Бундан атиги икки ҳафта олдин "Манчестер Юнайтед" Англиядаги энг яхши спорт формасига эга клуб бўлиб турган эди. Афсуски, ҳаёт баланд ва пастлардан иборат. Футболда эса доимо барқарор бўлишнинг иложи йўқ. Ҳозирда "қизил иблислар" жуда мураккаб аҳволда қолган. Жамоа ЕЧЛ билан биргаликда еврокубокларда қатнашишдан ҳам мосуво бўлди. АПЛдаги натижалар эса қониқарли эмас. Сер Жим Рэтклиффнинг "МЮ" акциясининг бир қисмини сотиб олиши чўзилмоқда. Бу ҳолат, ўз навбатида клуб ичидаги беқарорликнинг тугатилишини қийинлаштиради. Шундай вазиятда бир қанча футболчилар билан хайрлашилиши мумкин. Қуйида январда кетиши мумкин бўлган номзодларга назар соламиз.
Каземиро
Каземиронинг келажаги "Олд Траффорд"дан узоқда экани ва буни бразилияликнинг ўзи ҳам билиши ҳақида хабарлар тарқалганди. Бу гап ростга ўхшаб кўринмоқда. Футболчининг ўзи ҳам январда янги жамоага ўтиш тараддудига тушиб қолган. Унга Саудия Арабистони клублари ва "ПСЖ" қизиқиш билдирмоқда. Каземиро келаётган февраль ойида 32 га тўлади. Шу сабаб уни сотиш, унчалик ҳам ёмон ғоя эмас, аслида. Аммо унга тўланган 60 миллион фунтни қоплаш имконсиз бўлади.
Рафаэль Варан
"Реал" ўз таркибини янгилаб, ёшартириб олди. Бунда мадридликларга "МЮ" ёрдам бериб юборди. Негаки, "Реал" ёши ўтаётган юлдузларини айнан манкунианликларга, катта сумма эвазига сотганди. Варан эса улардан бири. У 2021 йилда "МЮ"га келганди. Ўтган мавсум француз учун яхши ўтганига қарамай, ҳозирда тен Хаг Варандан жуда ҳам кам ҳолларда фойдаланмоқда. Вараннинг амалдаги шартномаси 2024 йилнинг ёзида тугайди. Унинг узоқ муддатлик келажаги эса номаълум бўлиб турибди. "МЮ" уни январда сотиш орқали қанчадир фойда кўришга интилиши аниқ.
Жейдон Санчо
Уч ойдирки, Санчо "МЮ" сафида майдонга тушгани йўқ. Футболчининг ўзи ҳам бунга рози. Эрик тен Хаг эса ҳалиям ундан кечирим кутмоқда. Ҳар икки томон ўзича ҳақ. Бу ҳолатда, одатга кўра, футболчи жамоадан кетади. Санчога "Боруссия Дортмунд"дан таклифлар бор. 23 ёшли вингер эски жамоасига қайтиб, олдинга даражасини қайтаришга ҳаракат қилиб кўради. Номзодлар ичида айнан Санчонинг кетиш эҳтимоли жуда баланд.
Антони Марсьяль
Агарда Марсьяль кейинги мавсум ҳам "МЮ" либосида ҳаракат қилса, бу нарса ҳаммани ҳайратга солиши аниқ. Аммо бундай бўлмайди. Негаки, раҳбарият бу борада бир қарорга келган: Марсьялнинг шартномаси узайтирилмайди. 2024 йилда эркин агентга айланиши кутилаётган ҳужумчини шу қишнинг ўзида сотиб юбориш энг яхши ечим бўлади. Марсьяль 2019/20 йилги мавсумда фантастик даражага чиққан эди. Ҳозир унинг фойдасидан кўра, зарар кўпроқ тегмоқда (молиявий томондан).
Донни ван де Бек
Кўплаб сабаблар билан ван де Бекнинг "Олд Траффорд"даги даври омадсиз кечмоқда. Ярим ҳимоячи Эрик тен Хагнинг 2019 йилда ЕЧЛ ярим финалига чиққан жамоасида жуда муҳим фигура эди. Афсуски, ван де Бек ўша даражасини ушлаб қола олмади. Январдаги трансферлар ойнасида 26 ёшли футболчи "Айнтрахт" сафига ижара асосида юборилиши кутилмоқда.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
