Учрашувнинг энг яхши футболчисига бериладиган мукофотлар сони унинг майдондаги футболчи сифатидаги хизматларини баҳолаш учун кўрсаткич бўлиб хизмат қилади. Ушбу мукофотлар ўйин натижаларига катта таъсир кўрсатадиган ҳал қилувчи ҳиссадир.
Келинг, Премьер-лиганинг жорий мавсумида энг яхши ўйинчи деб топилган беш нафар футболчини кўриб чиқайлик.
Эрлинг Холанд, Манчестер Сити - 3 марта ўйиннинг энг яхши футболчиси
Эрлинг Холанд «Манчестер Сити» учун ажойиб формада. У бу мавсумда гол уришда давом этди. У чемпионатда 15 та учрашувда 14 та гол ва 4 та голли узатмани амалга оширган. Норвегияликнинг голлари яна «Сити» учун ҳал қилувчи бўлди ва у уларнинг ҳужумкор ўйинига бироз зиравор қўшди десак ҳам бўлади.
Муҳаммад Салоҳ, «Ливерпуль» - 4 марта ўйиннинг энг яхши футболчиси
Муҳаммад Салоҳ Премьер-лиганинг 2023/24 йилги мавсумида ҳар доимгидек мухлис ва мутахассисларда катта тассурот қолдирмоқда. У деярли ҳар бир ўйинда таъсир ўтказиш йўлини топди. Салоҳ жорий мавсумда 16 та ўйинда майдонга тушиб, 11 та гол урган АПЛ тўпурарлиги бўйича иккинчи ўринни эгаллаб турибди. Машҳур мисрлик шунингдек, еттита голли узатмани амалга оширди. 32 ёшли Салоҳ «қизиллар»нинг ҳужумдаги асосий ўйинчиси бўлишда давом этмоқда.
Жереми Доку, «Манчестер Сити» - 4 марта «Энг яхши футболчи» мукофоти
Жереми Доку «Манчестер Сити» ҳужумига ажойиб қўшимча бўлди. Бельгиялик футболчи шу ёзда «Ренн»дан 60 миллион евро эвазига шартнома имзолаган ва Англиядаги фаолиятини умидли бошлаган. Унинг ҳимоячиларни доғда қолдириш қобилияти бу мавсумда Премьер-лигада деярли тенгсиз. Доку «Сити» сафида 11 та ўйинда майдонга тушиб, 2 та гол урди ва 5 та голли узатмани амалга оширди.
Бруну Фернандеш, «Манчестер Юнайтед» - 4 марта «энг яхши футболчи» соврини
«Манчестер Юнайтед» ҳозирда 2023/24 йилги мавсумнинг энг беқарор жамоаси бўлиб турибди. Янги мавсумнинг дастлабки босқичида бир нечта асосий ўйинчилар жароҳат олгани сабабли, «қизил иблислар» доимо яхши ва ёмон ўйинлар ўртасида тебраниб туришди. Сардор Бруно Фернандеш «Манчестер Юнайтед» сафида 16 та ўйинда майдонга тушиб, 3 та гол урди ва 3 та голли узатмани амалга оширди. Агар «Юнайтед» ҳужумчилари у яратган имкониятларнинг ярмини қўлдан бой бермаганларида Бруно яна кўп голли узатмаларни амалга оширган бўларди.
Букайо Сака, «Арсенал» - 5 марта «энг яхши футболчи» мукофоти
Букайо Сака айни дамда дунёнинг энг яхши ўнг қанот вингерларидан бири. Сака сўнгги мавсумларда «Арсенал»нинг ҳужумларида асосий омил бўлди ва бу мавсумда жамоанинг энг барқарор ўйинчиси бўлиб қолмоқда. Букайо АПЛда 15 та ўйинда майдонга тушиб, 5 та гол урди ва 6 та голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
