«Сити» Кавани ва Ваньяма учун 60 млн. фунтдан кўпроқ пул сарфлашга тайёр
Англиянинг «Манчестер Сити» клуби ёзги трансферлар пайтида «Наполи» ҳужумчиси Эдинсон Кавани ва «Сельтик» яримҳимоячиси Виктор Ваньямани сотиб олиш учун 60 миллион фунт стерлингдан ортиқ маблағ сарфлашга тайёр. Бу ҳақда «Daily Mail» нашри хабар тарқатди.
Манбанинг маълум қилишича, «шаҳарликлар» ўтган ойдан буён «Наполи»нинг уругвайлик ҳужумчисини сотиб олиш учун ҳаракат қилмоқда. Дастлаб клуб Каванининг шартномасида кўрсатилган исталган пайтда битимни бекор қилиш суммаси 52 миллион фунт стерлингни беришни истамаганди. Бироқ эндиликда улар бу суммани ҳам тўлашга тайёр бўлиб туришибди. Агар бу трансфер амалга ошса Англия рекорди янгиланади.
Эдинсонни «Этиҳад»га олиб келиш учун Англия чемпиони бошқа бир ҳужумчи Эдин Джекони сотишни режалаштирмоқда. Ҳозирда бир қатор Германия ва Италия клублари қизиқиш билдираётган босниялик футболчининг нархи 25 миллион фунт стерлингга баҳоланган.
21 ёшли кениялик Виктор Ваньямани эса «Сити» скаутлари икки кун муқаддам бўлиб ўтган «Ювентус»га қарши учрашув пайтида кузатиб боришган. Унинг баҳоси тахминан 10 миллион фунтни ташкил қилиши кутилмоқда. Бироқ Ваньямани сотиб олишда «Сити» қўшнилари «Юнайтед», шунингдек «Арсенал» билан ҳам курашиши керак бўлади.
Манба: www,fapl.ru
Киритилди: 15:15, 14.02.2013. Ўқилди: 3513 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар