Олег Зотеевнинг қизил карточкаси бекор қилинмади, Рўзиқул Бердиев жаримага тортилди
Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда бир қатор учрашувлардаги интизомий ишлар кўриб чиқилди.
Суперлига
ОКМК — «Сўғдиёна»
Суперлиганинг 21-тури доирасидаги ОКМК — «Сўғдиёна» учрашуви бўйича ОКМК футбол клубидан мурожаат келиб тушган. Унга кўра, мазкур учрашувнинг 67-дақиқасида ОКМК футболчиси Сардор Раҳмоновга учрашув бош ҳаками томонидан берилган иккинчи сариқ, унинг ортидан берилган қизил карточка бўйича вазият Ўзбекистон футбол ҳакамлари марказининг ташаббуси ҳамда ОКМК футбол клуби мурожаатига асосан Эсперт ҳакамлар комиссияси томонидан кўриб чиқилиб, бош ҳакам томонидан ушбу вазиятда хато қарор чиқарилган деб топилган.
Сардор Раҳмоновга кўрсатилган иккинчи сариқ ва қизил карточка Интизом кодексининг 5.61-бандига асосан бекор қилинди.
«Насаф» — «Нефтчи»
Суперлиганинг 21-тури доирасидаги «Насаф» — «Нефтчи» учрашуви якунлангандан сўнг «Насаф» бош мураббийи Рўзиқул Бердиев рақиб жамоа аъзоларига нисбатан ҳақоратли сўзлар ишлатгани ва уларга нисбатан тажовузкор ҳаракатлар қилгани қайд этилган.
Тартиб-интизом қўмитасининг қарорига кўра, Рўзиқул Бердиевга ("Насаф") нисбатан жарима интизом чораси қўлланилди.
Пролига
«Машъал» — «Локомотив»
Про лиганинг 20-тури доирасидаги «Машъал» — «Локомотив» учрашувининг биринчи бўлим якунлангандан сўнг «Локомотив» футболчиси Олег Зотеев учрашув захира ҳаками шаънига ҳақоратли сўзлар ишлатгани учун майдондан четлаштирилган. Мазкур ҳолат бўйича «Локомотив» футбол клуби учрашув ҳаками томонидан футболчи О.Зотеевга берилган қизил карточка бўйича ойдинлик киритишда амалий ёрдам сўралган.
Қўмита йиғилишида учрашув захира ҳаками Ф.Норсафаров ва футболчи О.Зотеевнинг кўрсатмалари тингланди, шунингдек, таклиф этилган мутахассисларнинг хулосаларига мувофиқ берилган қизил карточкани бекор қилиш учун етарлича асослар топилмади.
Шунингдек, учрашувининг 59-дақиқасида «Локомотив» клуби мураббийи А.Микляев бош ҳакам шаънига ҳақоратли сўзлар ишлатган.
Тартиб-интизом қўмитасининг қарорига кўра, Андрей Микляевга ("Локомотив") нисбатан 2 та ўйинга четлаштириш ва жарима интизом чораси қўлланилди.
Манба: ufa.uz
Киритилди: 18:48, 12.10.2023. Ўқилди: 3470 марта. Фикрлар: 11 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
