sotilgan taqdirdagina sotib olishi haqida ma’lumot paydo bo‘ldi. Endi esa kurashga “Inter” qo‘shildi. Milan klubi Pavar uchun 25 million yevro taklif qildi, ammo bu "Bavariya"ga yoqmadi. Myunxen klubi xo‘jayinlari yanada kattaroq miqdorga umid qilishmoqda va bu hali ham muzokaralarni sezilarli darajada murakkablashtirmoqda.
Folland o‘z vataniga qaytdi
"Union" tarixda ilk bor Chempionlar ligasiga yo‘l oldi va bu mavsum uchun tarkibni kuchaytirdi. Nemis klubi "Monako"ga hujumchi Kevin Folland uchun 4 million yevro to‘lagan, yana 1,5 million yevro bonuslar sifatida. 31 yoshli futbolchi bilan 2026 yilning yoziga qadar shartnoma imzolangan. Shunday qilib, Folland o‘z vataniga qaytdi, chunki u "Monako"ga o‘tishdan oldin "Xoffenxaym" va "Bayer"da o‘ynagan. Tajribali futbolchi Chempionlar ligasida o‘ynash uchun yana bir imkoniyatga ega bo‘ldi, "Monako" esa yevrokuboklardan chetda qolib ketdi.
Malinovskiy yana A Seriyada o‘ynaydi
Yarim himoyachi Ruslan Malinovskiy Italiya chempionatiga qaytdi. Ilgari u "Atalanta"da o‘ynagan, u yerda hatto bir muddat Aleksey Miranchuk bilan birga o‘ynagan. O‘tgan mavsum o‘rtalarida ukrainalik futbolchi "Marsel"ga jo‘nab ketgandi. Fransuz klubi futbolchini avvaliga ijaraga olgan, keyin esa uni 10 million yevroga sotib olgan. Endi esa “Marsel” va “Jenoa” o‘rtasidagi shartnomada ham xuddi shunday summa ko‘rsatilgan. Italiya jamoasi Malinovskiyni mavsum oxirigacha sotib olish huquqi bilan ijaraga oladi (Fabrisio Romanodan olingan ma’lumot). Yaqin orada futbolchi tibbiy ko‘rikdan o‘tadi va shundan so‘ng u shartnoma imzolaydi.
Gravenberxga Angliyaning top-klublari qiziqish bildirmoqda
"Liverpul" va "Manchester Yunayted" "Bavariya" futbolchisi Rayan Gravenberh uchun kurashga qo‘shilishga tayyor. Niderlandiyalik futbolchi o‘tgan mavsumda myunxenliklar safida 33 ta o‘yinda maydonga tushdi, lekin asosan zaxiradan. Angliyaning top-klublari allaqachon rasmiy takliflar bilan chiqishgan, biroq “Bavariya” hali futbolchini sotishga qiziqmayapti. "Liverpul" faol ravishda yarim himoyaga yangi futbolchi qidirmoqda, biroq hozircha barcha urinishlar muvaffaqiyatsiz yakunlandi. Moyses Kaysedo allaqachon "Chelsi"ga o‘tgan, Romeo Lavia ham London klubiga o‘tmoqchi. Gravenberxning transferi borasida kelishib bo‘ladimi?
"Monako" A Seriyadan yangi himoyachi oldi
Qanot himoyachisi Uilfrid Singo “Torino”ni “Monako”ga almashtirdi. Fransuz klubi 22 yoshli futbolchining transferi uchun 10 million yevro to‘lagan. Singo 2019 yildan beri “Torino”da to‘p tepadi va jamoa tarkibida yuzdan ortiq o‘yin o‘tkazgan. "Monako" o‘ta omadsiz mavsumdan so‘ng tarkibni kuchaytirishda davom etmoqda (jamoa yevrokuboklardan chetda qolib ketdi). Avvalroq monegasklar bilan darvozabon Filipp Kox, himoyachi Muhammad Salisu va yarim himoyachi Denis Zakariya shartnoma imzolagandi. "Monako"ning transfer kampaniyasi hali yakunlanmagan bo‘lishi ham mumkin.
Premyer-liganing yangi jamoasi JCH-2014 bronza medali sovrindorini sotib oldi
Darvozabon Tim Krul "Nyukasl" va "Norvich" safida Premyer-ligada 200 dan ortiq o‘yin o‘tkazgan. Endi 35 yoshli futbolchi Angliyaning asosiy divizionida “Luton Taun” bilan ligada jon saqlab qolish uchun kurash kutmoqda. Elitada o‘z o‘rnini saqlab qolish ancha qiyin bo‘ladi, ammo jamoa qo‘lidan kelganicha tarkibni kuchaytirmoqda. Kruldan tashqari "Luton" "Chelsi"ning sobiq futbolchisi Ross Barklining transferini yakunladi (bu bir necha kun oldin sodir bo‘lgandi).
"Lasio" "Yuventus" futbolchisini qayta ijaraga oldi
"Yuventus" yarim himoyachisi Luka Pellegrini yana "Lasio"da o‘ynaydi. 2023 yil boshida Rim klubi futbolchini mavsum oxirigacha ijaraga olgan edi. Endi tomonlar yangi - ikki mavsumga mo‘ljallangan ijara bo‘yicha kelishib olishdi. Shartnomada sotib olish varianti ko‘rsatilgan, ya’ni 4 million yevro. Luka o‘tgan mavsumning birinchi yarmini "Ayntraxt"da o‘tkazgan, ikkinchisida esa A Seriyada "Lasio"da 7 marta o‘ynagan.
Bunu faoliyatini Saudiya Arabistonida davom ettiradi
Yana bir futbolchi Saudiya Arabistoniga jo‘nab ketdi. Darvozabon Yassin Bunu 16 avgust kuni “Sevilya” safidagi so‘nggi o‘yinini o‘tkazdi, ertasi kuni esa “Al-Hilol” bilan shartnoma imzoladi. Darvozabonning transferi “Al-Hilol”ga 21 million yevroga tushdi va marokashlik futbolchining o‘zi 2026 yilning yoziga qadar shartnoma imzoladi. Avvalroq “Bavariya” darvozabonga da’vogarlik qilgandi, biroq u Saudiya klubi bilan raqobatlasha olmadi, osiyoliklar futbolchiga yuqori maosh taklif qildi.
Bunyodkor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
