19 август куни футбол оламида чиққан энг муҳим трансфер янгиликлари билан танишинг.
Россиялик хавбек "Реал Сосьедад" аъзосига айланди
Москванинг "Динамо" клуби ярим ҳимоячиси Арсен Захарян фаолиятини "Реал Сосьедад"да давом эттирадиган бўлди. 18 август куни россиялик футболчи Сан-Себастьянга учиб кетди ва эртаси куни у тиббий кўрикдан ўтди. Шундан сўнг Арсен янги клубининг уй учрашувига ташриф буюрди ва ўйиндан сўнг келишувнинг расмий тасдиғи пайдо бўлди. "Динамо" 20 ёшли футболчининг трансфери учун 13 миллион евро олди.
Малиновский Италияга қайтиб келди
Ярим ҳимоячи Руслан Малиновский ўтган мавсумни “Аталанта” сафида бошлаган ва қишда “Марсель”га жўнаб кетганди. Француз клуби украиналик футболчини кейинчалик сотиб олиш ҳуқуқи билан ижарага олди. Мавсум охирида “Марсель” ушбу имкониятдан унумли фойдаланиб, 10 миллион евро эвазига футболчи сотиб олди. Айтганча, Руслан провансликлар сафида 23та ўйинда майдонга тушиб, иккита гол урди ва битта голли узатмани амалга оширди. Энди Малиновскийни Италиядаги фаолиятининг янги босқичи кутмоқда. Ўтган мавсум охирида А Серияга қайтган "Женоа" 30 ёшли футболчини сотиб олиш имконияти билан ижарага олди. Руслан жаҳон чемпиони қўл остида ўйнайди - Альберто Жилардино бу унвонни 2006 йилда қўлга киритган.
“Ал-Аҳли” яна бир янги футболчини сотиб олди
Ҳимоячи Мерих Демирал "Ювентус" ва "Аталанта"даги фаолияти билан мухлисларга яхши таниш эди ва энди у "Ал-Аҳли" сафида пайдо бўлади. Саудия клуби трансфер ойнасида 11-янги футболчини сотиб олди ва ҳимоячи хариди учун 18 миллион евро ажратди. Трансфердан "Аталанта" айнан юқорида кўрсатилган маблағни ишлаб олди. Демирал янги жамоасида Роберто Фирмино, Рияд Махрез, Франк Кессиэ, Эдуар Менди ва Аллан Сен-Максимин каби футболчилар билан бирга тўп тепади.
"Зенит" Нерес учун "Бенфика"га 30+5 миллион евро таклиф қилди
Малком "Зенит"ни тарк этганига икки ярим ҳафта бўлди. Петербургликлар ўйинчини РПЛ'да рекорд миқдор 60 миллион еврога сотди, аммо улар ҳалигача унга ўринбосар топа олишмади. Португалиянинг Record нашри хабарига кўра, "Зенит" Давид Нерес учун "Бенфика"га 30 миллион евро таклиф қилган. Яна 5 миллион евро турли бонуслар сифатида тўланиши мумкин эди. Тўғри, Португалия чемпиони рад жавобини берди, аммо "Зенит" таслим бўлишни режалаштирмаяпти. Манбанинг хабарига кўра, Россия клуби янги таклиф тайёрламоқда. Ўтган мавсумда бразилиялик футболчи барча турнирларда 48 та ўйин ўтказиб, 12 та гол урган ва 16 та голли узатмани амалга оширган.
"Порту" ярим ҳимоячисини "Ан-Наср"га 60 миллион еврога сотади
"Порту" ярим ҳимоячиси Отавио Саудия Арабистонига кўчиб ўтади. У ерда у Криштиану Роналду билан бир клубда ўйнайди ва "Порту" шартнома бўйича бонуслар билан бирга 60 миллион евро ишлаб олади. Шу билан бирга, "Ан-Наср" бу суммани бир траншда эмас, бир нечта (Фабрицио Романо маълумоти)да тўлайди. Томонлар ҳужжатларнинг барча нозик томонларини текширмоқда, шундан сўнг футболчи Осиёга йўл олади ва тиббий кўрикдан ўтади. Олдинроқ 28 ёшли футболчининг маоши 15 миллион евро бўлиши хабар қилинганди. Ўтган мавсумда Отавио 44та ўйинда майдонга тушиб, 7та гол урди ва 13та голли узатмани амалга оширди.
Азмунга "Милан" қизиқиш билдирмоқда
Аввалроқ, эронлик ҳужумчининг трансферига "Зенит" клуби қизиқаётгани ҳақида хабар берилганди. Тўғри, кейинчалик футболчининг агенти Россия чемпиони билан музокара ўтказмаганини айтди. Энди эса “Милан” Азмунга қизиқаётгани малум бўлди ва у Италияга кўчиб ўтишга қарши эмас. Бироқ музокаралар дастлабки босқичда, ҳозирча келишув йўқ. Ўтган мавсумда 28 ёшли Азмун "Байер" таркибида 33та ўйин ўтказиб, гол+пас тизимида 8 (4+4) очко жамғарган.
"Ал-Ҳилол" Митрович учун 50 миллион евродан кўпроқ пул тўлаган
Саудия Арабистони билан боғлиқ яна бир янгилик. Бу ёзда “Ал-Ҳилол” таркибни кучайтириш учун катта маблағ сарфлади. Жамоага Малком, Неймар, Сергей Милинкович-Савич, Рубен Невеш, Калиду Кулибали ва Яссин Буну кўчиб ўтди. Энди эса бу жамоага яна бир форвард қўшилади - сербиялик ҳужумчи Александр Митрович. Романонинг ёзишича, бу келишув Саудия клубига 50 миллион евродан кўпроқ тушди. Ўтган мавсумда Митрович 24та ўйинда 14та гол урди. 28 ёшли футболчининг Саудиядаги шароити жуда яхши Саудия Арабистонида унга йилига 25 миллион евро маош тўланади. Айтганча, “Фулхэм” бу трансферни тасдиқлади, бироқ улар таклифни истамай қабул қилганликларини таъкидлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
