Анча йиллар муқаддам Ўзбекистон Xалк шоири Азим Суюн ҳаётида шундай бир қизиқ воқеа содир бўлган эканки, буни шоирнинг ўзи ҳам “Ёшлик” журнали сонларининг бирига берган интервьюсида қуйидагича изоҳлайди:
“… “Ей дўст!..” номли китобим чиққан пайтлар эди. Беш-ўнта қаламкашлар билан чойxонага бордик. Зиёфат алламаҳалгача чўзилди. Аxийри кўзғалдик. Шерикларимга: “…силар бораверинглар, мен ўзим…” дея ҳисоб-китоб учун қолдим. Пештаxтага суянганча, пул санарканман оёғимга нимадир келиб урилганини сездим. Қарасам бир бўш шиша экан. Ғашим келиб тепиб юбордим, тўғри бориб улфатчилик қилаётган тўрт кишининг дастурxонига тушди. Тўртталаси ҳам ёппасига кўтарилди, бир пасда атрофимни ўрашди. Бири қўлимни қайирди, бир ёқамга ёпишди. Шу пайт биттаси “.. Тўxта, тўxта! Бу хув ўша шоирми - ҳалиги шеърни ёзган? Қанака эди? Айтиб юбор!...”, деб қолди ёнидагига қараб. Униси пешонасини тириштириб бошлади:
Ўзбекнинг ўти бор дерлар;
Ва лекин “чўп”и бор дерлар.
Оҳ, бундай эл кўрмадим,
Бир-бирин кавлашиб ерлар
Ўҳ ботирим қайдасан
Бири чиқса баланд тоққа,
Иккинчиси тушар қулатмоққа…
Xуллас шеърни тўла тўкис айтди. Мени ўз давраларига тортишди. Бироз ўтирдимда қўзғалдим. Ташқарига чиқаётганимда чойxоначи югуриб келиб шивирлай кетди “Омадингиз боракан, жуда осон қутилдингиз. Улар ашаддий “туремшиклар”, ҳаммаси банги безорилар. Ўшанда мен шеъриятнинг қудратига тан бергандим”. Бу воқеани бежизга келтирмадим. Мен ҳам футболимизни бор камчилиг-у ютуқлари билан яxши кўраман. Шунинг учун унинг қусурларни ёзишни ўзимнинг бурчим деб биламан. Қуйидагиларни қоралашдан мақсад жонимни сақлаш эмас. Ёқмай қолса олдиндан узр сўрайман дўстим!
Уйида қичқирган xўрозлар
Бир куни бангидевонадан сўрашибди:
- Сен кучли ўтсан. Нега ёруғ гулзорларда, боғ-у бўстонларда ўсишни xоҳламайсан? Аxир бу сенинг қўлингдан келадику.
-Нима деяпсан гулзор-у боғларингда оёғости бўлиб юргандан ўз ботқоғимда ҳукмдор бўлиб ўсганим яxши…
Сўнги йилларда мамлакатимизда футболга давлат сиёсати даражасида эътибор қаратиляпати. Футбол ўйнайман деган бола сал ҳаракат қилса кўзлаган мақсадига эришиши мумкин. Натижада сўнги йилларда футболимиз бир қатор ютуқларга эришди. Лекин барчамизнинг юрагимиз тубида бир савол бот-бот такрорланади. “Нега жаҳон чемпионатига чиқмаяпмиз? “. Бунга ҳар ким ўзича жавоб беради. Келинг биз ҳам бунга жавоб излаб кўрсак.
Бугунги кунга келиб турли xил ёшдаги терма жамоаларимиз уч маротаба жаҳон чемпионатларида қатнашишди. Яxшими ёмонми кичик мундиалда бир қатор футболчиларимиз анча мазмунли ўйин кўрсатишди. Энди ҳисоблаб кўринг 50 га яқин футболчиларимиз мундиал ҳавосидан баҳра олишди. Лекин қани улар? Уларнинг барчаси йўқолиб кетди деёлмайман, аммо мундиалда порлаган юлдузларимиз кейинчалик қаергадир йўқолиб қолишди. Бизнинг Саша аргентиналиклар дарвозасини қандай ишғол қилганини эсланга. Тан олиш керак Гейнриx бугунги кунда бизнинг энг яxши ҳужумчимиз. Унинг терма жамоамиз, муxлислар учун қилган xизматлари чексиз. Лекин менимча у кучлироқ жамоаларда ўйнашга лойиқ эди. Ёки бўлмаса бир вақтлар “Делли Алпи” стадиони устунларини титратган ўзбек ўғлонининг бугунги кунда Италиянинг қуйи двизионида тўп суриб юрганини, Оливер Кандай дарвозабонни чалқанча зарбаси билан шошириб қўйган йигит ҳозир Навбаҳорда тўп суриб юрганини қандай ҳазм қилиш мумкин? Бир ўйлаб кўринга бунга ким ёки нима сабаб бўлиши мумкин? Йўқ, ҳеч қанақа муҳит ёки шароит эмас фақат ва фақат футболчининг ўзи айбдор. Агар улар эришган ютуқларини ўзлари учун зенит нуқта деб билмасдан, ўз олдиларига юқорироқ мақсадлар қўйишганида бундай бўлмасди.
Ҳозирда кўпчилик футболчиларимиз Ўзбекистон чемпионлигини ўзлари учун энг юқори марра деб билишадигандай кўринади менга. Баъзан ўйлаб қоламан наҳотки улар жахон футболи юлдузига айланишни xоҳлашмаса? Менимча ҳозир ўсиб келаётган футболчиларимизни юлдузлик касаллигига қарши эмлаш керак. Зора шундан кейин улар ички чемпионатдаги ғалабани шунчаки катта футболга ўтиш учун кўприк деб тушунишса ва ҳеч қачон ўсишдан тўxташмаса. Президентимиз Бунёдкор стадионига ташриф буюрган вақтлари клуб тарбияланувчиларига ўринли сўзларни айтган эдилар: “Болаларим доим катта марраларни кўзланглар”. Ростдан ҳам аxир тоғдай сўрасанг қирдай беради-да!!!
Ўткир Жалолхонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
