Чемпионлар лигаси гуруҳ босқичининг биринчи ўйин кунининг асосий воқеаси "Лацио" дарвозабони Иван Проведелнинг ажойиб голи бўлди. "Атлетико"га қарши ўз уйида 0:1 ҳисобида мағлуб бўлаётган “Лацио” қўшиб берилган вақтда дарвозабоннинг голи эвазига мағлубиятган қутилиб қолди.
Шуниси қизиқки, Проведел учун бундай тажриба янгилик эмас. 2020 йил феврал ойида Б серияда “Юве Стабиа” сафида ўйнаб, “Асколи”га қарши ўйинда ҳам худди шундай маҳорат билан гол урган. Демак, бугун дарвозабонларнинг энг ёрқин ёки эсда қоларли голларини эслаб қолиш учун яхши сабаб бор.
Мартин Хансен
Ғайриоддий дарвозабон голлари ҳақида гапирадиган бўлсак. "Ливерпул"нинг собиқ дарвозабони Хансеннинг фаолиятида битта шундай гол бор. 2015 йилда у Нидерландияда "Ден Хаг" сафида ўйнаган пайларида ПСВ дарвозасига гол уришни уддалаган эди.
Хосе Луис Чилаверт
Машҳур парагвайлик дарвозабон нафақат ўзининг харизмаси ва шов-шувли хатти-ҳаракатлари билан, балки голлари билан ҳам танилган эди. У пеналтидан моҳирона фойдаланган. Фаолияти давомида Чилаверт Парагвай, Аргентина, Франция ва Испания чемпионатларида ўйнаган ҳолда 67 та гол урган. Унинг Парагвай терма жамоаси сафида 8 та голи бор, бу терма жамоалар орасида дарвозабонлар орасида энг яхши кўрсаткич ҳисобланади. Аммо унинг энг ёрқин ютуқлари орасида 1999 йилда биринчи дарвозабон хет-трикини қайд этамиз. “Велез Сарсфилд” таркибида Чилаверт “Ферро Каррил”га қарши учта гол урди. Ҳаммаси пеналтидан.
Рожерио Сени
Дарвозабонларнинг голлари ҳақида гапирганда, Сенини рейтингга киритмай бўлмайди. Бразилиялик энг буюк дарвозабонлардан бири, у 2015 йилда якунлаган фаолиятининг катта қисмини Сан-Паулуда ўтказди. Сени машҳур бўлган асосий нарса унинг дарвозабонлар орасида энг яхши тўпурар мақомидир. Ва яқин келажакда ҳеч ким уни четлаб ўтиши даргумон. Рожерио 132 та гол урган. Қолаверса, ҳаммаси ҳам пеналтидан киритилмаган. У жарима зарбаларини тепиш билан ҳам машҳур эди - Сени айнан шу тарзда 61 та гол урди.
Март Пум
Эстониялик дарвозабон "Дерби"да ўйнаб, Англияда ном қозонди, у ерда 1999/2000 йилги мавсумда у ҳатто клубнинг энг яхши футболчиси сифатида ҳам тан олинган. Аммо унинг фаолиятидаги энг ёрқин эпизодлардан бири 2003 йилда, Пум аллақачон "Сандерленд" рангларини ҳимоя қилган пайтда содир бўлди.
Рене Игита
Сени ва Чилавертдан ташқари бундай рейтингларда Игита пайдо бўлиши керак. Колумбиялик дарвозабон ўзининг кўплаб ғалати ҳаракатлари билан машҳур. Кўпчилик уни Англияга қарши ўйиндаги афсонавий чаён зарбаси билан эслайди. Аммо Игита ҳам жуда кўп гол урган. Энг ёрқин голлардан бири 1995 йилда “Атлетико Насионал”нинг “Ривер Плейт”га урган тўпи бўлган. У дарвоза тўсини остидан тўғридан-тўғри жарима зарбасини амалга оширди. Шу билан бирга, зарбани бажариш услуби бироз ғалати кўринди. Фаолиятидаги 43 та гол билан у нафақат Чилаверт ва Сени, балки 48 та гол урган мексикалик Хорхе Кампос ва 45 та гол урган перулик Хонни-Вегас Фернандесни ҳам ортда қолдириб, дунёнинг энг кўп гол урган дарвозбонлари рейтингида бешинчи ўринни эгаллаб турибди.
Алиссон
"Вест Бромвич" билан ўйиннинг 94-дақиқасида 1:1 ҳисобида "қизиллар" дарвозабони бурчак тўпи учун рақиб жарима майдонига борди. “Вест Бромвич” ҳимояси Алиссонга етарлича баҳо бермади ва у Трент Александр-Арнолднинг узатмасини тўрга йўналтириб, “Ливерпул”га муҳим уч очко келтирди. Дарвозабон голлари учун атипик натижа. Одатда бурчак тўпларини пайтида мағлуб бўлаётган жамоа дарвозабони гол урсан бўлса, Алиссон дурангни ғалабага айлантирган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
