Миллий терма жамоамизнинг ёш ва умидли футболчиси Аббосбек Файзуллаевдан мухлис-у мутахассисларнинг кутилмалари катта. У ўзига бўлган ишончни борган сари ошириб келмоқда. Айниқса, Россия чемпионати, ЦСКА сафига бориб қўшилгач ўз ўйинларида ўсишга эришди.
Қуйида термамиз умиди ҳақида қисқача сўз юритамиз.
Икки ой ичида Аббос бир ярим миллион еврога қимматлашди! Энди вингернинг нархи 500 минг евро эмас, балки икки миллионни ташкил этади. Файзуллаев Россия чемпионатига дадил кириб келди. «Армия» жамоаси Тошкентнинг «Пахтакор» клуби қанот ҳимоячисини ўз сафига қўшиб олиб адашмади. Ёшлигидан йигитчанинг узоққа бориши аниқ эди. Ўзининг туғилиб ўсган клуби академиясида ўйнаб, Ўзбекистон ёшлар терма жамоаси сафига чақирилгач унга катта умидлар боғланди. Икки йил ичида Аббосбек «Пахтакор»нинг асосий жамоасида ўзини намоён қилди. 2022 йилда Ўзбекистон футбол федерацияси томонидан «ёш юлдуз» сифатида эътироф этилган.
«Пахтакор» иқтидорли футболчиси билан хайрлашишни истамади. Унинг гапига қулоқ тутиб, Москвага қўйиб юбориш тошкентликлар учун қийин бўлди. «Пахтакор» бош директори Дмитрий Адисман Файзуллаевнинг янги клубида кўпроқ майдонга тушишига ишончи комил эмасди. Менежер Аббоснинг Россияда адашиб қолиши мумкинлигини башорат қилган. Орадан бир неча ой ўтгач, Аббосбек, эҳтимол, бутун РПЛдаги энг яхши футболчилардан биридир.
Ҳақиқатан ҳам унинг ўйини очилиб кетишига бироз шубҳалар бор эди. Мавсум бошида ЦСКА Чалов-Заболотний-Обляков ҳужумкор триосини ўрнатди. Мухин ҳужумкор учликка муваффақиятли кириб келди ва гол ҳам ура бошлади. Афтидан, ўзбекни фақат ротацияда кўришган. Бироқ ёш қанот футболчимиз келажакни ортиқ кутиб ўтирмади, у дарҳол ўз ўрнини эгаллашга қарор қилди. Файзуллаевга дастлаб ўзини кўрсатиш қийин бўлди. У «Динамо» ва «Оренбург» билан ўйинларда мос равишда уч ва ўн дақиқани майдонда ўтказди холос. Аммо у «Крыля Советов» га қарши баҳсда ўзини яхши томонлама кўрсатди. Рақиб ҳимоячилари ЦСКАнинг янги футболчиси ҳақида ҳеч нарса қила олмадилар. Ушбу учрашувдан сўнг Файзуллаев базанинг ажралмас футболчисига айланди.
Заболотнийнинг ўйинидан ҳамма мухлислар ҳам мамнун эмасди. Антон жангчи. Аммо унинг функционаллиги жуда чекланган. Файзуллаев Заболотний каби иккинчи қаватда қандай жанг қилишни билмайди, лекин у барча жабҳаларда «армиячилар»нинг ҳужумларини тезлаштиради.
Аббос янги клубида доимий вингерлик қилмайди. ЦСКАда у тўлиқ эркинликка эга. Файзуллаев тўпни марказда, ҳатто қарама-қарши қанотда қабул қилиб юраверади. Шу билан бирга, унинг майдон бўйлаб доимий силжишлари шерикларига тўсқинлик қилмайди. Ўзбек ажойиб тезликка эга, шу туфайли ҳимоячилардан осонгина қочиб кетади. Заболотний бўйидаги фарқ ва жисмоний катталиги туфайли бу фазилатларнинг барчасига эга эмас. Бундай вазият Антон учун ачинарли, чунки у Файзуллаев-Чалов-Обляковдан иборат ҳужум триосига тўғри келмайди.
РПЛда ҳеч ким Файзуллаевдек тўп билан чиройли муомала қилмайди. У кўп ҳам ўзини кўрсатмайди, жамоа учун ўйнайди. Агар прессингга ёлғиз ўзи бардош бера олмаслигини тушунса, доим шерик топиб, тўпни узатади.
Аббос тезда шериклари билан умумий тил топди. Унинг иштирокида «Ростов» дарвозасига урилган гол – космос! Ўзбекистонлик Давиланинг тўпини кенг ўлчов билан Келвенга узатди. Бразилиялик футболчининг узатмасидан кейин Чалов гол урди. Ажойиб.
Учинчи тўп ҳам юқори маҳорат билан киритилди! Файзуллаев рақиблари кутмаган жойда очилади. Бу тушунарли. Аббос, юқорида айтиб ўтилганидек, қанотга бириктирилмаган, балки майдон бўйлаб эркин ҳаракат қилади. Шунинг учун ҳимоячилар кўпинча уни кўздан қочирадилар. Ишонасизми, бўйи 170 сантиметр бўлса ҳам ўзбек боши билан яхши ўйнай олади. «Балтика»га қарши ўйинда Келвеннинг кучли узатмасидан сўнг тўпни боши билан дарвозага йўллади, фақат Латишонок мўъжизавий реакция ёрдамида жамоасини муҳим голдан сақлаб қолди.
Аббос қандай қилиб Карраскал ва Мединани ЦСКА мухлислари хотирасидан четга чиқариб юборди? Биринчидан, унинг меҳнатсеварлиги ва ҳимоявий ўйини барчани ҳайратга солади. Ёш бўлишига қарамай, якка курашларда у дадил ва қўпол тарзда ўйнай олади. «Ростов»га қарши баҳсда Аббос тўлиқ даражада орқада ҳаракат қилди. Бир эпизодда у Байрамянни гавдаси билан шундай қаттиқ туртиб юбордики, у майдондан четга чиқиб кетди ва тўп ўзбекнинг ихтиёрида қолди. Файзуллаев Карраскалдан кўра кўпроқ гол уриш имкониятларини яратади (ҳар бир ўйинда ўртача 0,62 – 0,5). Колумбиялик фақат ҳужумда ўйнайди ва ҳимояни эсламайди.
У шунингдек, «армиячилар»нинг янги ҳужумчиси Мединага қараганда кўпроқ ҳужум қилади (ҳар бир ўйинда ўртача 1,4, – 1,28). Қаерга қараманг, ижобий томонлари бор! ЦСКА Файзуллаевнинг кейинги сотилишидан катта пул ишлаб олади. Бир неча мавсумдан сўнг у Италияга бемалол кўчиб ўтиши мумкин. «Наполи» унинг учун фаолиятини давом эттириш учун жуда мос келади. Ҳа, Кварацхелия чап қанотда ҳаракат қилади, аммо Аббос нафақат чапда, балки ўнгда ҳам эркин ўйнай олади.
Файзуллаев ўз ижросидан завқ олади ва уни чиройли бажаради. ЦСКА бош мураббийи Владимир Федотов буни тасдиқлайди: «Аббосбек яхши функционал ва техник имкониятларга эга. Энг муҳим нарсалардан бири бу футболни тушуниш, у уни яхши кўради ва ўзини бутунлай бу жараёнга бағишлайди».
Ишонамизки, Аббос бу билан тўхтаб қолмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
